កូវីដទម្រង់ដើម និង Delta ចេញរោគសញ្ញាថ្មី

គ្រប់គ្នាប្រហែលដឹងហើយថា រោគសញ្ញា​កូវីដ-១៩ ទូទៅមានដូចជា ក្ដៅ​ខ្លួន ក្អក​ ឈឺបំពង់ក ឬបាត់បង់រសជាតិនិងក្លិនជាដើម។

ប៉ុន្តែកាលពីពេលថ្មីនេះ ក្រុមអ្នកវិទ្យាសាស្រ្តអង់គ្លេស បានបញ្ជាក់ពីរោគសញ្ញាថ្មីបន្ថែមទៀត ដែលកើតឡើងលើអ្នកឆ្លងកូវីដទម្រង់ដើម និងវីរុសបំប្លែងខ្លួនប្រភេទ Delta។

រោគសញ្ញាថ្មីជាចម្បងនោះគឺ ការក្អកញយដងក្នុងរយៈពេល១ម៉ោង ឬក្អកជាប់៣ដង ឬលើសនេះក្នុងរយៈពេល២៤ម៉ោង។

បន្ថែមលើសពីនេះ ក៏មានរោគសញ្ញាផ្សេងទៀតផងដែរ ដូចជា ក្តៅខ្លួនលើសពី ៣៧.៨ អង្សាសេ និងផ្លាស់ប្តូរក្លិននិងរសជាតិ។

សេវាសុខភាពសាធារណៈអង់គ្លេស និយាយថា ប្រហែល ៨៥% នៃអ្នកឆ្លងកូវីដ នឹងមានរោគសញ្ញាយ៉ាងតិចមួយ ក្នុងចំណោមរោគសញ្ញាទាំងនេះ។

ក្រោពីនេះ អ្នកឆ្លងមេរោគបំប្លែងខ្លួនប្រភេទថ្មីដូចជា Delta ផងដែរ ទំនងជាមានរោគសញ្ញាផ្សេងទៀតដូចជា ឈឺក្បាល ឈឺបំពង់ក ឬហៀរសំបោរជាដើម។

គួរបញ្ជាក់ថា ជាមធ្យម វាមានរយៈពេល៥ថ្ងៃក្នុងការចេញរោគសញ្ញា បន្ទាប់ពីអ្នកឆ្លងវីរុស៕

ប្រែសម្រួល៖ Vann Vann

ប្រភព៖ BBC

ចុចអាន៖ ខុសគ្នាដាច់! រោគសញ្ញា Delta ចំពោះអ្នកចាក់វ៉ាក់សាំងហើយ និងអ្នកមិនទាន់ចាក់