សុខភាព

គួរដឹង! រោគសញ្ញានៃវីរុសបំប្លែងខ្លួន Delta និង Omicron មិនដូចគ្នានោះទេ

បានផុស

៣ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

Sonya

រោគសញ្ញាវីរុសបំប្លែងខ្លួនកូវីដ-១៩ អាចនៅមិនទាន់បែងចែកឲ្យដាច់ស្រួលបួលពីជំងឺកូវីដទម្រង់ដើមបាននៅឡើយ។ ប៉ុន្តែមានរោគសញ្ញាមួយចំនួនដែលពពួកវីរុសបំប្លែងខ្លួន លេចឡើងពេលឆ្លង អ្នកអាចកំណត់ចំណាំបានដោយខ្លួនឯង។

ជាពិសេស វីរុសបំប្លែងខ្លួនថ្មីប្រភេទ Omicron លេចចេញអាការមិនដូចនឹងវីរុសបំប្លែងខ្លួនដទៃៗទៀតប៉ុន្មាននោះទេ ហើយរោគសញ្ញាខាងក្រោម ជាអ្វីដែលអ្នកគួរដឹង។

វីរុសបំប្លែងខ្លួន ដែលតា (Delta)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុសបំប្លែងថ្មី Delta ត្រូវបានគេកំណត់ដំបូងក្នុងប្រទេសឥណ្ឌា នៅខែធ្នូ ឆ្នាំ២០២០ ហើយរកឃើញជាលើកដំបូងនៅប្រទេសកម្ពុជា ក្នុងខែមិថុនា ឆ្នាំ២០២១ ។ វាមានសភាពឆ្លងលឿន និងមានភាពកាចសាហាវជាងជំងឺកូវីដ-១៩ ធម្មតា បើតាមការសិក្សាកន្លងមកសង្កេតឃើញថា រោគសញ្ញាវីរុសបំប្លែង Delta មានភាពខុសគ្នារវាងអ្នកចាក់វ៉ាក់សាំងរួច និងអ្នកមិនទាន់ចាក់វ៉ាក់សាំងនៅពេលឆ្លងវីរុសបំប្លែងនេះដូចជា៖

អ្នកចាក់វ៉ាក់សាំងរួច៖ ឈឺក្បាល ហៀរសម្បោរ កណ្ដាស់ និងឈឺ ឬរមាស់ក និងមិនសូវមានរោគសញ្ញាកូវីដ-១៩ ធម្មតាកើតឡើងទេរួមមាន ហិតមិនដឹងក្លិន ញ៉ាំមិនដឹងរសជាតិ ក្ដៅខ្លួន និងដង្ហក់។

អ្នកមិនទាន់ចាក់វ៉ាក់សាំង៖ ឈឺក្បាល ហៀរសម្បោរ ក្ដៅខ្លួន ក្អកញឹកញាប់ និងរោគសញ្ញាដូចកូវីដ-១៩ធម្មតាផ្សេងទៀត។

វីរុសបំប្លែងខ្លួន អូមីក្រុង (Omicron)

City Lab - new combined antigen test for influenza and COVID-19 - i-Health

វីរុសកូវីដបំប្លែងខ្លួនថ្មីប្រភេទ Omicron បានរកឃើញជាលើកដំបូងកាលពីថ្ងៃទី ២៤ ខែវិច្ឆិកា ឆ្នាំ២០២១ នៅអាហ្វ្រិកខាងត្បូង។ វីរុសនេះ កាន់តែមានភាពគ្រោះថ្នាក់ជាងវីរុសបំប្លែងខ្លួនណាៗទាំងអស់ ខណៈអ្នកវិទ្យាសាស្ត្រ កំពុងរកវិធីទប់ស្កាត់យ៉ាងមមាញឹក។

តាមប្រភពពី New York Post ដែលបានដកស្រង់សម្ដីពី វេជ្ជបណ្ឌិត អាហ្វ្រិកខាងត្បូង លោកស្រី Angelique Coetzee បានឱ្យដឹងថា រោគសញ្ញាទូទៅនៃវីរុសបំប្លែងខ្លួន អូមីក្រុង មានដូចជា អស់កម្លាំង ឈឺសាច់ដុំ ក្អក ឡើងកម្ដៅ ជីពចរលោតញាប់ និងពុំមានអាការបាត់បង់ក្លិន ឬរសជាតិឡើយ។

បន្ថែមពីលើនេះ អាការរបស់អ្នកជំងឺអាចវិវត្តធ្ងន់ធ្ងរ ប្រសិនបើពួកគេជាបុគ្គលដែលស្ថិតក្នុងក្រុមមនុស្សវ័យចំណាស់ អ្នកជំងឺទឹកនោមផ្អែម អ្នកជំងឺបេះដូង និងអ្នកមិនបានចាក់វ៉ាក់សាំង៕

អត្ថបទ៖ សន្យា

ចុចអាន៖ ទោះស្រដៀងគ្នា តែរោគសញ្ញាវីរុសបំប្លែងខ្លួន Omicron មានខ្លះខុសពីកូវីដទម្រង់ដើម (មានវីដេអូ)

ចុចអាន៖ មនុស្ស ៤ក្រុម ប្រឈមគ្រោះថ្នាក់បំផុតជាមួយវីរុសបំប្លែងខ្លួន Omicron