សុខភាព

ប្រុសៗការហើយយូរឆ្នាំ នៅតែអត់មានកូន តើគួរធ្វើម៉េច?

បានផុស

៣ years មុន

នៅ

ថ្ងៃពុធ ១៥ ធ្នូ ២០២១

ដោយ

Sonya

ភាពអារអត់កូនគឺជាការអសមត្ថភាពផ្លូវភេទក្នុងការបង្កកំណើត បើទោះបីជាមានការរួមភេទជាប្រចាំនិងមិនបានការពារក៏ដោយ។ ក្រៅពីនេះទៀតរោគសញ្ញានៃភាពអារអត់កូនដែលគួរឲ្យកត់សម្គាល់បំផុតនោះគឺការដែលមិនមានផ្ទៃពោះ។នៅមានរោគសញ្ញាច្រើនផ្សេងទៀតប៉ុន្តែក៏មានការពិបាកក្នុងការកត់សម្គាល់ណាស់ដែរ។ មូលហេតុនីមួយៗនៃភាពអារអត់កូនអាចចេញរោគសញ្ញាផ្សេងៗគ្នា ហើយក៏មានស្ថានភាពសុខភាពជាច្រើនដែលអាចប៉ះពាល់ដល់ឱកាសក្នុងការមានគភ៌។

រោគសញ្ញានៃភាពអារអត់កូនលើបុរស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់រោគសញ្ញាលើបុរសគឺពិតជាពិបាកក្នុងការពិនិត្យរកណាស់។ មនុស្សប្រុសអារភាគច្រើនគឺមិនបានដឹងអំពីស្ថានភាពរបស់ខ្លួនរហូតទាល់តែអ្នកទាំងនោះព្យាយាមចង់បានបេប៊ីជាច្រើនឆ្នាំហើយមិនបានជោគជ័យ។ ដូចដែលបានបញ្ជាក់ខាងលើរោគសញ្ញានៃភាពអារអត់កូនលើបុរសគឺអាស្រ័យលើមូលហេតុដែលយើងមិនអាចមើលឃើញ។ មូលហេតុភាគច្រើនរួមមាន៖

ប្រែប្រួលក្នុងការលូតលាស់សក់
ប្រែប្រួលលើចំណង់ផ្លូវភេទ
ការឈឺចាប់ដុំពកឬការហើមពងស្វាស
ពិបាកឡើងរឹងនិងការសម្រេចកាម
ពងស្វាសរឹងតូច

គួរទៅមន្ទីរពេទ្យនៅពេលណា?

86,205 Asian Male Doctor Stock Photos, Pictures & Royalty-Free Images - iStock

ប្រុសៗយើងគួរទៅស្វែងរកការព្យាបាលប្រសិនបើមានអាយុក្រោម៣៥ឆ្នាំ និងបានចំណាយពេលរាប់ឆ្នាំដើម្បីចង់បានបេប៊ីហើយមិនទទួលបានជោគជ័យទៀតនោះ។ សម្រាប់ស្ត្រីវិញបន្ទាត់ពេលវេលាគឺមានភាពខុសគ្នា។ប្រសិនបើប្រពន្ធរបស់យើងមានអាយុលើស ៣៥ ឆ្នាំគួរតែទៅពិនិត្យជាមួយគ្រូពេទ្យជំនាញក្រោយព្យាយាមអស់រយៈពេល៦ខែហើយនៅមិនបានផលទៀតនោះ។

គ្រូពេទ្យអាចនឹងធ្វើរោគវិនិច្ឆ័យអំពីមូលហេតុបានតាមរយៈការពិនិត្យឈាម ទឹកនោម និងការធ្វើតេស្តវិទ្យុសាស្ត្រផ្សេងទៀត។ ដើម្បីធ្វើការពិនិត្យរាប់ចំនួនមេជីវិត និងស្ថានភាពសុខភាពរបស់មេជីវិតរបស់យើង គ្រូពេទ្យនឹងធ្វើការណែនាំឲ្យទៅជួបជាមួយអ្នកឯកទេសខាងវិភាគមេជីវិត។

ម៉្យាងទៀតយើងក៏ត្រូវទៅជួបគ្រូពេទ្យឯកទេសអង់ដូគ្រីនខាងបន្តពូជដើម្បីធ្វើការព្យាបាលភាពអារអត់កូន។ យើងត្រូវរៀបរាប់អំពីរោគសញ្ញារបស់ខ្លួន និងប្រវត្តិជំងឺដើម្បីឲ្យគ្រូពេទ្យបានដឹងផងដែរ។

ប្រសិនបើយើងកំពុងប្រើថ្នាំណាមួយគួរយករបស់ទាំងនោះទៅជាមួយផងរួមមានវេជ្ជបញ្ជា វីតាមីនថ្នាំជាតិរ៉ែអាហារបំប៉ន និងថ្នាំដែលគ្មានវេជ្ជបញ្ជាផ្សេងទៀត។
កត់ត្រាទុកឲ្យបានក្បោះក្បាយតើយើងធ្វើការរួមភេទដោយមិនបានការពារញឹកញាប់ប៉ុណ្ណា បានព្យាយាមយូរហើយឬនៅ និងកត់ថ្ងៃចុងដែលយើងបានព្យាយាមយកបេប៊ី។
សង្កេតមើលបំលាស់ប្ដូររូបរាងកាយឬរោគសញ្ញាផ្សេងៗដែលអាចពាក់ព័ន្ធជាមួយជំងឺ។
កុំភ្លេចប្រាប់ទៅគ្រូពេទ្យនិងយកឯកសារដែលពាក់ព័ន្ធទៅជាមួយប្រសិនបើយើងធ្វើការវះកាត់ឬព្យាបាលកាលពីមុនដែលអាចប៉ះពាល់ដល់ប្រដាប់ភេទ។
ប្រាប់ទៅគ្រូពេទ្យប្រសិនបើយើងធ្លាប់ទទួលការព្យាបាលដោយសារធាតុវិទ្យុសកម្ម ឬតាមបែបគីមី។
ប្រាប់អំពីទម្លាប់រស់នៅរបស់យើងដូចជាការជក់បារី សេពគ្រឿងស្រវឹង និងការប្រើប្រាស់គ្រឿងញៀន។
ប្រាប់អំពីជំងឺដែលឆ្លងតាមការរួមភេទ(ប្រសិនបើមាន) ប្រវត្តិជំងឺផ្ទាល់ខ្លួន ឬគ្រួសារនូវបញ្ហាសេនេទិចណាមួយ ឬជំងឺរ៉ាំរ៉ៃដូចជាជំងឺទឹកនោមផ្អែម ឬជំងឺក្រពេញទីរ៉ូអ៊ីតជាដើម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សញ្ញាទាំង៤ បញ្ជាក់ថាសុខភាពផ្លូវភេទប្រុសៗមានបញ្ហា

ចុចអាន៖ បកស្រាយចម្ងល់! បុរស និងស្ត្រីគួរយកកូននៅ វ័យណាល្អ?

Related Topics:សុខភាពបុរស