សុខភាព
ពេលមានរបួស គួរថែទាំស្បែកបែបណា ទើបមិនផ្លែសាច់?
ផ្លែសាច់ គឺជាស្នាមដែលផុសចេញពីសាច់ បន្ទាប់ពីរបួសបានជាសះស្បើយ ដែលធ្វើឲ្យស្បែកយើងមានដុំសាច់ពីលើ មិនរាបស្មើ ហើយមើលទៅមិនស្អាត។ របួសបែបណាអាចបណ្តាលឱ្យយើងផ្លែសាច់? ហើយយើងគួរថែទាំរបួសដូម្តេចដើម្បីការពារកុំឱ្យផ្លែសាច់?
របួសអាចបណ្តាលឲ្យយើងផ្លែសាច់មានដូចជា ការមុតកាំបិត វះកាត់ គ្រោះថ្នាក់ចរាចណ៍ មុនធំៗ ជំងឺអុតស្វាយ ឬការចោះក្រវិលជាដើម។
ពេលមានរបួសជ្រៅ ឬធំៗ យើងគួរថែទាំស្បែកដូចខាងក្រោមដើម្បីចៀសវាងផ្លែសាច់៖
១. លាងមុខរបួសជាមួយសាប៊ូ និងទឹក
ពេលត្រូវរបួសភ្លាម យើងអាចលាងមុខរបួសជាមួយសាប៊ូ និងទឹក ឬជាមួយសេរ៉ូមប្រៃដើម្បីសម្អាតមេរោគ ឬធូលីដី។ យើងគួរចៀសវាងលាងមុខរបួសជាមួយដ្រូសែនពែអុកស៊ីត ឬអាល់កុល ព្រោះសារធាតុទាំងនេះអាចធ្វើឱ្យស្បែកមុខរបួសយើងស្ងួត។
២. រុំមុខរបួសជាមួយបង់រុំរបួស
បន្ទាប់មកយើងអាចលាបមុខរបួសជាមួយថ្នាំសម្លាប់មេរោគ និងរុំមុខរបួសជាមួយបង់រុំរបួស ឬបិទមុខរបួសជាមួយបង់បិទរបួសដើម្បីការពារមុខរបួសកុំឱ្យហូរឈាម ប៉ះនឹងធូលីដី ឬមេរោគ និងរក្សាស្បែកមុខរបួសឱ្យមានសំណើម។
៣. លាងមុខរបួសរាល់ថ្ងៃ
យើងគួរលាងមុខរបួសរាល់ថ្ងៃរហូតដល់មុខរបួសជាដើម្បីការពារមុខរបួសពីការឆ្លងមេរោគ និងផ្លែសាច់។ ពេលលាងមុខរបួស យើងគួរចៀសវាងជូតត្រដុសស្បែកដើម្បីកុំឱ្យស្បែកមានស្នាម។
៤. លាបថ្នាំការពារស្នាមសន្លាក
ពេលមុខរបួសជិតជា យើងអាចលាបថ្នាំការពារស្នាមសន្លាកបីបួនដងក្នុងមួយថ្ងៃដើម្បីការពារមុខរបួសកុំឱ្យមានស្នាមដែលអាចបង្កឱ្យផ្លែសាច់។
៥. ចៀសវាងអេះមុខរបួស
នៅពេលរបួសជិតជា ស្បែកមុខរបួសនឹងរមាស់ដែលធ្វើឱ្យយើងទ្រាំមិនបាន ហើយចង់អេះ។ ក្នុងអំឡុងពេលនេះ យើងគួរចៀសវាងអេះមុខរបួស ព្រោះអាចបង្កឱ្យរបួសហូរឈាម បង្កឱ្យមានស្នាម និងផ្លែសាច់។
ដើម្បីកាត់បន្ថយអាការៈរមាស់ យើងអាចស្អំមុខរបួសជាមួយទឹកកករយៈពេល ១០ នាទី រួចលាបឡេ ឬគ្រីមផ្តល់សំណើមដើម្បីការពារមុខរបួសកុំឱ្យស្ងួតដែលបណ្តាលឱ្យមុខប្រេះហូរឈាម ឬធ្វើឱ្យយើងរមាស់។
៦. ចៀសវាងឱ្យមុខរបួសត្រូវពន្លឺថ្ងៃ
តាមការសិក្សាបានឱ្យដឹងថា កាំរស្មីយូវីពីព្រះអាទិត្យអាចជំរុញឱ្យមុខរបួសមានស្នាម ធ្វើឱ្យស្នាមប្រែជាពណ៌ក្រមៅ និងឡើងក្រាស់។ ដូច្នេះ យើងគួរចៀសវាងឱ្យមុខរបួសត្រូវកម្តៅថ្ងៃដោយស្លៀកសម្លៀកបំពាក់បាំងមុខរបួស ឬរុំមុខរបួសជាមួយបង់រុំរបួស ឬបង់បិទរបួស។
លើសពីនេះទៅទៀត ក្រោយពេលមុខរបួសជាសះស្បើយ យើងអាចលាបឡេការពារកម្តៅថ្ងៃលើមុខរបួសដើម្បីការពារមុខរបួសពីការប្រែជាពណ៌ខ្មៅ និងឡើងក្រាស់ដោយសារត្រូវកម្តៅថ្ងៃ។
៧. ចៀសវាងជក់បារី
ការជក់បារីអាចបង្កើនបរិមាណកាបូនម៉ូណូអុកស៊ីតនៅក្នុងចរន្តឈាម ដែលធ្វើឱ្យរំហូរអុកស៊ីសែននៅក្នុងសរសៃឈាមយើងថយចុះដែលជាហេតុធ្វើឱ្យរបួសក្រជា និងមានស្នាម។ ម្យ៉ាងទៀត កាបូនម៉ូណូអុកស៊ីតក៏ធ្វើឱ្យស្បែកមុខរបួសប្រែជាពណ៌ក្រមៅដែរ។
ជាទូទៅផ្លែសាច់កើតឡើងដោយសារមុខរបួសដែលត្រូវការពេលយូរក្នុងការជាសះស្បើយ និងលើមុខរបួសដែលក្លាយ ដូច្នេះការថែទាំមុខរបួសឱ្យឆាប់ជាអាចកាត់បន្ថយការផ្លែសាច់បាន៕
ចុចអាន៖អ្នករាងស្គមៗ ខ្វះអាហារូបត្ថម្ភ អាចប្រឈមបញ្ហាសុខភាពទាំងនេះ
ចុចអាន៖កាហ្វេស្វាងងងុយមែន តែបើផឹកច្រើនពេក នឹងជួបជំងឺ ៥ មុខនេះ រហូតដល់ស្លាប់បាន
ឯកឧត្តម ហ៊ុន ម៉ានី÷ការរៀបចំព្រះរាជក្រឹត្យស្ដីពីលក្ខន្តិកៈដោយឡែកនៃអង្គសុខាភិបាល អាចផ្តល់ផលរំពឹងចំនួន៣
ឆេះផ្ទះ៣ខ្នង ក្បែរវត្តគល់ទទឹង សង្ស័យកើតចេញពីការឆ្លងចរន្តអគ្គិសនី
ក្រសួងការងារ រៀបចំសិក្ខាសាលាពិគ្រោះយោបល់លើឯកសារទស្សនាទាន ស្ដីពី “កម្លាំងពលកម្មនៅកម្ពុជា”
ស្នងការរាជធានី ៖ បុណ្យចូលឆ្នាំខ្មែរប្រពៃណីជាតិ សមត្ថកិច្ចត្រៀមកម្លាំងជាង២ពាន់នាក់ ដើម្បីការពារសន្តិសុខ
ស្អែកស្ពានខ្ពស់ជាងគេនៅកម្ពុជា នឹងចាក់បេតុងភ្ជាប់មុខតំណ មុននឹងដាក់ឱ្យប្រើពីថ្ងៃទី១១-១៧ ខែមេសា
កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
ម៉ូតូ ២ គ្រឿង ពន្លះគ្នាពេញទំហឹង ស្លាប់ ១ នាក់ និង រងរបួសធ្ងន់ ១ នាក់
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៩មេសា
មេទ័ពអ៊ីរ៉ង់ ប្រកាសមិនឱនក្បាលនិងត្រៀមរួចស្រេច ដើម្បីធ្វើសង្គ្រាមជាមួយប្រទេសណាក៏ដោយ
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១៣ ម៉ោង agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម២ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៦ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៦ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៥ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ