សុខភាព

ម៉ាក់ៗកំពុងពពោះ អាចញ៉ាំសាច់អន្ទង់បានអត់?

បានផុស

៣ years មុន

នៅ

ថ្ងៃពុធ ២២ ធ្នូ ២០២១

ដោយ

ម៉ាក់ៗមួយចំនួន អាចមានអារម្មណ៍ចង់ញ៉ាំសាច់អន្ទង់នៅអំឡុងពេលពពោះ។ ប៉ុន្តែតើការញ៉ាំអន្ទង់អាចបង្កគ្រោះថ្នាក់ ឬប៉ះពាល់ដល់កូនក្នុងផ្ទៃដែរអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិតណាស់ អន្ទង់សម្បូរទៅដោយសារធាតុចិញ្ចឹម ដែលស្រីៗយើងអាចបញ្ចូលក្នុងរបបអាហារនៅអំឡុងពេលពពោះ ដើម្បីធានាថាម៉ាក់ៗទទួលបានសុខភាពល្អ ក៏ដូចជាកូនក្នុងផ្ទៃមានការអភិវឌ្ឍប្រក្រតី។

តើអន្ទង់ផ្ដល់អត្ថប្រយោជន៍អ្វីខ្លះអំឡុងពេលពពោះ?

១. ជំរុញសកម្មភាពរាងកាយ

អន្ទង់ផ្ទុកបរិមាណកាឡូរីខ្ពស់ រហូតដល់ទៅ១ ៣៥០កាឡូរី និង៣០៣គីឡូកាឡូរីសម្រាប់សាច់អន្ទង់ចំនួន១០០ក្រាម។ ដូចនេះហើយ ការញ៉ាំសាច់អន្ទង់អំឡុងពេលពពោះ អាចជួយបង្កើនថាមពល ក៏ដូចជាប្រឆាំងនឹងអាការៈអស់កម្លាំងបានផងដែរ។

២. ប្រភពនៃប្រូតេអ៊ីន

បន្ថែមពីនេះ អន្ទង់ក៏ជាប្រភពដ៏ល្អនៃប្រូតេអ៊ីន ដែលអាចបង្កើនប្រព័ន្ធការពារក្នុងរាងកាយ។ ហេតុនេះហើយ ម៉ាក់ៗគប្បីញ៉ាំប្រូតេអ៊ីនអំឡុងពេលពពោះ ដើម្បីជួយដល់ការលូតលាស់ និងការអភិវឌ្ឍរបស់ទារកក្នុងផ្ទៃ។

៣. សម្បូរវីតាមីន

ពិតណាស់ អន្ទង់សម្បូរទៅដោយវីតាមីនជាច្រើនដូចជា វីតាមីនA និងវីតាមីនB12។ ការញ៉ាំសាច់អន្ទង់ អាចជួយបង្កើនសារធាតុប្រឆាំងនឹងអុកស៊ីតកម្មនៅក្នុងរាងកាយ ដែលជួយទប់ស្កាត់បញ្ហាស្រ្តេស ក៏ដូចជាកម្ចាត់រ៉ាឌីកាល់សេរី។ ម្យ៉ាងវិញទៀត អន្ទង់ក៏អាចជួយការពារទារកក្នុងផ្ទៃពីហានិភ័យនៃការកើតមិនគ្រប់ខែ ទម្ងន់ស្រាលនៅពេលសម្រាល និងខូចទ្រង់ទ្រាយប្រព័ន្ធប្រសាទ ជាដើម។

៤. ជួយឲ្យឆ្អឹងរឹងមាំ និងមានសុខភាពល្អ

បន្ថែមពីនេះ អន្ទង់ក៏ផ្ទុកសារធាតុរ៉ែផូស្វ័រផងដែរ។ ដូចនេះ ការញ៉ាំសាច់អន្ទង់ អាចជួយឲ្យឆ្អឹងរបស់ទារកក្នុងផ្ទៃរឹងមាំ និងមានសុភាពល្អ ព្រមទាំងទទួលបានការអភិវឌ្ឍគ្រោងឆ្អឹងទាំងមូលប្រកបដោយប្រសិទ្ធភាពខ្ពស់។

ស្ត្រីពពោះគប្បីញ៉ាំសាច់អន្ទង់ក្នុងបរិមាណណា?

ស្ត្រីពពោះគប្បីញ៉ាំសាច់អន្ទង់ក្នុងកម្រិតមួយសមល្មម ពីព្រោះថាបើយើងញ៉ាំច្រើនជ្រុល វាអាចបង្កគ្រោះថ្នាក់ដល់ទាំងម្ដាយ និងកូនក្នុងផ្ទៃ។ ទន្ទឹងនឹងនេះដែរ ការញ៉ាំអន្ទង់ដែលឆ្អិនល្អ អាចជួយកាត់បន្ថយហានិភ័យនៃការបង្ករោគក្នុងក្រពះ និងការពុលអាហារ។ យ៉ាងណាមិញ ស្ត្រីពពោះគប្បីពិគ្រោះយោបល់ជាមួយនឹងគ្រូពេទ្យមុនពេលចាប់ផ្ដើមបញ្ចូលសាច់អន្ទង់ក្នុងរបបអាហារ ទើបជាការប្រសើរ៕

អត្ថបទផ្ដល់ដោយ៖ Hello Krupet

ចុចអាន៖៣ វិធីងាយៗ ទទួលបានសុខភាពល្អ គ្រាន់តែអានស្លាកសញ្ញាសំគាល់លើផលិត

ចុចអាន៖ជំងឺសាច់ដុំបេះដូង កើតឡើងដោយសារ បញ្ហាសុខភាពទាំងនេះ