សុខភាព

នៅ ថៃ អ្នកចាក់ដូសទី ៣ វ៉ាក់សាំងអ្វី ត្រូវចាក់ដូសទី ៤ ប្រភេទដដែល

បានផុស

៣ years មុន

នៅ

ថ្ងៃពុធ ២៦ មករា ២០២២

ដោយ

ក្រសួងសុខាភិបាលសាធារណៈថៃបានស្នើឲ្យមជ្ឈមណ្ឌលគ្រប់គ្រងស្ថានការណ៍ជំងឺកូវីដ ១៩ (CCSA) អនុម័តការចាក់វ៉ាក់សាំងដូសទី ៤ សម្រាប់បុគ្គលិកពេទ្យជួរមុខ ក្រុមអ្នកស្ម័គ្រចិត្ត និងអ្នកដែលមានស្ថានភាពសុខភាពពីកំណើត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផែនការចាក់វ៉ាក់សាំងដូសទី ៤ នេះនឹងចាប់ផ្តើមនៅខែក្រោយ បន្ទាប់ពីក្រសួងបានលើកឡើងពីការព្រួយបារម្ភជាបន្តទាក់ទងនឹងការរីករាលដាលនៃជំងឺកូវីដ ១៩ ក៏ដូចជាវីរុសបំប្លែងខ្លួនអូមីក្រុង ។

ក្រសួងបញ្ជាក់ថា អ្នកដែលចាក់វ៉ាក់សាំង Sinovac ២ ដូសដំបូង និង AstraZeneca ជាដូសទី ៣ នឹងចាក់ដូសទី ៤ ជាវ៉ាក់សាំង AstraZeneca ដដែល ។

ចំណែកអ្នកដែលចាក់ Sinovac ២ ដូសដំបូង និង Pfizer ជាដូសទី ៣ ក៏នឹងចាក់ដូសទី ៤ ជាវ៉ាក់សាំង Pfizer ដូចគ្នា ខណៈចន្លោះពេលរវាងការចាក់ដូសទី ៣ និងទី ៤ ត្រូវតែមានយ៉ាងហោចណាស់ ៣ ខែ ។

គួរបញ្ជាក់ថា បច្ចុប្បន្ននេះ អូមីក្រុង នៅតែជាវីរុសបំប្លែងខ្លួនលេចធ្លោនៅក្នុងប្រទេសថៃ ហើយក្រសួងបានអនុវត្តវិធានការដែលត្រូវបានប្រើប្រាស់ទូទាំងពិភពលោកសម្រាប់ការរស់នៅជាមួយវីរុសនេះ រួមទាំងការបន្ធូរបន្ថយច្បាប់កូវីដមួយចំនួនផងដែរ ៕