សុខភាព

ពេទ្យព្រមាន! ម៉ាស់ដែលពាក់ហើយ ប្រើឡើងវិញ អាចមានគ្រោះថ្នាក់ ឈានដល់ស្លាប់

បានផុស

៣ years មុន

នៅ

ថ្ងៃពុធ ២៣ មីនា ២០២២

ដោយ

ក្រសួងសុខាភិបាលរបស់ប្រទេសថៃ រកឃើញថា ការពាក់ម៉ាស់ម្ដងហើយម្ដងទៀត នឹងប្រឈមជាមួយឱកាសស្លាប់លឿន។ ដោយសារបាក់តេរីដែលបានប្រមូលផ្ដុំក្នុងម៉ាស នឹងចូលទៅក្នុងច្រមុះសួតរបស់មនុស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុអ្វីត្រូវហាមមិនឲ្យពាក់ម៉ាស់ឡើងវិញ?

ម៉ាសគឺជាប្រភេទដែលអាចចោលបាន កុំលាងសម្អាតនិងប្រើឡើងវិញ។ ជាពិសេសម៉ាសដែលមកពីអ្នកជំងឺ ឬម៉ាសដែលផលិតដោយបុគ្គលិកពេទ្យ ដែលត្រូវការធ្វើរោគវិនិច្ឆ័យ ព្យាបាល ការធ្វើកោសល្យវិច័យជាដើម អាចត្រូវបានចាត់ទុកថាជាកាកសំណល់ឆ្លង។ ដោយសារវាជាសំរាមដែលមានមេរោគ ដូច្នេះហើយ ត្រូវបោះចោលក្នុងធុងសំរាមមួយដាច់ដោយឡែកពីគេ។

ទន្ទឹមនោះ ម៉ាសឬរបាំងការពារមុខដែលមានកាកសំណល់ឆ្លង បើដោះស្រាយមិនត្រឹមត្រូវ វានឹងប៉ះពាល់ដល់សុខភាព និងបរិស្ថាន ដែលជាប្រភពនៃមេរោគ ជាពិសេសមេរោគដែលមើលមិនឃើញដោយភ្នែកទទេ រួមមាន បាក់តេរី មេរោគ ផ្សិត និងប៉ារ៉ាស៊ីតមួយចំនួន ដែលនឹងរីកធំធាត់ និងបង្កជាជំងឺ ដល់អ្នកដែលមកប៉ះពាល់។

ដូច្នេះ ម៉ាសគួរត្រូវបានផ្លាស់ប្ដូររៀងរាល់ ៦-៨ ម៉ោងម្ដង នៅពេលដែលម៉ាសសើម កខ្វក់ ឬនៅពេលចាកចេញពីកន្លែងដែលមានហានិភ័យខ្ពស់ មានមនុស្សច្រើន។ ហើយម៉ាសគួរតែត្រូវបានបោះចោលឲ្យបានត្រឹមត្រូវ បន្ទាប់ពីការប្រើប្រាស់រួច ដោយបោះវាទៅក្នុងធុងបិទបាំង និងឆ្ងាយពីគេឯង។ ក្នុងករណីប្រើប្រាស់ក្នុងមន្ទីរពេទ្យ ត្រូវបោះចោលក្នុងធុងសំរាមដែលមានចំណាំថា សម្រាប់កាកសំណល់ឆ្លងមេរោគ ។ ចំពោះម៉ាសក្រណាត់ ត្រូវលាងសម្អាតជារៀងរាល់ថ្ងៃជាមួយសាប៊ូ ហើយហាលថ្ងៃឲ្យស្ងួត ព្រមទាំងលាងដៃឲ្យបានត្រឹមត្រូវជាមួយសាប៊ូ និងទឹករាល់ពេល៕

ប្រែសម្រួល៖ សាង ស្រីល័ក្ខ

ចុចអាន៖ស៊ុតឆៅកុំចេះតែហូបតាមគេឯង ប្រយ័ត្នឆ្លងមេរោគចូលក្នុងរាងកាយ

Related Topics:គ្រោះថ្នាក់សុខភាព