Connect with us

សុខភាព

ទោះចាក់វ៉ាក់សាំង២ដូស អ្នកនៅតែអាចចម្លងកូវីដទៅគ្រួសារ បានយ៉ាងងាយ

បានផុស

នៅ

អ្នកជំនាញដែលសិក្សាករណីឆ្លងកូវីដក្នុងគ្រួសារនៅចក្រភពអង់គ្លេសបានព្រមានថា មនុស្សដែលចាក់វ៉ាក់សាំងបាន២ដូស គឺនៅតែឆ្លង ហើយចម្លងវាទៅកាន់អ្នកដែលរស់នៅជាមួយបានយ៉ាងងាយ។

ថ្វីបើពួកគេមិនចេញរោគសញ្ញា ឬមានរោគសញ្ញាតិចតួចក៏ដោយ ប៉ុន្តែឱកាសនៃការចម្លងមេរោគទៅអ្នកផ្ទះ ដែលមិនបានចាក់វ៉ាក់សាំង គឺមានប្រហែល២ភាគ៥ ឬ ៣៨%។ អត្រានេះធ្លាក់ចុះដល់ ១ភាគ៤ ឬ ២៥% ប្រសិនបើអ្នកផ្ទះ បានទទួលថ្នាំបង្ការពេញលេញដូចគ្នា។

អ្នកជំនាញនៅសាកលវិទ្យាល័យ Imperial College London បានព្រមានថា មនុស្សដែលអត់ទទួលវ៉ាក់សាំង មិនអាចពឹងផ្អែកលើអ្នកចាក់វ៉ាក់សាំងនៅជុំវិញពួកគេ ក្នុងការកាត់បន្ថយហានិភ័យនៃការឆ្លងបាននោះទេ។

វ៉ាក់សាំងមានប្រសិទ្ធភាពខ្ពស់ក្នុងការទប់ស្កាត់ជំងឺកូវីដ-១៩ធ្ងន់ធ្ងរ និងការស្លាប់ ប៉ុន្តែមិនអាចបញ្ឈប់ការឆ្លងបានឡើយ ជាពិសេសចាប់តាំងពីការលេចឡើងនៃវីរុសបំប្លែងខ្លួន Delta។ យូរៗទៅ ប្រសិទ្ធភាពការពារដែលផ្តល់ដោយវ៉ាក់សាំងនឹងថយចុះ ហើយត្រូវការការចាក់ដូសជំរុញបន្ថែមទៀត។

សាស្ត្រាចារ្យ Ajit Lalvani សហប្រធាននៃការសិក្សា មកពីសាកលវិទ្យាល័យ Imperial College London ចក្រភពអង់គ្លេស បាននិយាយថា “ការឆ្លងជាបន្តដែលយើងកំពុងឃើញរវាងអ្នកចាក់វ៉ាក់សាំង បានបង្ហាញពីភាពចាំបាច់សម្រាប់អ្នកដែលមិនបានទទួលថ្នាំបង្ការ ក្នុងការទៅចាក់ដើម្បីការពារខ្លួនពីការឆ្លងមេរោគ និងឈឺកូវីដធ្ងន់ធ្ងរ ជាពិសេស ដោយសារតែ នឹងមានមនុស្សកាន់តែច្រើននឹងចំណាយពេលនៅខាងក្នុងកន្លែងបិទជិតអំឡុងរដូវរងា”។

យើងបានរកឃើញថា ភាពងាយនឹងឆ្លងមេរោគបានកើនឡើងរួចទៅហើយក្នុងរយៈពេលពីរបីខែបន្ទាប់ពីការចាក់វ៉ាក់សាំងលើកទីពីរ ដូច្នេះអ្នកដែលមានសិទ្ធិទទួលការចាក់ថ្នាំបង្ការដូសជំរុញ គួរតែទៅចាក់៕

ប្រែសម្រួល៖ Vann Vann

ប្រភព៖ BBC

ចុចអាន៖ វ៉ាក់សាំង Sinovac ដូសទី៣ បង្កើនកម្រិតអង់ទីគ័រ ខ្លាំងក្លា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

រថភ្លើង
ចរាចរណ៍១៩ នាទីutes មុន

រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល

សន្តិសុខសង្គម៩ ម៉ោង មុន

នគរបាល​ឡោមព័ទ្ធ​ខុន​ដូ​មួយ​កន្លែងទាំងយប់ ឃាត់​ជន​បរទេស​ប្រុសស្រីជាង ១០០នាក់

ព័ត៌មានជាតិ៩ ម៉ោង មុន

លោក ហេង សួរ ៖ កិច្ច​ប្រជុំកំពូលវាយនភណ្ឌសកល នឹង​ធ្វើ​ឱ្យ​កម្ពុជា​ក្លាយ​ជាគោលដៅ​ទាក់ទាញទាំងអាជីវកម្មនិងវិនិយោគទុន 

ព័ត៌មានជាតិ១១ ម៉ោង មុន

សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភ​​ជា​ប្រចាំ​ខែ​ដល់​កុមារ​កំព្រា និងកុមារ​មាន​ទុក្ខលំបាក​នៅ​មណ្ឌលមែកឈើ

ព័ត៌មានជាតិ១២ ម៉ោង មុន

រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល

Sokha Hotels

ព័ត៌មានពេញនិយម