សុខភាព

វីរុសអូមីក្រុងបំប្លែង BA.2 អាចវាយលុកខ្លាំង លើសុខភាពមនុស្សចាស់

បានផុស

៣ years មុន

នៅ

ថ្ងៃពុធ ២ កុម្ភៈ ២០២២

ដោយ

អ្នកជំនាញផ្នែកវេជ្ជសាស្ត្រក្នុងប្រទេសជប៉ុន បានកត់សម្គាល់ពីការកើនឡើងនៃអ្នកជំងឺវ័យចំណាស់ ដែលកំពុងសម្រាកព្យាបាលនៅមន្ទីរពេទ្យ ដោយសារឆ្លងវីរុសអូមីក្រុងបំប្លែង BA.2 ជាហេតុបណ្ដាលឲ្យអត្រាមនុស្សចាស់សម្រាកមន្ទីរពេទ្យកើនឡើងដល់កម្រិតគួរឲ្យបារម្ភមួយក្នុងប្រទេសជប៉ុន។ នេះបើយោងតាម The Japan News ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើនិយាយពីរោគសញ្ញា ក្រុមគ្រូពេទ្យសង្កេតឃើញថា អ្នកជំងឺវ័យចំណាស់ទាំងនោះ មានចេញសញ្ញាជំងឺរលាកសួតស្រួចស្រាល បន្ទាប់ពីឆ្លងវីរុសអូមីក្រុងបំប្លែង BA.2។

យោងតាមសារព័ត៌មាន The Daily Express លោកវេជ្ជបណ្ឌិត Akira Kano នាយកមន្ទីរពេទ្យសង្គ្រោះបន្ទាន់ Fujimino ក្នុងប្រទេសជប៉ុនបានឲ្យដឹងថា កត្តានេះបានធ្វើឲ្យមនុស្សចាស់វិវត្តទៅជារោគសញ្ញាកូវីដ-១៩ កាន់តែធ្ងន់ធ្ងរ។

“ក្រុមអ្នកជំងឺវ័យចំណាស់ បានទទួលវ៉ាក់សាំងការពារកូវីដ-១៩ យ៉ាងហោចណាស់ ក៏គ្រប់ចំនួន២ដូសដែរ ប៉ុន្តែវាហួសពេលយូរដែរហើយ បន្ទាប់ពីយុទ្ធនាការចាក់វ៉ាក់សាំង ហើយឥឡូវនេះអ្នកជំងឺវ័យចំណាស់ កំពុងទទួលរងនូវជំងឺរលាកសួតស្រួចស្រាល។”

វេជ្ជបណ្ឌិតខាងលើបានឲ្យដឹងថា វីរុសអូមីក្រុងបំប្លែង BA.2 ត្រូវបានអ្នកជំនាញជាច្រើនលើកឡើងថា មិនសូវបង្កគ្រោះថ្នាក់ដល់សុខភាពធ្ងន់ធ្ងរនោះទេ ប៉ុន្តែការពិតទៅ វាអាចធ្វើឲ្យសុខភាពយើងប្រឈមគ្រោះថ្នាក់ បើផ្អែកទៅតាមអ្វីដែលរកឃើញលើមនុស្សវ័យចំណាស់ ក្នុងក្នុងប្រទេសជប៉ុន ពេលបច្ចុប្បន្ននេះ៕

អត្ថបទផ្ដល់ដោយ៖ Hello Krupet

ចុចអាន៖អ្នកវិទ្យាសាស្ត្រ បង្កើនការប្រុងប្រយ័ត្ន ខណៈ វីរុសអូមីក្រុងបំប្លែង BA.2 រាលដាល

ចុចអាន៖Omicron រាលដាលនៅ ជប៉ុន ខ្លាំង រហូតមន្ទីរពេទ្យ មិនទទួលអ្នកជំងឺស្រាលៗឡើយ