សុខភាព
មិនចង់ឲ្យកូនតូចងាយឆ្លងមេរោគ យ៉ាងហោចណាស់គួរដឹងគន្លឹះ ៤ នេះ
មនុស្សពេញវ័យសុខភាពមាំទាំខំប្រឹងអនាម័យសឹងអី នៅឆ្លងមេរោគកើតជាជំងឺបាន ចុះទម្រាំកូនក្មេងចូលចិត្តរត់លេង របស់អីក៏យកដាក់មាត់ ហើយមិនទាន់ចេះធ្វើអនាម័យខ្លួនឯងទៀតនោះ? កូនតូចងាយឆ្លងមេរោគ បង្កជាជំងឺណាស់ ព្រោះប្រព័ន្ធការពាររាងកាយកូននៅខ្ចី មិនងាយនឹងវាយឈ្នះវីរុសចូលទៅបង្ករឿងដល់សុខភាពទេ។ បើមិនចង់ឲ្យកូនពិបាក យកល្អយើងជាម៉ាក់ប៉ាគួរដឹងគន្លឹះប៉ុន្មានខាងក្រោមនេះ។
១. ញ៉ាំអាហារចម្រុះល្អៗ
របបអាហារមានផ្លែឈើ និងបន្លែចម្រុះពណ៌ច្រើន នឹងជួយពង្រឹងប្រព័ន្ធការពាររាងកាយរបស់កូន។ នៅក្នុងរបបអាហារកូនប្រចាំថ្ងៃ គួរតែមានអាហារសម្បូរវីតាមីន C (ផ្លែក្រូច ស្ត្របឺរី ឬប្រូខូលី) និងវីតាមីន D (ធូណា គ្រាប់ធញ្ញជាតិ) និងអាចបន្ថែមយ៉ាអួរសុទ្ធតែសម្បូរទៅដោយ Probiotics ដើម្បីជួយសុខភាពក្រពះពោះវៀនកូន និងរនាំងការពាររាងកាយ។
ដើម្បីកាន់តែមានភាពងាយស្រួល យើងអាចផ្ដល់ទឹកដោះគោដែលមានផ្ទុករូបមន្តថ្មីស្រឡាង ភ្នាសកោសិកាខ្លាញ់ទឹកដោះ ឬ MFGM ជាសមាសធាតុកុំប្លិចមានក្នុងទឹកដោះម្ដាយ និងទឹកដោះគោម្សៅ ជួយទ្រទ្រង់ដល់ការលូតលាស់ខួរក្បាល ពង្រឹងប្រព័ន្ធភាពស៊ាំកូនមិនងាយឈឺ និងជួយឲ្យប្រព័ន្ធរំលាយអាហារដំណើរការបានល្អ។ ក្នុងករណី កូនឧស្សាហ៍ហើមពោះ ឈឺពោះ ម៉ាក់ប៉ាគួរបន្ថែម Partially hydrolyzed protein ឬ PHP ចូលទៅក្នុងរបបអាហារកូនដែរ ព្រោះវាងាយស្រួលរំលាយ ស័ក្តិសមសម្រាប់ប្រព័ន្ធរំលាយអាហារខ្ចីរបស់ក្មេង។
២. ចាក់វ៉ាក់សាំង
បើយើងមិនចង់ឲ្យកូនតូចងាយឆ្លងមេរោគកើតជាជំងឺនោះ គ្មានមធ្យោបាយអ្វីល្អប្រសើរជាងការចាក់វ៉ាក់សាំងបង្ការនោះទេ។ មជ្ឈមណ្ឌលគ្រប់គ្រង និងប្រឆាំងជំងឺឆ្លងអាមេរិក (CDC) បានឲ្យដឹងថា ការចាក់វ៉ាក់សាំងជាមធ្យោបាយដ៏ល្អតែមួយគត់ ដើម្បីការពារសុខភាពកូនពីជំងឺនានា។
«សុខភាពក្មេងតូចងាយនឹងកើតជំងឺដោយសារពពួកមេរោគតូចធំនានាណាស់ ដូច្នេះម៉ាក់ប៉ាគួរតែយកកូនទៅចាក់ថ្នាំបង្ការតាមគោលគារណ៍ថ្នាក់ជាតិឲ្យបានគ្រប់ចំនួន ឬអាចចាក់បន្ថែមប៉ុន្មានមុខផ្សេងទៀតតាមលទ្ធភាព ដើម្បីការពារសុខភាពកូន»។ -វេជ្ជ. ចាន់ ស៊ីណេត
៣. មានអនាម័យ
ការមានអនាម័យ ពិសេសនោះគឺអនាម័យដៃ ជួយកាត់បន្ថយការឆ្លងជំងឺផ្លូវដង្ហើម និងក្រពះពោះវៀនបានយ៉ាងខ្លាំង ហេតុនេះហើយដើម្បីការពារកូនតូចពីមេរោគ យើងគួរបង្កើតទម្លាប់លាងសម្អាតដៃ មុន និងក្រោយពេលចាប់កាន់អាហារញ៉ាំ ឬក្រោយពេលចូលបន្ទប់ទឹករួច។ យើងអាចបង្រៀនកូនឲ្យច្រៀងបទ Happy Birthday ឲ្យបាន២ដង ពេលដុសសាប៊ូដៃមុននឹងលាងជាមួយទឹកស្អាត ព្រោះអ្នកជំនាញណែនាំឲ្យលាងដៃរយៈពេល ១៥-២០វិនាទី។
៤. កុំជក់បារីក្បែរកូន
ក្នុងករណីដែលយើងជាអ្នកជក់បារី ព្យាយាមជក់នៅឲ្យឆ្ងាយពីកូន ចៀសវាងអាអូនស្រូបផ្សែងបារីចូលទៅក្នុងខ្លួន ឬគួរឈប់ជក់បារីតែម្ដង។ អ្នកណាៗក៏ដឹងថា ការជក់បារីគ្មានប្រយោជន៍អីដល់សុខភាពទេ ហើយអ្នកស្រូបផ្សែងបារី ពិសេសកូនក្មេងអាចទទួលផលប៉ះពាល់ដូចជា កើតជំងឺហឺត ឆ្លងមេរោគប្រព័ន្ធផ្លូវដង្ហើម ឆ្លងមេរោគត្រចៀក ឬចំពោះទារក អាចប្រឈមនឹងគ្រោះថ្នាក់ស្លាប់ភ្លាមៗ (SIDS)ក៏ថាបាន៕
ប្រជាពលរដ្ឋជាង៩០គ្រួសារ ស្នើសុំអាជ្ញាធររាជធានីជួយចុះបញ្ជីដីធ្លី ដោយកាត់ឆ្កៀលដីចេញអនុក្រឹត្យនៅតំបន់បឹងតាមោក
មេពន្ធនាគារឱ្យពង្រឹងរក្សាការសម្ងាត់ ពិសេស ព័ត៌មានផ្ទៃក្នុងពាក់ព័ន្ធដល់សន្តិសុខពន្ធនាគារ និងសន្តិសុខជាតិ
ព្រិលធ្លាក់ខ្លាំងនិងព្យុះកំបុតត្បូងកំពុងវាយប្រហារសហរដ្ឋអាមេរិក
ទឹកជំនន់នៅថៃឆក់យកជីវិតមនុស្ស៣៥នាក់និងប៉ះពាល់ដល់១១ខេត្ត
គ្រោះរាំងស្ងួតនៅប្រទេសកេនយ៉ាគឺអាក្រក់បំផុតក្នុងរយៈពេល៤០ឆ្នាំ
ប្រទេសនៅអាហ្វ្រិក ផ្ទុះជំងឺចម្លែក អ្នកឆ្លងហើយ ញាក់ខ្លួនដូចរាំ
៤រឿងគួរឲ្យចាប់អារម្មណ៍ក្នុងពានរង្វាន់ AFF Cup ១២ប្រកួតកន្លងទៅ
រុស្ស៊ី គ្រោងបន្តកាត់យកទឹកដីបន្ថែមទៀត ដែលស្ថិតនៅជិតប្រទេសខ្លួន
ស្លូវ៉ាគី ប្រាប់ឲ្យអ៊ុយក្រែន ព្រមកាត់ដីឲ្យរុស្ស៊ី ដើម្បីដូរយកសន្តិភាព
ស្ពានឆ្លងទន្លេមេគង្គខេត្តក្រចេះ នឹងបើកឱ្យធ្វើដំណើរបណ្តោះអាសន្ននៅអំឡុងខែកញ្ញា ឆ្នាំ២០២៥ ខាងមុខនេះ
-
ព័ត៌មានអន្ដរជាតិ៦ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៦ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៥ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ជីវិតកម្សាន្ដ១ សប្តាហ៍ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
ចរាចរណ៍១ សប្តាហ៍ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់
-
ជីវិតកម្សាន្ដ៦ ថ្ងៃ agoប្រធានសមាគមសិល្បករខ្មែរ ឧបត្ថម្ភ ៣លានរៀល ដល់គ្រួសារសពលោក លីចិន ខ្វះខាតខ្លាំងគ្មានលុយធ្វើបុណ្យ