សុខភាព
ខ្វះជាតិស័ង្កសី អាចចេញរោគសញ្ញាទាំង ៨នេះ
ស័ង្កសី គឺជាសារធាតុរ៉ែ ដែលមាននាទីជួយដល់ប្រព័ន្ធភាពស៊ាំរបស់យើង ក្នុងការប្រយុទ្ធប្រឆាំងនឹងមេរោគ ជួយភ្នែក និងជួយបង្កើតប្រូតេអ៊ីនសម្រាប់សុខភាពឆ្អឹង សាច់ដុំ ជាលិកា និងឈាម។ តើមានរឿងអ្វីកើតឡើង ប្រសិនបើរាងកាយយើងខ្វះជាតិជាតិស័ង្កសី? អាហារអ្វីខ្លះសម្បូរជាតិជាតិស័ង្កសី? បើសិនជារាងកាយយើងខ្វះជាតិស័ង្កសី នោះអាចនឹងចេញរោគសញ្ញាមួយចំនួន។
១. មិនឃ្លានអាហារ
កង្វះស័ង្កសីអាចបណ្តាលឱ្យយើងមិនឃ្លានអាហារ ដោយសារស័ង្កសីគឺជាអង់ស៊ីមដែលគ្រប់គ្រងឃានវិញ្ញាណ និងជីវហាវិញ្ញាណរបស់យើង ធ្វើឱ្យយើងហិតមិនដឹងក្លិន ញុំាមិនដឹងឆ្ងាញ់ ឬសាបមាត់ជាដើម។
២. ពិបាកផ្ចង់អារម្មណ៍
តាមការសិក្សានៅសកលវិទ្យាល័យ Toronto បានឱ្យដឹងថា សារធាតុស័ង្កសីមានតួនាទីសំខាន់ក្នុងការគ្រប់គ្រងណឺរ៉ូន (កោសិកាប្រសាទ)។ កង្វះស័ង្កសីអាចបណ្តាលឱ្យយើងពិបាកផ្ចង់អារម្មណ៍ និងភ្លេចភ្លាំង។
៣. ក្រជារបួស
ប្រសិនបើយើងមានរបួស ហើយក្រជាសះស្បើយក៏អាចជាសញ្ញាកង្វះស័ង្កសីដែរ ព្រោះស័ង្កសីជួយឱ្យឈាមឆាប់កក និងជួយដល់ដំណើរការជាលិកាស្បែកក្នុងការជួសជុលខ្លួនឯង។
៤. ឈឺញឹកញាប់ ឬផ្តាសាយយូរ
ប្រព័ន្ធភាពស៊ាំរបស់យើងត្រូវការស័ង្កសីដើម្បីដំណើរការ។ ស័ង្កសីជួយកោសិកា T-Cell ក្នុងការសម្លាប់បាក់តេរី វីរុស និងកោសិកាមហារីក។ ប្រសិនបើយើងខ្វះស័ង្កសី រាងកាយយើងនឹងចុះខ្សោយ ហើយងាយនឹងឈឺណាស់។
៥. ជ្រុះសក់
ស័ង្កសីមាននាទីធ្វើឱ្យអ័រម៉ូនយើងមានតុល្យភាព ដែលមានន័យថា បើរាងកាយយើងខ្វះស័ង្កសី ក្រពេញទីរ៉ូអ៊ីតបញ្ចេញអ័រម៉ូនមិនគ្រប់គ្រាន់ដែលជាហេតុធ្វើឱ្យយើងជ្រុះសក់។
៦. កើតមុន
ស័ង្កសីជាសារធាតុធម្មជាតិដែលអាចជួយកាត់បន្ថយការផលិតជាតិខ្លាញ់របស់កោសិកាស្បែក។ នៅពេលរាងកាយយើងខ្វះស័ង្កសី ស្បែករបស់យើងនឹងផលិតជាតិខ្លាញ់ច្រើនដែលធ្វើឱ្យរន្ធញើសយើងស្ទះ និងឡើងមុន។
៧. មើលមិនច្បាស់
កង្វះស័ង្កសីធ្វើឱ្យយើងមើលមិនច្បាស់ ដោយសារស័ង្កសីជាសារធាតុប្រឆាំងអុកស៊ីតកម្មដែលការពារភ្នែកពីការចុះខ្សោយដោយសារមានអាយុច្រើន។ មិនតែប៉ុណ្ណោះ ស័ង្កសីជួយឱ្យថ្លើមសំយោគវីតាមីន A ដែលជាសារធាតុល្អចំពោះសុខភាពភ្នែក។
៨. ឆាប់ប្រែប្រួលអារម្មណ៍
កង្វះស័ង្កសីអាចធ្វើឱ្យអារម្មណ៍យើងឆាប់ប្រែប្រួលដូចជា ឆាប់ខឹង ឆាប់រំជួលចិត្ត ធ្លាក់ទឹកចិត្ត ឬខ្វះជំនឿចិត្តជាដើម ដោយសារស័ង្កសីអាចធ្វើឱ្យអារម្មណ៍យើងស្ងប់។
ស័ង្កសីសម្បូរនៅក្នុងអាហារដូចជា អយស្ទ័រ សាច់គោ សាច់មាន់ បង្កង ក្តាម ខ្យង គ្រាប់ផ្លែឈើដូចជា គ្រាប់ស្វាយចន្ទី អាល់ម៉ុនជាដើម។ ទឹកដោះគោ ឈីស និងទឹកដោះគោជូរ សណ្តែកហោឡាំងតៅ ស្រូវសាលីអូត បន្លែស្លឹកបៃតង គ្រាប់ល្ពៅ ល្ង ដំឡូង និងសូកូឡាខ្មៅ ជាដើម ក៏សម្បូរស័ង្កសីដែរ៕
ចុចអាន៖រោគសញ្ញាគ្រោះថ្នាក់ទាំង ៦ លើរាងកាយ ដាច់ខាតត្រូវតែសម្រាកជាប្រញាប់
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម១ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?