សុខភាព
រត់ហាត់ប្រាណតិចៗសោះ ជួយសុខភាពឡើងច្រើន ស្ទើរមិនជឿ
អ្នកស្រលាញ់សុខភាព តែងហាត់ប្រាណជាប្រចាំ ដូចជា រត់ ហែលទឹក លេងកីឡាផ្សេងៗ ដោយគ្រាន់តែដឹងថា ជួយសុខភាពយើងល្អ រស់បានយូរ ប៉ុន្តែមិនដឹងថា ក្នុងលំហាត់ប្រាណមួយៗ សុទ្ធតែមានប្រយោជន៍សុខភាពផ្សេងៗពីគ្នា។ អត្ថបទនេះនឹងលម្អិតពីប្រយោជន៍សុខភាពពី “ការរត់ហាត់ប្រាណ” ឲ្យយើងបានដឹងម្ដង កុំចេះតែដឹងតៗគ្នាថា រត់ហាត់ប្រាណល្អ តែមិនដឹងល្អម៉េចខ្លះនោះ។
១- បង្កើនភាពរីករាយ
រត់ហាត់ប្រាណ មានឥទ្ធិពលដល់រាងកាយច្រើនជាងការហាត់ប្រាណផ្សេងៗ ព្រោះវាជួយបង្កើនកម្រិតអ័រម៉ូនយើងឲ្យខ្លាំងជាងលំហាត់ប្រាណផ្សេងៗ។
ផ្អែកលើការស្រាវជ្រាវបង្ហាញថា ការរត់ជំរុញឲ្យរាងកាយផលិតអ័រម៉ូនមួយប្រភេទ ឈ្មោះថា Endocannabinoid មានសមត្ថភាពឲ្យយើងមានអារម្មណ៍ល្អ។ ការរត់ ត្រូវគេជឿថាអាចជួយអ្នកមានបញ្ហាបាក់ទឹកចិត្ត មានអារម្មណ៍ធូរស្រាលភ្លាមៗ។
២- ពង្រឹងកាយសម្បទា
រត់ ជួយឲ្យយើងមានកាយសម្បទាមាំមួន ដោយសារខា្លញ់ក្នុងខ្លួនត្រូវដុតបំផ្លាញ ជួយកាត់បន្ថយលើសទម្ងន់ និងគ្រប់គ្រងទម្ងន់បានល្អ។ កាឡូរីក្នុងរាងកាយត្រូវដុតបំផ្លាញ ទោះបីជាយើងឈប់រត់ក៏ដោយ។
បើចង់ដុតបំផ្លាញខ្លាញ់ មិនចាំបាច់រត់លឿនក៏បានដែរ។ អ្នកវិទ្យាសាស្រ្តបង្ហាញថា រាងកាយយើងទទួលបានប្រយោជន៍ជានិច្ច ទោះបីជាការធ្វើលំហាត់ប្រាណតិចតួចក៏ដោយ។ យ៉ាងណា ការរត់នឹងធ្វើឲ្យក្រពះយើងមានចំណង់ម្ហូបអាហារច្រើនជាងមុន។
ត្រូវចាំថា រត់រាល់ព្រឹក មិនមែនមានន័យថា យើងអាចញ៉ាំគ្រប់យ៉ាងតាមចិត្តនោះទេ។ បើមិនគ្រប់គ្រងរបបអាហារទេ យើងការប្រឹងប្រែងហាត់របស់យើង នឹងក្លាយជារឿងឥតប្រយោជន៍។
៣- គំនិតមុតស្រួច
ពេលរាងកាយវិវត្តទៅរកភាពចាស់ ជារឿយៗ ខួរក្បាលយើងនឹងចាប់ផ្តើមបាត់បង់មុខងារមួយចំនួន នាំឲ្យការគិតយឺតជាងមុន សូម្បីតែការចងចាំក៏ចុះខ្សោយដូចគ្នា។ រត់ហាត់ប្រាណ អាចប្រយុទ្ធប្រឆាំងបញ្ហាថយចុះប្រាជ្ញាស្មារតី។
មនុស្សវ័យចំណាស់ មានទម្លាប់រត់ជាប្រចាំ អាចជួយការចងចាំបានល្អ។ សម្រាប់គ្នាយើងរត់ជាប្រចាំ គឺមានពិន្ទុតេស្តសុខភាពផ្លូវចិត្ត ខ្ពស់ជាងអ្នកមិនដែលហាត់ប្រាណសោះ។ ឯអ្នកមានជំងឺដាច់សរសៃឈាមខួរក្បាល អាចមានអាការៈធូរស្រាលរហូតដល់ ៥០% តាមរយៈការធ្វើលំហាត់ប្រាណនេះឲ្យបានទៀងទាត់។
៤- រាងកាយមានសុខភាពល្អ
ទោះរត់មិនអាចធ្វើឲ្យយើងជាសះស្បើយពីជំងឺផ្សេងៗក៏ពិតមែន តែក៏អាចការពារជំងឺជាច្រើនផងដែរ។ ស្រីៗចូលចិត្តហាត់ប្រាណដោយរត់ និងទៀងទាត់ អាចការពារមហារីក កាត់បន្ថយហានិភ័យ ជំងឺដាច់សរសៃឈាមខួរក្បាលដូចគ្នា។
ពេទ្យជំនាញជាច្រើន បានណែនាំថា រត់ជាផ្នែកមួយនៃការព្យាបាលជំងឺមួយចំនួន ដូចជា ទឹកនោមផ្អែម និងលើសឈាម។ អំឡុងពេលកំពុងរត់ សរសៃឈាម និងបេះដូងយើង កាន់តែមានកម្លាំងជាងមុន អាចបន្ថយហានិភ័យជំងឺថប់បារម្ភ។ លើសពីនេះ ពេលធ្វើលំហាត់ប្រាណ ប្រព័ន្ធមេតាប៉ូលីស នឹងបណ្តេញជាតិពុលចេញពីក្នុងខ្លួនយើង នាំឲ្យយើងអាចចៀសផុតពីជំងឺមហារីក។ រត់ក៏ជួយបង្កើនប្រព័ន្ធភាពស៊ាំ ធ្វើឲ្យយើងមានសុខភាពប្រសើរជាងមុន។
មិនចាំបាច់ទាល់តែមានកន្លែងហាត់ប្រាណឡូយៗ ឬរបៀបហាត់ប្រាណធ្ងន់ធ្ងរ ទើបអាចមានសុខភាពល្អនោះទេ។ ការរត់ មិនបាច់ចំណាយលុយច្រើន ហើយអាចធានាបានថា មានប្រយោជន៍ដូចគ្នានឹងការហាត់ប្រាណក្នុងក្លឹបដែរ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ បច្ចេកទេសរត់ហាត់ប្រាណបែបសាមញ្ញៗ តែសុខភាពល្អ រាងស្អាត
ចុចអាន៖ ចង់រត់ហាត់ប្រាណឲ្យស្រកទម្ងន់ ត្រូវដឹងតិចនិកទាំងនេះ
ជនស៊ីវិលមីយ៉ាន់ម៉ាបន្តរងគ្រោះ ក្នុងការបំពានបទឈប់បាញ់ដែលបានប្រកាសក្រោយរញ្ជួយដី
រដ្ឋាភិបាលថៃមិនដកថយរឿងច្បាប់កាស៊ីណូ ទោះបីមានការប្រឆាំងខ្លាំង ហើយសភាពិភាក្សានៅថ្ងៃពុធ
លែងឲ្យពិបាកទៀត! ព្រះខ័នរាជស្វាយរៀបចំវិធីសាស្ត្រចូលទស្សនានៅពហុកីឡដ្ឋានជាតិមរតកតេជោយ៉ាងល្អ
រដ្ឋមន្ត្រីពាណិជ្ជកម្មជំរុញឱ្យកែច្នៃថ្នាំជក់ ដើម្បីនាំចេញ
ជប៉ុន សម្រេចបន្តដាក់ទណ្ឌកម្មកូរ៉េខាងជើងរយៈពេល២ឆ្នាំទៀត
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
សេចក្តីជូនដំណឹង ស្តីពី ការងារសាងសង់ផ្លូវភូមិប្រភេទបេតុងអាម៉េ
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ១ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា