សុខភាព

អង្ករសំរូប ៤ ប្រភេទ មានអត្ថប្រយោជន៍ដល់សុខភាពច្រើនអនេក

បានផុស

៣ years មុន

នៅ

ថ្ងៃពុធ ៩ កុម្ភៈ ២០២២

ដោយ

សាង ស្រីល័ក្ខ

អ្វីទៅជាអង្ករគ្មានជាតិគីមី ឬអង្ករសំរូប?

អង្ករមិនទាន់កែច្នៃ ឬហៅម្យ៉ាងទៀតថា អង្ករសំរូប គឺជាអង្ករដែលមិនទាន់បានឆ្លងកាត់ដំណើរការកិន។ ចំណែកអង្ករសដែលយើងញ៉ាំ ជាប្រចាំ គឺអង្ករដែលបានកែច្នៃរួចហើយ។ អង្ករសំរូបគឺជាអង្ករមានប្រយោជន៍ខ្លាំង សម្រាប់រាងកាយ វាក៏ជួយការពារជំងឺជាច្រើន និងសម្បូរទៅដោយសារធាតុប្រឆាំងអុកស៊ីតកម្ម ដែលជួយពន្យឺតការខ្សោះជីវជាតិនៃកោសិកាក្នុងរាងកាយ។

១ ជួយការពារជំងឺមិនឆ្លងរ៉ាំរ៉ៃដូចជា លើសជាតិខ្លាញ់ក្នុងឈាម សម្ពាធឈាមខ្ពស់ ជំងឺទឹកនោមផ្អែមប្រភេទទី ២ ធាត់ ជំងឺបេះដូង ទល់លាមករ៉ាំរ៉ៃ និងជំងឺសរសៃឈាមខួរក្បាល។

២ ជួយឲ្យប្រព័ន្ធរំលាយអាហារដំណើរការល្អ ។

៣ ជួយគ្រប់គ្រង និងរក្សាទម្ងន់។

៤ ជួយគ្រប់គ្រងកម្រិតជាតិស្ករក្នុងឈាម។

៥ ជំរុញការប្រឆាំងភាពចាស់។

៦ ជួយឲ្យមានអារម្មណ៍ឆ្អែតលឿន និងឆ្អែតបានយូរ។

អត្ថប្រយោជន៏ពីអង្ករមិនទាន់ចម្រាញ់ ៤ ប្រភេទ បើនិយាយពីអត្ថប្រយោជន៍ដែលទទួលបាន ពីការទទួលទានអង្ករមិនទាន់ចម្រាញ់ អត្ថប្រយោជន៍អាចបែងចែក តាមប្រភេទអង្ករ ៤ ប្រភេទដូចខាងក្រោម៖

១ អង្ករសំរូបពណ៌ក្រហម សម្បូរទៅដោយវីតាមីនជាច្រើន និងមានកាបូអ៊ីដ្រាតតិចជាងអង្ករស ក៏ដូចជាកាត់បន្ថយជាតិខ្លាញ់ និងជាតិស្ករក្នុងឈាម ដូច្នេះហើយ វាត្រូវបានគេចាត់ទុកថាសក្ដិសមសម្រាប់អ្នកដែលកំពុងព្យាបាល ឬការពារជំងឺទឹកនោមផ្អែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ អង្ករសំរូបពណ៌ខ្មៅ សម្បូរទៅដោយសារធាតុប្រឆាំងអុកស៊ីតកម្ម ជួយកាត់បន្ថយអត្រាកើតជំងឺបេះដូង។ ជំងឺសរសៃឈាមខួរក្បាល ក៏ដូចជាជួយការពារជំងឺមហារីក ជំងឺទឹកនោមផ្អែម និងជំងឺវង្វេង វាក៏ផ្ទុកទៅដោយជាតិស័ង្កសី និងវីតាមីន E ដែលជួយពន្យារភាពចាស់។

៣ អង្ករសំរូបធម្មតា សម្បូរទៅដោយវីតាមីន B វីតាមីន E សារធាតុប្រឆាំងអុកស៊ីតកម្ម និងកាបូអ៊ីដ្រាតទាបជាងអង្ករស រួមចំណែកកាត់បន្ថយហានិភ័យនៃជំងឺបេះដូង និងជំងឺដាច់សរសៃឈាមខួរក្បាល វាក៏ត្រូវបានចាត់ថ្នាក់ជាអង្ករស័ក្ដិសមសម្រាប់អ្នកដែលកំពុងសម្រកទម្ងន់ផងដែរ។

៤.អង្ករសំរូបពណ៌ក្រហមលាយស សម្បូរទៅដោយសារជាតិសរសៃអាហារ មានផ្ទុកសារធាតុប្រឆាំងអុកស៊ីតកម្ម ប្រូតេអ៊ីន ជាតិដែក និងហ្វូស្វ័រ ដែលជួយចិញ្ចឹមឈាម ជួយការពារជំងឺវង្វេង ជំងឺបេះដូង និងមហារីក អ្វីដែលសំខាន់បំផុតនោះគឺវាមានផ្ទុកសារធាតុ GABA ដែលជួយក្នុងដំណើរការនៃប្រព័ន្ធសរសៃប្រសាទ ការរំលាយអាហារ និងប្រព័ន្ធបញ្ចេញចោល។ វាក៏ជួយពន្យារភាពចាស់ ដោយសារសារធាតុចិញ្ចឹម ដែលជំរុញដល់ការលូតលាស់នៃកោសិកាថ្មីក្នុងរាងកាយផងដែរ៕