សុខភាព

សារៈសំខាន់នៃការធ្វើអេកូសរសៃឈាម ដែលទៅចិញ្ចឹមខួរក្បាល!

បានផុស

៤ years មុន

នៅ

ថ្ងៃពុធ ២ ធ្នូ ២០២០

ដោយ

ខួរក្បាលមនុស្សជាសរីរាង្គមួយយ៉ាងសំខាន់ មិនអាចអត់បានសម្រាប់សារពាង្គកាយ ហើយវាក៏ត្រូវការឈាមក្រហម ដែលមានផ្ទុកទៅដោយអុកស៊ីហ្សែននិងសារធាតុចិញ្ចឹម ដើម្បីផ្គត់ផ្គង់ជាប្រចាំក្នុងបរិមាណគ្រប់គ្រាន់តាមរយៈសរសៃឈាមការ៉ូទីត(Carotides) និងវៀទេប្រាល់(Vertébrales)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក) កត្តាប្រឈមរបស់មនុស្សគ្រប់រូបមានដូចជា

– ការវិវត្តន៍នៃវ័យ

– របៀបរបបរស់នៅប្រចាំថ្ងៃ ជក់បារី អាហារសំបូរជាតិខ្លាញ់ កង្វះលំហាត់ប្រាណ…

– ជំងឺផ្សេងៗមាន លើសខ្លាញ់ក្នុងឈាម លើសសំពាធឈាម(ឡើងឈាម) ជំងឺទឹកនោមផ្អែម ជំងឺបេះដូង…

បណ្តាលឲ្យសរសៃឈាមខាងលើ ដែលទៅចិញ្ចឹមខួរក្បាលកើតជំងឺរឹងក្រិននិងមានកកខ្លាញ់ នៅក្នុងសរសៃឈាម (ជំងឺArteroselérose) ដែលបង្កជាហានិភ័យធ្ងន់ធ្ងរ នៅថ្ងៃក្រោយជាពិសេស គឺជំងឺខូចមួយចំហៀងខ្លួន(Strock)។

ខ) អេកូសរសៃឈាមទៅចិញ្ចឹមខួរក្បាល(Echo-doppler du Tronc Supra-aortique) ជាបច្ចេកវិទ្យាទំនើបមួយ ដែលពុំមានការប៉ះពាល់ដល់សុខភាពនិងមានតួនាទីយ៉ាងសំខាន់ក្នុង

– ការរុករកជំងឺខ្លាញ់ក្នុងសរសៃឈាម (MaladicArtèroselérose)

– តាមដានការវិវត្តន៍របស់ខ្លាញ់ ដែលមានកកនៅក្នុងសរសៃឈាម

– វាយតម្លៃលក្ខណៈរបស់ខ្លាញ់ដែលអាចបង្កគ្រោះថ្នាក់ (ដាច់បំណែកខ្លាញ់ទៅស្ទះតាមសរសៃនានា)

– វាយតម្លៃភាគរយនៃការស្ទះរបស់ខ្លាញ់នៅក្នុងសរសៃឈាម…

គ) កត្តាអ្វីខ្លះដែលលោកអ្នកតម្រូវឲ្យធ្វើអេកូសរសៃឈាមទៅចិញ្ចឹមខួរក្បាល

– សម្រាប់មនុស្សទាំងពីរភេទមានអាយុចាប់ពី ៤៥ឆ្នាំឡើងទៅ

– ឧស្សាហ៍ឈឺក្បាល វិលមុខរ៉ាំរ៉ៃ

– ធ្លាប់មានប្រវត្តិស្ពឹក ឬខូចមួយចំហៀងខ្លួន

– មានលើសខ្លាញ់ក្នុងឈាម

– លើសឈាម មានជំងឺបេះដូង

– មានជំងឺទឹកនោមផ្អែម…

យោងទៅលើលទ្ធផលរបស់អេកូសរសៃឈាមខួរក្បាល រួមផ្សំនឹងលទ្ធផលផ្សេងៗទៀត (ដូចជាលទ្ធផលនៃការបូមឈាមជាដើម…) ទើបគ្រូពេទ្យអាចធ្វើការវាយតម្លៃនិងព្យាបាល បានត្រឹមត្រូវ និងមានប្រសិទ្ធភាពខ្ពស់។ ក្នុងករណីមានបញ្ហាដូចបានរៀបរាប់ខាងលើ បងប្អូនគួរមកទទួលការពិនិត្យនិងប្រឹក្សាផ្ទាល់ជាមួយគ្រូពេទ្យជំនាញនៃមន្ទីរពេទ្យកាល់ម៉ែត ដើម្បីធ្វើការពិនិត្យ និងព្យាបាលទាន់ពេលវេលា៕

អត្ថបទ៖ រស្មី

សូមចុចអាន៖ សូមស្វែងយល់ពីគ្រោះថ្នាក់ប៉ះទង្គិចក្បាល!

Related Topics:សុខភាព