សុខភាព

ប្រយ័ត្ន! បើកូនមានសញ្ញាទាំងនេះ ឪពុកម្ដាយត្រូវពិនិត្យអាហារភ្លាម

បានផុស

៣ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

Sonya

ពេលពេទ្យប្រាប់ថាអូនៗមានបញ្ហាអាហារូបត្ថម្ភមិនល្អ ម៉ាក់ប៉ាច្បាស់ណាស់ គិតថាអូនៗ ខ្វះអាហារមានជីវជាតិត្រឹមត្រូវ ប៉ុន្តែមិនទាំងអស់ទេ អាហារូបត្ថម្ភមិនល្អលើអូនៗ និងមនុស្សពេញវ័យ សំដៅទាំងកង្វះ និងលើសកាឡូរីចាំបាច់។ ពេលអូនៗញ៉ាំអាហារមិនត្រឹមត្រូវ អាចមានសញ្ញាមួយចំនួនកើតឡើង។ បើម៉ាក់ប៉ាមិនដឹងត្រូវធ្វើម៉េចទេ អានអត្ថបទ “Hello គ្រូពេទ្យ” នេះ នឹងដឹងហើយ។

១ – ម៉េចបានមានបញ្ហាអាហារូបត្ថម្ភមិនល្អ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើអូនៗមិនមានអាហារគ្រប់គ្រាន់ ឬអាហារអូនៗញ៉ាំមិនអាចផ្តល់ជីវជាតិចិញ្ចឹមគ្រប់គ្រាន់ អូនៗនឹងក្លាយជាជនរងគ្រោះ។ មានកត្តាមួយចំនួនទៀត ដូចជា ជំងឺខ្លះ ធ្វើឲ្យពិបាកលេបចំណី នាំឲ្យសារជាតិចិញ្ចឹមផ្គត់ផ្គង់រាងកាយមិនគ្រប់គ្រាន់ ឬបញ្ហាសុខភាពផ្លូវចិត្ត។ អូនៗមានជំងឺបាក់ទឹកចិត្ត តែងវិវត្តទៅរកទម្លាប់ញ៉ាំអាហារមិនត្រឹមត្រូវ នាំឲ្យមានបញ្ហាអាហាររូបត្ថម្ភមិនល្អ។ ចំពោះប្រទេសកំពុងអភិវឌ្ឍដូចស្រុកខ្មែរជាដើម អាហារូបត្ថម្ភមិនល្អកើតឡើងដោយសារកង្វះអាហារ ឬតម្លៃអាហារថ្លៃខ្ពស់ពេក។

២ – សញ្ញាអូនៗមានបញ្ហាអាហារូបត្ថម្ភមិនល្អ

រោគសញ្ញាទូទៅពាក់ព័ន្ធអាហាររូបត្ថម្ភមិនល្អ៖
– បាត់បង់សាច់ដុំ
– អស់កម្លាំង
– មួម៉ៅច្រើន
– បាក់ទឹកចិត្ត
– បាត់បង់ជាតិខ្លាញ់
– របួសមិនងាយសះស្បើយ
– ជំងឺ និងការបង្ករោគមិនងាយជា
– បញ្ហាផ្លូវដង្ហើម (ពិបាកដកដង្ហើម)
– មានអារម្មណ៍ត្រជាក់ខ្លួនម្តងហើយម្តងទៀត
– ប្រឈមគ្រោះថ្នាក់ ពេលកម្តៅក្នុងរាងកាយធ្លាក់ចុះ
– អាចប្រឈមគ្មានអូនៗពេលអនាគត (ជំងឺអារលើបុរស និងស្រ្តី)
– ប្រឈមគ្រោះថ្នាក់ ពេលវះកាត់
– ប្រព័ន្ធភាពស៊ាំចុះខ្សោយ ព្រោះបាត់បង់កោសិកាឈាមស។

រោគសញ្ញាអាហាររូបត្ថម្ភមិនល្អកម្រិតធ្ងន់ធ្ងរលើអូនៗ មាន៖

Asian child cute or kid girl enjoy eating and looking or stare grilled chicken with papaya salad for Thai food and appetizing with healthy to 5 groups on breakfast or lunch in

– សក់ស្ងួត និងជ្រុះសក់
– ថ្ពាល់ខូង និងភ្នែកស្រុតរូង
– ស្បែកស្តើង ស្ងួត មិនយឺតរលាស់
– ខ្សោយបេះដូង ថ្លើម និងផ្លូវដង្ហើម។

ក្មេងអត់ឃ្លានញ៉ាំអីសោះ អាចស្លាប់នៅចន្លោះពី ៨-១២ សប្តាហ៍។ អាហាររូបត្ថម្ភមិនល្អលើអូនៗ អាចធ្វើឲ្យការអភិវឌ្ឍផ្នែកអាកប្បកិរិយា និងសតិបញ្ញាអូនៗយឺតយ៉ាវជាងធម្មតា ហើយបើទោះជាអាចព្យាបាលបាន ប៉ុន្តែបញ្ហានៅតែបន្សល់ទុកឥទ្ធិពលយូរអង្វែងលើអូនៗ ជាពិសេសបញ្ហាផ្លូវចិត្ត និងខូចប្រព័ន្ធរំលាយអាហារ ហើយករណីខ្លះ អាចនឹងបន្តរហូតពេញមួយជីវិត។

៣ – វិធីព្យាបាលបញ្ហាអាហារូបត្ថម្ភមិនល្អ

ព្យាបាលអាហារូបត្ថម្ភមិនល្អអាស្រ័យលើស្ថានភាព។ បើស្ថានភាពអូនៗធ្ងន់ធ្ងរ ការព្យាបាលកាន់តែប្រើពេលយូរ។ ករណីអូនៗមានកើតជំងឺផ្សេងទៀត ត្រូវព្យាបាលជាមួយគ្នាតែម្តង។

ការថែទាំ និងព្យាបាល សំខាន់បំផុតយកចិត្តទុកដាក់លើតម្រូវការ និងចំណង់ចំណូលចិត្តអូនៗ។ ផែនការព្យាបាលជាទូទៅរួមមាន រៀបចំរបបអាហារពិសេស ប្រើថ្នាំបំប៉នជីវជាតិមួយចំនួន។ ត្រូវធានាថាអូនៗមានសុខភាពល្អ និងទទួលបានអាហារសម្បូរជីវជាតិ។ ប៉ុន្តែដើម្បីបញ្ចៀសបញ្ហាកើតឡើង ប៉ាម៉ាក់ត្រូវត្រៀមបង្ការជាមុន ផ្តល់អាហារជីវជាតិគ្រប់គ្រាន់សម្រាប់អូនៗចាប់ពីដំបូង ប្រសើរជាងព្យាបាលក្រោយមានបញ្ហា៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ជំងឺរលាកទងសួត អាចច្រឡំនឹងជំងឺផ្ដាសាយ នៅដំណាក់កាលដំបូងៗ

ចុចអាន៖ បើកូនស្គមកំព្រឹង មិនឡើងគីឡូ សាកវិធីទាំងនេះ

Related Topics: