សុខភាព

កំហុសឆ្គង ៣យ៉ាង ធ្វើឲ្យកូនឈឺញឹក តែឪពុកម្ដាយមិនសូវចាប់អារម្មណ៍

បានផុស

៣ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

Sonya

រាករូស ក្តៅខ្លួន បញ្ហារលាកផ្លូវដង្ហើម ជាជំងឺដែលក្មេងតូចៗឧស្សាហ៍ជួបប្រទះបំផុត។ កូនតូចឈឺបណ្តាលមកពីកត្តាច្រើនយ៉ាងណា ក្នុងនោះអាចមកពីសុខភាពកូនកើតមកខ្សោយ អាកាសធាតុប្រែប្រួល ឬក៏អាចមកពីសកម្មភាពធ្វេសប្រហែលរបស់ម៉ាក់ប៉ាទៅវិញ។

ខាងក្រោមនេះជា កំហុសឆ្គង ៣ យ៉ាងធ្វើឲ្យកូនរាក ក្តៅខ្លួន ក្អក ឬផ្តាសាយ តែម៉ាក់ប៉ាមិនបានចាប់អារម្មណ៍។

១- ម្តាយបំបៅដោះកូន ញ៉ាំចំណីផ្តេសផ្តាស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុំទៅឆ្ងល់ បើសិនជាយើងឲ្យកូនម៉ឹមតែទឹកដោះម៉ាក់ៗមួយមុខ ស្រាប់តែកូនទៅជារាករូស នោះច្បាស់ជាយើងញ៉ាំចំណីអីខុសហើយ។ អាហារផ្អាប់ បន្លែ ឬត្រីសាច់ឆៅ ម៉ាក់ៗមិនត្រូវញ៉ាំនោះទេ ព្រោះងាយធ្វើឲ្យកូនហើមពោះ ទល់ខ្យល់ទៅជារាករូស។

២- ប្រើដបដដែលៗឆុងទឹកដោះគោ

គ្នាយើងមួយចំនួនគិតថា ដបទឹកដោះគោអាចប្រើឆុងទឹកដោះគោបានច្រើនដង ឲ្យតែទុកនៅកន្លែងស្អាត តែតាមពិតទៅដបទឹកដោះប្រើរួចបើទុកកាន់តែយូរ នោះបាក់តេរីកកើតកាន់តែច្រើន ក្មេងញ៉ាំទៅងាយរាករូស។ យកល្អកុំយកដបដែលឆុងទឹកដោះគោរួចមកប្រើឡើងវិញ គួរតែមានដបសាគួរ ២ ឬ ៣ និងត្រូវលាងសម្អាតក្រោយប្រើរួចជាមួយទឹកក្តៅ មិនត្រូវទុកចោលយូររាប់ម៉ោងនោះទេ។

៣- បញ្ចុកចំណីកូនផ្តេសផ្តាស

When Can Babies Start Eating Baby Food? – Cleveland Clinic

កូនតូចឃើញអីក៏ឃ្លានដែរ តែម៉ាក់ប៉ាមិនត្រូវបញ្ចុកនំចំណី ទឹកដោះគោប្រអប់ ឬទឹកផ្លែឈើកំប៉ុងផ្តេសផ្តាសនោះទេ វាអាចឲ្យកូនទាស់ចំណី ទៅជារាក ក្តៅខ្លួន រលាកបំពង់ក ឬក្អួត ។ បើកូនតូចអាយុក្រោម ៦ ខែ គ្រូពេទ្យណែនាំឲ្យកូនម៉ឹម ទឹកដោះម៉ាក់តែមួយមុខគត់ មិនត្រូវបណ្តក់ទឹកថែមឡើយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គ្រុនឈីក និងគ្រុនឈាម ខុសគ្នាម៉េចខ្លះ មួយណាធ្ងន់ធ្ងរជាង?

ចុចអាន៖ ពិតទេ ក្មេងៗមើលទូរស័ព្ទយូរ អាចកើតអូទីស្សឹម?

Related Topics:ក្មេងៗ