សុខភាព

ការពារកុំឲ្យធ្លាក់ខ្លួនឈឺធ្ងន់ អ្នកអាយុ ៦០ ឆ្នាំឡើង គួរចាក់ដូសជំរុញទី ៤

បានផុស

៣ years មុន

នៅ

ថ្ងៃសៅរ៍ ៩ មេសា ២០២២

ដោយ

ពិតណាស់ វីរុសកូវីដ-១៩ អាចឆ្លងទៅកាត់មនុស្សគ្រប់វ័យ មិនថាប្រុស ឬស្រី ឬស្ថិតក្នុងលក្ខខណ្ឌបែបណាឡើយ។ ក្នុងរយៈពេលពីរឆ្នាំកន្លងមកនេះ ករណីអ្នកដែលធ្លាក់ខ្លួនឈឺធ្ងន់ធ្ងរដោយសារវីរុសកូវីដ-១៩នេះ ភាគច្រើនជាក្រុមមនុស្សដែលមានជំងឺរួមផ្សំមួយចំនួន ដូចជាជំងឺទឹកនោមផ្អែម ឬជំងឺលើសសម្ពាធឈាមជាដើម ហើយហានិភ័យនៃការវិវត្តទៅជារោគសញ្ញាធ្ងន់ធ្ងរបន្ទាប់ពីឆ្លងវីរុសកូវីដ-១៩ នឹងកាន់តែខ្ពស់ នៅពេលដែលយើងមានជំងឺរ៉ាំរ៉ៃទាំងនេះស្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉េចបានអ្នកអាយុ៦០ឆ្នាំឡើង គួរចាក់ដូសជំរុញទី៤?

ជាទូទៅ កត្តាអាយុអាចបង្កើនឱកាសនៃការកើតជំងឺរួមផ្សំមួយចំនួន ហេតុនេះហើយអ្នកដែលមានវ័យកាន់តែច្រើនគួរប្រុងប្រយ័ត្នឲ្យបានដិតដល់ ដើម្បីប្រឆាំងនឹងការឆ្លងវីរុសកូវីដ-១៩ ដ៏កាចសាហាវនេះ។ យ៉ាងណាមិញ យោងតាមការសិក្សាថ្មីមួយរបស់ក្រុមអ្នកស្រាវជ្រាវអ៊ីស្រាអែលបានបង្ហាញថា ដូសជំរុញទី៤ មានប្រសិទ្ធភាពការពារខ្ពស់ជាងមុនរហូតដល់៣ដង ប្រឆាំងនឹងជំងឺធ្ងន់ធ្ងរ ចំពោះអ្នកដែលមានអាយុចាប់ពី៦០ឆ្នាំឡើងទៅ។

ជាក់ស្ដែង វ៉ាក់សាំងដូសទី៤នេះ មិនត្រឹមតែមានគុណប្រយោជន៍ជួយកាត់បន្ថយអត្រានៃការវិវត្តជំងឺទៅជាធ្ងន់ធ្ងរប៉ុណ្ណោះទេ វាថែមទាំងជួយឲ្យប្រព័ន្ធភាពស៊ាំយើងនៅរឹងមាំក្រោយរយៈពេល៨សប្ដាហ៍ ក្រោយចាក់វ៉ាក់សាំងរួចថែមទៀតផង។ ទន្ទឹមនឹងនេះដែរ ការសិក្សាក៏បានបង្ហាញផងដែរថា អត្រាឆ្លងកូវីដ-១៩ នៃអ្នកដែលបានទទួលដូសជំរុញទី៤ មានចំនួនទាបជាងអ្នកដែលទទួលបានត្រឹមដូសជំរុញលើកទី៣ ដល់ទៅ២ដងឯណោះ។ ទោះជាយ៉ាងនេះក្ដី ការការពារប្រឆាំងនឹងការឆ្លងវីរុសកូវីដ-១៩ ហាក់ដូចជាមានរយៈពេលខ្លីប៉ុណ្ណោះ ដូចនេះហើយ យើងមិនត្រូវធ្វេសប្រហែសឡើយ និងចាំបាច់ត្រូវអនុវត្តវិធានការការពារបន្ថែមឲ្យបានខ្ជាប់ខ្ជួនជានិច្ច។

អត្ថបទផ្ដល់ដោយ៖Hello Krupet

ចុចអាន៖ក្រោយចាក់ដូសជំរុញ ហេតុអ្វីអ្នកខ្លះអត់ស្រួលខ្លួន តែខ្លះស្រស់ស្រាយធម្មតា?

ចុចអាន៖ដុកទ័របកស្រាយលម្អិត Omicron ឆ្លងប៉ុន្មានថ្ងៃ ទើបបង្ហាញរោគសញ្ញាឲ្យដឹងខ្លួន

Related Topics:សុខភាពមនុស្សចាស់