សុខភាព
តិចនិកលាងសម្អាតទំពាំងបាយជូរ កុំឲ្យសល់ថ្នាំសម្លាប់សត្វល្អិត
ទំពាំងបាយជូរ ជាផ្លែឈើដែលស្ថិតក្នុងប្រភេទផលិតផលដែលមានកំហាប់ថ្នាំសម្លាប់សត្វល្អិតខ្ពស់។ ប្រសិនបើយើងលាងសម្អាតមិនបានស្អាតត្រឹមត្រូវទេ ថ្នាំសម្លាប់សត្វល្អិតអាចនៅជាប់នឹងផ្លែទំពាំងបាយជូរ ពេលយើងញុំាទៅអាចប៉ះពាល់ដល់ខួរក្បាល និងប្រព័ន្ធប្រសាទ។ យើងគួរលាងសម្អាតផ្លែទំពាំងបាយជូរបែបណាទើបស្អាតល្អ?

សារធាតុពណ៌សនៅលើទំពាំងបាយជូ (និងប៊្លូបឺរី) មិនមែនជាសារធាតុពុល ឬថ្នាំសម្លាប់សត្វល្អិតទេ តែជាក្រមួនដែលផលិតដោយដើមទំពាំងបាយជូរ ហើយដើរតួជារបាំងការពារសត្វល្អិត បាក់តេរី និងការពារផ្លែទំពាំងបាយជូរឱ្យនៅស្រស់ល្អ។
យើងអាចញុំាទាំងក្រមួននៅលើសំបកផ្លែទំពាំងបាយជូរបាន ប៉ុន្តែក្រមួនទាំងនេះអាចមានរសជាតិចត់បន្តិចបន្តួច ដូច្នេះភាគច្រើនយើងចូលចិត្តលាងវាចេញ។
ខាងក្រោមនេះជាតិចនិច ៣ យ៉ាងដែលយើងអាចលាងសម្អាតផ្លែទំពាំងបាយជូរបាន៖
១. លាងជាមួយទឹកស្អាត
មុនដំបូងយើងត្រូវបើកទឹករ៉ូប៊ីណេ រួចលាងផ្លែទំពាំងបាយជូរថ្នមៗ ៣០ វិនាទី។ ការលាងបែបនេះអាចកម្ចាត់បាក់តេរីនៅលើផ្លែទំពាំងបាយជូរបានប្រហែល ៨៥% ហើយក៏អាចលាងជម្រះថ្នាំសំលាប់សត្វល្អិតបានដែរ។
បន្ទាប់មកដាក់ចានដែកត្រាំផ្លែទំពាំងបាយជូរជាមួយទឹកពី ៥ ទៅ ១០ នាទីដើម្បីកម្ចាត់បាក់តេរី និងថ្នាំសម្អាប់សត្វល្អិតបន្ថែម។
យើងគួរចៀសវាងត្រាំទំពាំងបាយជូរក្នុងឡាប៊ូលាងចានផ្ទាល់ ព្រោះអាចបណ្តាលឆ្លងបាក់តេរី និងអាចបង្កជាជំងឺ។ ប្រសិនបើយើងចង់ត្រាំទំពាំងបាយជូរក្នុងឡាប៊ូលាងចានផ្ទាល់ យើងត្រូវលាងឡាប៊ូលាងចានឱ្យស្អាតជាមុនសិន។
បន្ទាប់មកយើងចាក់ទឹកចេញ ហើយលាងទំពាំងបាយជូរម្តងទៀត រួចបេះទំពាំងបាយជូរដែលខូច ឬរលួយចេញ ហើយទុកឱ្យទំពាំងបាយជូរស្រក់ទឹករហូតដល់ស្ងួត។
២. ត្រាំក្នុងទឹកលាយទឹកខ្មេះ
យើងត្រូវត្រាំផ្លែទំពាំងបាយជូរក្នុងទឹក ៣ ភាគ ជាមួយទឹកខ្មេះ ១ ភាគប្រហែល ៥ ទៅ ១០ នាទី។ ការត្រាំបែបនេះអាចដើម្បីកម្ចាត់បាក់តេរី និងថ្នាំសម្លាប់សត្វល្អិតបានប្រហែល ៩៨% ។
បន្ទាប់មកលាងជម្រះផ្លែទំពាំងបាយជូរក្រោមទឹករ៉ូប៊ីណេរយៈពេល ១ នាទីដើម្បីលាងសម្អាតបាក់តេរី ថ្នាំសម្លាប់សត្វល្អិត និងទឹកខ្មេះដែលនៅសេសសល់ រួចទុកឱ្យផ្លែទំពាំងបាយជូរស្រក់ទឹកប្រហែល ១០ នាទី។

៣. លាងជាមួយម្សៅ Baking Soda និងអំបិល
មុនដំបូងយើងត្រូវបើកទឹករ៉ូប៊ីណេ រួចលាងផ្លែទំពាំងបាយជូរថ្នមៗ ៣០ វិនាទីសិន ហើយយើងត្រូវយកកន្រ្តៃកាត់ទំពាំងបាយជូរទាំងទងចេញពីចង្កោមរួចដាក់ក្នុងចានដែក (ចៀសវាងប្រឡេះផ្លែទំពាំងបាយជូរចេញពីទង)។
បន្ទាប់មករោយអំបិល និងម្សៅ Baking Soda សូដា ១ ទៅ ២ ស្លាប់ព្រាកាហ្វេលើទំពាំងបាយជូរ អាស្រ័យលើបរិមាណផ្លែទំពាំងបាយជូរ។ រួចអង្រួនចានដែកពីម្ខាងទីម្ខាងប្រហែល ៣០ វិនាទីដើម្បីឱ្យអំបិល និងម្សៅបេកឃីងសូដាប្រឡាក់ផ្លែទំពាំងបាយជូរសព្វល្អ។
ជាចុងក្រោយ យើងត្រូវលាងជម្រះផ្លែទំពាំងបាយជូរម្តងទៅពីរដងទៀតដើម្បីសម្អាតថ្នាំសម្លាប់សត្វល្អិត បាក់តេរី ក៏ដូចជាអំបិល និងម្សៅ Baking Soda ចេញពីផ្លែទំពាំងបាយជូរ រូចដាក់ផ្លែទំពាំងបាយជូរឱ្យស្រក់ទឹក។
ក្នុងពេលលាងសម្អាត យើងអាចប្រើច្រាសដុសធ្មេញថ្មីទន់ៗមកដុសសម្អាតផ្លែទំពាំងបាយជូរដោយថ្នមៗ។ ការធ្វើបែបនេះអាចសម្អាតថ្នាំសម្លាប់សត្វល្អិត បាក់តេរី ឬក្រមួនដែលនៅជាប់នឹងផ្លែទំពាំងបាយជូរបានដល់ទៅ ៨៥% ។
លើសពីនេះទៅទៀត យើងក៏អាចជូតផ្លែទំពាំងបាយជូរបន្ថែមជាមួយក្រដាសអនាម័យ (ក្រដាសប្រើសម្រាប់ជូតសម្អាតនៅផ្ទះបាយ) ដើម្បីកម្ចាត់បាក់តេរី ថ្នាំសម្លាប់សត្វល្អិត ឬសារធាតុក្រមួនបន្ថែម មុនពេលយើងញុំាផ្លែទំពាំងបាយជូរ។
ទំពាំងបាយជូរអាចនៅស្រស់បានយូរ ប្រសិនបើយើងក្លាសេក្នុងទូរទឹកកដោយមិនលាង។ ដូច្នេះយើងមិនចាំបាច់លាងទំពាំងបាយជូរទុកទេ ចាំដល់ពេលយើងចង់ញុំា ចាំលាងតាមបរិមាណដែលយើងត្រូវការក៏បាន៕

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ