សុខភាព

ក្រដាសសែន និងធូបដែលអុជ អាចប៉ះពាល់ដល់ប្រព័ន្ធផ្លូវដង្ហើម និងបង្កមហារីក បើមិនប្រយ័ត្ន

បានផុស

៣ years មុន

នៅ

ថ្ងៃព្រហស្បតិ៍ ៣ កុម្ភៈ ២០២២

ដោយ

លោកវេជ្ជបណ្ឌិត Wachira Pengchan អគ្គនាយកនៃនាយកដ្ឋានសុខាភិបាលថៃ បានមានប្រសាសន៍ថា ក្នុងឱកាសចូលឆ្នាំថ្មី ប្រជាជនដែលជាប់សែស្រឡាយចិន នឹងថ្វាយបង្គំព្រះ គោរពវិញ្ញាណក្ខន្ធបុព្វការីជន ដែលបានចែកឋានទៅ ដោយការអុជធូប និងដុតក្រដាសប្រាក់ ក្រដាសមាស និងវត្ថុបុរាណផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែការអុជធូប និងដុតក្រដាសប្រាក់ ក្រដាសមាស អាចបង្កើតជាផ្សែងដែលមានផ្ទុកសារធាតុបំពុលផ្សេងៗ ដូចជាជាតិពុលក្នុងខ្យល់ ឧស្ម័នផ្ទះកញ្ចក់ និងសារធាតុបង្កមហារីក រួមមាន លោហធាតុធ្ងន់ ៤ ប្រភេទគឺ ក្រូមីញ៉ូម នីកែល សំណ និងម៉ង់កាណែស ត្រូវបានរកឃើញនៅក្នុងផេះគ្រឿងក្រអូប និងផេះនៃក្រដាសប្រាក់ ក្រដាសមាស។ ម៉្យាងទៀត វាក៏ប៉ះពាល់ដល់សុខភាព និងបរិស្ថានផងដែរ។

ទោះយ៉ាងណា វាក៏អាស្រ័យលើបរិមាណ និងរយៈពេលនៃការប៉ះពាល់។ ជាពិសេស អ្នកដែលស្ថិតក្នុងក្រុមហានិភ័យ រួមមានកុមារតូចៗ ស្ត្រីមានផ្ទៃពោះ និងមនុស្សចាស់ អ្នកដែលមានជំងឺហឺត អាឡ័កស៊ី ជំងឺស្ទះសួតរ៉ាំរ៉ៃ ជំងឺសរសៃឈាមបេះដូងជាដើម។

យ៉ាងណាមិញ ត្រូវចៀសវាងការប៉ះពាល់ធូប និងផ្សែងដែលមកពីការដុតក្រដាសប្រាក់ ក្រដាសមាស និងចៀសវាងការសម្រាក ឬគេងក្នុងបន្ទប់ ឬតំបន់ដែលមានខ្យល់ចេញចូលមិនល្អ ដូចជាបន្ទប់ម៉ាស៊ីនត្រជាក់ បន្ទប់ដែលគ្មានបង្អួច ឬទ្វារ។ ជ្រើសរើសតំបន់ដែលនៅពីលើទិសខ្យល់ និងឆ្ងាយពីសារធាតុគីមី ឬវត្ថុងាយឆេះ។

លើសពីនេះ ប្រសិនបើដុតក្រដាសសែន ឬអុជធូប យើងត្រូវពាក់ម៉ាស ឬប្រើក្រណាត់សើម បិទមាត់ជាការល្អ។

ចំពោះការដុតក្រដាសប្រាក់ក្រដាសមាស គួរតែត្រូវបានដុតបន្តិចម្តង ៗ ហើយដុតក្នុងធុងបិទជិត ដើម្បីកុំឲ្យផ្សែងហុយទ្រលោមចូលដល់សួតរបស់យើង។ បន្ទាប់ពីក្រដាសរលត់អស់ ត្រូវប្រញាប់ពន្លត់ភ្លាមៗ និងក្រោយពេលប៉ះក្រដាសមាស អ្នកគួរតែលាងដៃ លាងមុខ និងលាងភ្នែកឲ្យបានញឹកញាប់ដូចគ្នា៕

ប្រែសម្រួល៖ សាង ស្រីល័ក្ខ