សុខភាព

វិធី ៤ យ៉ាង បំបាត់អាការធីងធោងក្រោយពិសាស្រាជ្រុល បានយ៉ាងមានប្រសិទ្ធភាព

បានផុស

៣ years មុន

នៅ

ថ្ងៃអាទិត្យ ២៤ មេសា ២០២២

ដោយ

បើនិយាយពីរឿងស្រវឹងជ្រុល ជាពិសេសមនុស្សនិយមផឹកជាតិអាកុលចូលខ្លួន សុទ្ធតែធ្លាប់ឆ្លងកាត់សឹងគ្រប់គ្នា សំខាន់យើងទាំងអស់គ្នា នៅតែមិនដឹងមូលហេតុពិត និងវិធីព្យាបាលឲ្យបានត្រឹមត្រូវនៅឡើយទេ។

ដើម្បីជាការងាយស្រួល យើងខ្ញុំសូមណែនាំវិធីសាស្ត្រងាយៗ ដើម្បីបំបាត់ស្រវឹងស្រាដែលដាក់ជ្រុលពីយប់ឲ្យស្វាងចេសមានកម្លាំងឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាដំបូងយើងមកយល់ពីអ្វីទៅដែលនាំឲ្យយើងស្រវឹងស្រាជ្រុល

ការស្រវឹងស្រាជ្រុល ឬដាក់ជ្រុលពេក អាចបណ្ដាលមកពីរាងកាយទទួលទានគ្រឿងស្រវឹងច្រើនពេក រហូតធ្វើឲ្យកាត់បន្ថយការស្រូបយកវីតាមីន និងសារធាតុរ៉ែ ហើយធ្វើឲ្យរាងកាយបញ្ចេញកាកសំណល់ក្នុងទម្រង់ជាទឹកនោម ជារឿយៗវាបញ្ចេញសារធាតុសំខាន់ៗដូចជា វីតាមីន B ម៉ាញេសូម ប៉ូតាស្យូម ផងដែរ។ នៅពេលដែលបញ្ចេញចេញ នោះនឹងធ្វើឲ្យមានការកកស្ទះនៃសារធាតុ aldehyde ដែលប៉ះពាល់ដល់ការថយចុះជាតិស្ករក្នុងឈាម រំខានដល់មុខងារ melatonin រហូតធ្វើឲ្យឈឺក្បាលដែលកើតឡើង ហេតុផលមួយទៀត ដែលមនុស្សជាច្រើនប្រហែលជាមិនដឹងនោះគឺថា គ្រឿងស្រវឹងជំរុញឲ្យមានការរលាក បណ្ដាលឲ្យមានរោគសញ្ញាផ្សេងៗផងដែរ។

ភាពស្លេកស្លាំងទូទៅ បន្ទាប់ពីស្រវឹងជ្រុលខ្លាំង អាចបណ្ដាលឲ្យមានអាការទាំងនេះកើតឡើង៖
-ឈឺក្បាល
-ក្អួត
-ញ័របេះដូង
-មានអារម្មណ៍អត់ល្អ
-អស់កម្លាំង
-ស្រេកទឹកខ្លាំង

វិធីព្យាបាលអាការស្រវឹងជ្រុល

-ត្រូវផឹកទឹកធម្មតាឲ្យបានច្រើន ដើម្បីការពារការខះជាតិទឹកចេញពីក្នុងខ្លួន។
-ញ៉ាំចេក ដើម្បីជួយការពារពីការស្រូបយកសារធាតុផ្សេងៗចេញពីក្នុងខ្លួន វាក៏ជួយស្រោបការផ្លាស់ប្ដូរផ្សេងៗ ព្រោះអាហារធ្វើឲ្យវាស្រូបជាតិអាល់កុលបានតិចបំផុត។
-ទទួលទានវីតាមីន B-complex នៅក្នុងសំណុំបែបបទនៃគ្រាប់ effervescent ដើម្បីងាយស្រួលស្រូបយកសារធាតុនេះបានរហ័ស។
-ជ្រើសរើសអាហារក្តៅៗមកបរិភោគ ខណៈឈឺក្បាលខ្លាំង ឬបានផឹកគ្រឿងស្រវឹងពីយប់ច្រើនពេក។

ជាពិសេសរឿងមួយដែលអ្នកគួរដឹង បន្ទាប់ពីផឹកស្រវឹង ប្រសិនបើនៅតែឈឺក្បាល សូមកុំលេបថ្នាំបំបាត់ការឈឺចាប់ភ្លាមៗ។ ដោយសារតែរាងកាយមានជាតិអាល់កុលច្រើននៅកកកុញ ហើយបើលេបថ្នាំ នោះអន្តរកម្មរបស់ថ្នាំជាមួយសារធាតុអាល់កុលដែលនៅសេសសល់ អាចបណ្ដាលឲ្យខូចថ្លើមបាន៕

ប្រែសម្រួល៖ សាង ស្រីល័ក្ខ

ចុចអាន៖គេងមិនបានគ្រប់គ្រាន់ អាចបង្កជាបញ្ហាសុខភាពច្រើនយ៉ាង

ចុចអាន៖ការជក់បារី បង្កផលប៉ះពាល់ច្រើនដល់សុខភាពស្បែក