សុខភាព

ចាស់ៗច្រើនឈឺសន្លាក់ ក្រៅពីថ្នាំពេទ្យ មានវិធីអ្វីជួយបានទៀត?

បានផុស

៣ years មុន

នៅ

ថ្ងៃអាទិត្យ ២៤ តុលា ២០២១

ដោយ

Sonya

នៅពេលយើងមានវ័យកាន់តែច្រើនបញ្ហាឈឺដៃ ឈឺជើង ពិសេសឈឺត្រង់សន្លាក់ក៏កើតមានដែរ។ បញ្ហាឈឺសន្លាក់ អ្នកជំនាញលើកឡើងថាក៏អាចកើតមានលើមនុស្សពេញកម្លាំងផងដែរ។ យ៉ាងណា បញ្ហានេះ តែងកើតឡើងនៅពេលយើងមានវ័យកាន់តែចាស់ពិតប្រាកដមែន ហើយអ្នកជំនាញជឿថាមនុស្សមានវ័យលើសពី៦៥ឆ្នាំ ប្រហែល៥០ភាគរយមានបញ្ហាឈឺសន្លាក់។

១. ប្រភេទនៃការរលាកសន្លាក់

Asian Senior Woman Arthritis,osteoarthritis,elderly People Stock Footage Video (100% Royalty-free) 1038668855 | Shutterstock

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រលាកសន្លាក់ឆ្អឹង៖ ច្រើនកើតឡើងដោយសារការរហែកឆ្អឹងខ្ចី ធ្វើឲ្យឆ្អឹងកកិតគ្នា នាំឲ្យមានការប្រេះ ខូចខាត និងរលាកកើតឡើង។

រលាកសន្លាក់រ៉ាំរ៉ៃ៖ គឺជាលក្ខខណ្ឌជាប្រព័ន្ធមួយដែលរំញោចរោគសញ្ញាពេញទាំងរាងកាយ។ វាជាជំងឺម្យ៉ាងហៅថា autoimmune disease ដែលកើតឡើងនៅពេលប្រព័ន្ធភាពស៊ាំរបស់យើងវាយប្រហារដោយភាន់ច្រឡំលើសន្លាក់ដែលមានសុខភាពល្អ។

ដើម្បីដោះស្រាយបញ្ហាឈឺសន្លាក់នេះ គ្រូពេទ្យអាចចេញវេជ្ជបញ្ជាឲ្យអ្នកជំងឺប្រើប្រាស់ថ្នាំមួយចំនួន ប៉ុន្តែក៏គ្រូពេទ្យអាចណែនាំឲ្យយើងប្រើវិធីព្យាបាលបែបធម្មជាតិខ្លះដែរ។ យ៉ាងណា យើងត្រូវសុំការណែនាំពីគ្រូពេទ្យឲ្យបានច្បាស់ថាវិធីទាំងនោះមានអ្វីខ្លញស័ក្ដិសមនឹងស្ថានភាពរបស់យើង។ ខាងក្រោមជាវិធីមួយចំនួន ក្នុងការជួយសម្រួលដល់បញ្ហាឈឺសន្លាក់នេះ។

២. គ្រប់គ្រងទម្ងន់ឲ្យបានល្អ

ការគ្រប់គ្រងទម្ងន់បានល្អ មានឥទ្ធិពលយ៉ាងខ្លាំងទៅលើរោគសញ្ញារលាកសន្លាក់របស់អ្នកជំងឺ។ កាលណាយើងឡើងទម្ងន់កាន់តែច្រើន កម្លាំងសង្កត់មកលើសន្លាក់ ពិសេសនៅត្រង់ជង្គង់ ត្រគាក និងជើង ក៏ខ្លាំងដែរ។

តាមគោលការណ៍ណែនាំ អ្នកមានបញ្ហារលាកឆ្អឹងសន្លាក់ លើសទម្ងន់ ឬជំងឺធាត់ គួរតែព្យាយាមសម្រកទម្ងន់។ គ្រូពេទ្យអាចណែនាំឲ្យយើងសម្រកទម្ងន់ ទៅតាមកម្មវិធីមួយចំនួន ដើម្បីអាចសម្រេចបានដូចបំណង។

ពេលយើងស្រកទម្ងន់អាចជួយឲ្យ៖

ស្រួលធ្វើចលនា
កាត់បន្ថយការឈឺចាប់
ការពារការខូចខាតសន្លាក់ទៅថ្ងៃក្រោយ

២. ហាត់ប្រាណឲ្យបានគ្រប់គ្រាន់

បើសិនជាយើងមានបញ្ហារលាកសន្លាក់ ការហាត់ប្រាណអាចជួយយើង៖

គ្រប់គ្រងទម្ងន់បានល្អ
រក្សាភាពបត់បែនរបស់សន្លាក់បានល្អ
បង្កើនសាច់ដុំនៅជុំវិញសន្លាក់ អាចជួយជាទម្របានកាន់តែខ្លាំង

បើយើងជាមនុស្សវ័យចំណាស់ពិបាកក្នុងការធ្វើលំហាត់ប្រាណផ្សេងៗ ការដើរជាជម្រើសល្អ បំផុតក្នុងការហាត់ប្រាណរបស់មនុស្សវ័យចំណាស់។ ក្រៅពីនោះបើអាចធ្វើបាន លំហាត់ប្រាណ ដូចជាជិះកង់ និងហែលទឹក ក៏ល្អសម្រាប់សុខភាពដូចគ្នា។ ការហាត់ប្រាណដើម្បីសុខភាព ជាទូទៅមានការណែនាំថាអាចហាត់៣០នាទីក្នុងមួយថ្ងៃ ឬ១៥០នាទីក្នុងមួយសប្ដាហ៍។

៣. កាត់បន្ថយការផឹកភេសជ្ជៈកំប៉ុង

ភេសជ្ជៈមានជាតិស្ករច្រើន និងភេសជ្ជៈប៉ូវកម្លាំងជាដើម សុទ្ធតែអាចជំរុញឲ្យមានការរលាក និងឡើងទម្ងន់ ហើយក៏អាចធ្វើឲ្យមនុស្សយើងមានបញ្ហារលាកសន្លាក់រ៉ាំរ៉ៃផងដែរ។ ជំនួសឲ្យការផឹកភេសជ្ជៈទាំងនេះ យើងគួរផឹកទឹកឲ្យបានច្រើន និងគ្រប់គ្រាន់ ដែលអាចធ្វើឲ្យសន្លាក់មានដំណើរការបានល្អ។

៤. ញ៉ាំអាហារល្អចំពោះសុខភាព

5,878 Asian Elderly Eating Stock Photos, Pictures & Royalty-Free Images - iStock

វ័យយើងកាន់តែចាស់ ការញ៉ាំអាហារល្អចំពោះខុសភាពជួយការពារការឈឺសន្លាក់។ ការញ៉ាំអាហារកែច្នៃច្រើនអាចធ្វើឲ្យយើងជួបបញ្ហារលាក ឈឺចាប់ និងហើម។ នៅពេលនិយាយដល់អាហារល្អចំពោះសុខភាព គ្មានអ្វីក្រៅពីផ្លែឈើស្រស់ និងបន្លែនោះទេ។ បន្លែ និងផ្លែឈើមិនមែនល្អតែចំពោះសុខភាពទូទៅទេ តែក៏ល្អចំពោះសុខភាពសន្លាក់ផងដែរ។ មួយវិញទៀត បើយើងជាអ្នកជក់បារី ត្រូវបញ្ឈប់ការជក់បារី ព្រោះថាបារីក៏អាចបង្កបញ្ហាដល់សុខភាពសន្លាក់ដូចគ្នា។

៥. គេងឲ្យបានគ្រប់គ្រាន់

វ័យយើងកាន់តែចាស់ អាចធ្វើឲ្យយើងពិបាកគេងលក់ស្កប់ស្កល់ដែរ សម្រាប់អ្នកខ្លះ។ ការគេងមិនបានស្កប់ស្កល់នឹងធ្វើឲ្យបញ្ហាសន្លាក់កាន់តែធ្ងន់ធ្ងរ។ ការគេងបានតិចនៅពេលយប់ អាចធ្វើឲ្យកើតមានបញ្ហាធុញថប់ ការឈឺចាប់នៅសន្លាក់ក៏អាចកើតមានកាន់តែខ្លាំង ហើយការឈឺចាប់នៅសន្លាក់កាន់តែខ្លាំង អាចធ្វើឲ្យយើងដើរមិនរួចក៏មាន។

ការគេងមិនលក់ គេងមិនបានគ្រប់គ្រាន់ ធ្វើឲ្យរាងកាយកាន់តែពិបាកក្នុងការទប់ទល់នឹងការឈឺចាប់។ ចូរគេងឲ្យបានគ្រប់គ្រាន់ តាមរយៈការបិទចោលឧបករណ៍អេឡិចត្រូនិក យ៉ាងតិចមួយម៉ោងមុនចូលគេង ឬធ្វើសមាធិខ្លះៗមុនចូលគេង ដើម្បីជួយបង្កើនគុណភាពដំណេករបស់យើង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទម្លាប់សកម្មច្រើន មិននៅមួយកន្លែង ជួយពន្យាភាពចាស់ ឬខ្សោយនៅវ័យ ៦០ប្លាយ

ចុចអាន៖ ចូរប្រុងប្រយ័ត្ន ចំពោះថ្នាំឈឺសន្លាក់ ដែលទិញយកមកលេបមិនត្រឹមត្រូវ