ព័ត៌មានជាតិ

៧០ ភាគរយអ្នកឆ្លងកូវីដ ១៩ អត់ចេញរោគសញ្ញា

បានផុស

៤ years មុន

នៅ

ថ្ងៃព្រហស្បតិ៍ ៣ ធ្នូ ២០២០

ដោយ

លោកជំទាវឱ វណ្ណឌីន រដ្ឋលេខាធិការនិងអ្នកនាំពាក្យក្រសួងសុខាភិបាលឲ្យដឹងថា វិរុសកូវីដ ១៩ បានវិវឌ្ឍខ្លួន ហើយ៧០ ភាគរយអ្នកឆ្លងអត់ចេញរោគសញ្ញាទេ។ វិរុសនេះអាចរកឃើញនៅចន្លោះថ្ងៃទី ៣ ដល់ទី ៦ ក្រោយឆ្លងចូលដល់ខ្លួនមនុស្ស។

លោកជំទាវបន្តថា ទាំងអស់គ្នាត្រូវអនុវត្តតាមវិធានសុខាភិបាលដូចជាការពាក់ម៉ាស ឧស្សាហ៍លាងសម្អាតដៃ និងរក្សាគម្លាតសង្គម ដើម្បីបង្ការនិងការពារការចម្លងទ្រង់ទ្រាយធំ។

បើតាមលោកជំទាវ ថ្មីៗក្រសួងសុខាភិបាលក៏បានចេញវិធានការបន្ទាន់មួយ ដើម្បីគ្រប់គ្រងអ្នកដំណើរចូលក្នុងប្រទេស ដោយតម្រូវឲ្យធ្វើចត្តាឡីស័កឲ្យគ្រប់ ១៤ ថ្ងៃ ទោះបីមានវិជ្ជមានឬអវិជ្ជមានតាមទីតាំងដែលបានរៀបចំទុក។

កម្ពុជាបានកើតមានករណីឆ្លងចូលសហគមន៍លើកដំបូងនៅថ្ងៃ ២៨ វិច្ឆិកា ២០២០។ គិតពីថ្ងៃ ២៩ វិច្ឆិកា ដល់ ០២ ធ្នូ ២០២០ ក្រសួងសុខាភិបាលបានធ្វើតេស្តអ្នកប៉ះពាល់ពាក់ព័ន្ធព្រឹត្តិការណ៍សហគមន៍ ២៨ វិច្ឆិកា សរុប ៨៧៦៦ នាក់ ក្នុងនោះរកឃើញអ្នកវិជ្ជមានចំនួន ១៩ នាក់ ហើយគ្រឹះស្ថានសិក្សាឯកជននិងរដ្ឋក៏បានផ្អាក និងត្រូវបញ្ចប់ឆ្នាំសិក្សាមុនការគ្រោងទុក៕

Related Topics: