ខុសពីវីរុសដទៃ! អូមីក្រុង មានរោគសញ្ញាមួយ ចេញតែនៅពេលយប់ (មានវីដេអូ)

កាលពីយប់ថ្ងៃទី០៨ខែមករាឆ្នាំ២០២២ ក្រសួងសុខាភិបាលនៃប្រទេសកម្ពុជា បានប្រកាសរកឃើញករណីវីរុសបំប្លែងខ្លួន អូមីក្រុង ឆ្លងក្នុងសហគមន៍ជាលើកដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះ ត្រូវបានរកឃើញលើបុរសជនជាតិខ្មែរម្នាក់ អាយុ២៣ឆ្នាំ ស្នាក់នៅទួលសង្កែ ខណ្ឌឬស្សីកែវ រាជធានីភ្នំពេញ។

ក្រសួងសុខាភិបាល បានបញ្ជាក់បន្តថា តាំងពីថ្ងៃទី ២៧ ខែធ្នូ ឆ្នាំ ២០២១​ ដល់ថ្ងៃទី ៥ ខែមករា ឆ្នាំ ២០២២ បុរសរូបនេះបានទៅទីតាំងនានាដូចជា រាជធានីភ្នំពេញ ខេត្តកំពង់ធំ ខេត្តសៀមរាប និងខេត្តកំពត ដោយបានធ្វើដំណើរជាមួយបងប្អូនជីដូនមួយមកពីប្រទេសអូស្ដ្រាលី មកដល់ភ្នំពេញនៅថ្ងៃទី ២៧ ខែធ្នូ ឆ្នាំ ២០២២។

ទាក់ទងនឹងអូមីក្រុងដដែលនេះ បើងាកទៅឯក្រៅប្រទេសឯណោះវិញ ក្រុមវេជ្ជបណ្ឌិត បានបង្ហាញនូវរោគសញ្ញាមួយ ដែលចេញតែនៅពេលយប់ ហើយរោគសញ្ញានេះបង្ហាញថា អ្នកអាចនឹងឆ្លងវីរុសកូវីដ១៩បំប្លែងខ្លួនប្រភេទថ្មី អូមីក្រុង ហើយ។

វេជ្ជបណ្ឌិតនៅប្រទេសអាហ្រ្វិកខាងត្បូង ដែលជាកន្លែងវីរុសបំប្លែងថ្មីនេះត្រូវបានរកឃើញជាលើកដំបូង គឺបានគូសបញ្ជាក់អំពីរោគសញ្ញារបស់វីរុសនេះ ដែលក្រុមអ្នកវិទ្យាសាស្រ្តត្រូវការយល់ដឹងជាចាំបាច់។

នៅឯសន្និសីទមួយដែលកោះប្រជុំដោយនាយកដ្ឋានសុខភាពអាហ្រ្វិកខាងត្បូង លោកវេជ្ជបណ្ឌិត Unben Pillay បានកត់ត្រារោគសញ្ញាដែលអ្នកជំងឺ អូមីក្រុង រាយការណ៍ ខណៈមានសញ្ញាមួយដែលលេចឡើងតែនៅពេលយប់ នោះគឺ “ការបែកញើសមិនឈប់នៅពេលយប់”។

លោកក៏មើលឃើញអ្នកជំងឺអូមីក្រុង មានអាការក្អកស្ងួត ក្តៅខ្លួន អស់កម្លាំង និង ឈឺពេញរាងកាយផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Star

ចុចអាន៖ អ្នកវិទ្យាសាស្រ្តបញ្ជាក់ហើយ វ៉ាក់សាំង៣ដូស ទើបអាចយកឈ្នះ Omicron បាន