សុខភាព
អ្នករាងស្គមៗ ខ្វះអាហារូបត្ថម្ភ អាចប្រឈមបញ្ហាសុខភាពទាំងនេះ
រាងស្គមអាចនិយាយបានថា ជាគុណសម្បត្ដិមួយសម្រាប់អ្នកដែលមិនចង់បានមាឌ ឬគឺឡូធ្ងន់។ ប៉ុន្ដែសម្រាប់ប្រុសៗវិញ ប្រសិនបើស្គមខ្លាំងពេក គីឡូមិនសមាត្រជាមួយ កំពស់ និង វ័យ អាចជាបញ្ហាចំពោះសុខភាព។ ស្ថិតក្នុងលក្ខខណ្ឌបែបនោះ អាចត្រូវបានក្រុមគ្រូពេទ្យចាត់ទុកថា ជាការកង្វះជីវជាតិ អាហារូបត្ថម្ភ វិតាមីន វ៉ែ ផ្សេងៗទៀត ដែលជាហេតុអាចប្រឈមនឹងបញ្ហាសុខភាព សំខាន់ៗដូចជា៖
១.បញ្ហាពន្យាការលូតលាស់
ក្នុងដំណាក់កាលបញ្ហានេះ ត្រូវសង្កេតមើលចាប់ផ្ដើមពីកុមារ រហូតវ័យជំទង់ ក្នុងខណៈពេលដែលរាងកាយរបស់ពួកគាត់ ត្រូវការរបបអាហារដែលសំបូរទៅដោយសារធាតុចិញ្ចឹម ទ្រទ្រង់សុខភាព ដើម្បីបំពេញតម្រូវការលូតលាស់របស់រាងកាយជាចាំបាច់ ប៉ុន្ដែរបបអាហារទាំងនោះមិនត្រូវបានផ្ដល់ឲ្យគ្រប់គ្រាន់ជាប្រចាំ គឺជាហេតុដែលគាត់ត្រូវជួបបញ្ហាមួយនេះ។
២.បញ្ហាឆ្អឹងពុកផុយ
ភាពរឹងមាំរបស់ឆ្អឹងក្នុងរាងកាយបុរសៗ គឺជារឿងសំខាន់។ ការអវត្ដមានពពួក វីតាមីនD កាល់ស្យូមក្នុងរបបអាហារទ្រទ្រង់រាងកាយនឹងធ្វើឲ្យស្រកគីឡូ ដែលជាហេតុបង្កឲ្យឈានទៅដល់បញ្ហា ខ្សោយឆ្អឹង និង ពុកឆ្អឹងតែម្ដង។
៣.បញ្ហាខ្សោយប្រព័ន្ធភាពស៊ាំ
ប្រព័ន្ធភាពស៊ាំគឺជាធាតុដែលសំខាន់នៅក្នុងរាងកាយ ការណ៍ដែលញ៉ាំរបបអាហារដែលគ្មានសារធាតុចិញ្ចឹមគ្រប់គ្រាន់ នោះរាងកាយនឹងមិនមានលទ្ធភាពរក្សាថាមពលបាននោះទេ ជាហេតុធ្វើឲ្យប្រព័ន្ធភាពស៊ាំមានការអន់ថយ មិនអាចប្រឆាំងនឹងជំងឹផ្សេងៗ បើសម្រាប់អ្នកមានជំងឺស្រាប់ ក៏ពិបាកនឹងជាសះស្បើយវិញដែរ។
៤.បញ្ហាស្លេកស្លាំង
ករណីនេះជាហេតុបណ្ដាលមកពីកង្វះជាតិ វីតាមីនដែក វីតាមីនB12 និង វីតាមីនB9 ដែលសារធាតុទាំងនេះ មិនត្រូវបានបំពេញគ្រប់គ្រាន់ក្នុងរបបអាហារប្រចាំថ្ងៃ។ អាការៈដែលត្រូវបង្ហាញលើខ្លួនអ្នកជំងឺ មានដូចជា រាងកាយត្រូវស្លេកស្លាំង អាចបង្កឲ្យមានអាការៈ វិលមុខ ឈឺក្បាល និង អស់កម្លាំង។
៥.បញ្ហាជ្រុះសក់
កង្វះអាហារូបត្ថម្ភ ក្នុងរាងកាយ ក៏អាចបណ្ដាលឲ្យមានបញ្ហាជ្រុះសក់បានដែរ វាក៏អាចកើតមានចំពោះយុវជនជាញឹកញាប់ ដែលតែងតែជួយបញ្ហាជ្រុះសក់ ជាប្រចាំ គីឡូធ្លាក់ចុះ ស្បែកមានសភាពស្ងួត។
៦.បញ្ហាចំណង់ផ្លូវភេទ
ការខ្វះអាហារូបត្ថម្ភសម្រាប់បុរសៗ គឺអាចប៉ះពាល់ទៅដល់អារម្មណ៍ចំណង់ផ្លូវភេទ។ ជាក់ស្ដែងណាស់ អត្ថប្រយោជន៍របស់អាហាររូបត្ថម្ភគឺជំនួយច្រើនយ៉ាង ទាំងផ្នែករាងកាយ និងស្មារតី។ កាលណារាងកាយមិនមានថាមពលកម្លាំងគ្រប់គ្រាន់ គឺជាហេតុនាំឲ្យប៉ះពាល់ទៅដល់អារម្មណ៍ ជាមិនខានឡើយ។ សម្រាប់របបអាហារូបត្ថម្ភ ដែលអាចដោះស្រាយបញ្ហានេះបាន មានដូចជា វីតាមីនA វីតាមីនD និង រ៉ែជាតិដែក។
តើអាហារូបត្ថម្ភគឺជាអ្វី?
អាហារូបត្ថម្ភគឺជារបបអាហារ ផ្តល់ថាមពល ជំនួយ លូតលាស់ និង ចិញ្ចឹមរាងកាយជាប្រចាំ។ ក្នុងនោះទឹកគឺជាសមាសធាតុ នៃអាហារូបត្ថម្ភ ហើយ ខ្លាញ់ ប្រូតេអ៊ីន កាបូអ៊ីដ្រាត វីតាមីន និងសារធាតុរ៉ែសំខាន់ៗក៏មានអត្ថប្រយោជន៍ ផងដែរក្នុងការរក្សាសុខភាពល្អ។ ចូរចងចាំថា បើគ្រាន់តែញ៉ាំអាហារ ប៉ុន្ដែខ្វះជាតិរូបត្ថម្ភ ក៏មិនបានធ្វើឲ្យសុខភាពល្អប្រសើរបានដែរ៕
ចុចអាន៖ស៊ុតឆៅកុំចេះតែហូបតាមគេឯង ប្រយ័ត្នឆ្លងមេរោគចូលក្នុងរាងកាយ
-
ចរាចរណ៍៣ ថ្ងៃ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា១ សប្តាហ៍ ago
ភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានអន្ដរជាតិ៤ ម៉ោង ago
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៦ ថ្ងៃ ago
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ ago
ឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានអន្ដរជាតិ៥ ម៉ោង ago
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង