សុខភាព
អាហារ ៨ ប្រភេទ នារីជប៉ុនតែងជឿថា ល្អសម្រាប់សុខភាព និងសម្រស់
អាថ៌កំបាំងសម្រស់មួយទៀត ដែលនារីជប៉ុនយកចិត្តទុកដាក់ គឺជាអាហារខ្មៅ ហើយគេជឿថាល្អសម្រាប់សុខភាព និងសម្រស់ បើទទួលទានជាប្រចាំ នឹងពន្យឺតភាពចាស់ ស្បែកស្រស់ស្អាត សក់រលោង ហើយរក្សារាងមិនឲ្យធាត់ថែមទៀតផង។
ខាងក្រោមនេះ យើងខ្ញុំនឹងបង្ហាញឲ្យលោកអ្នកបានស្គាល់ពីអាហារខ្មៅ និងតម្លៃអាហារូបត្ថម្ភដែលស្ត្រីជនជាតិជប៉ុនទទួលទានក្នុងជីវិតប្រចាំថ្ងៃ។
១ ផ្សិត សម្បូរទៅដោយវីតាមីន D ដែលជួយពង្រឹងឆ្អឹង និងធ្មេញ។ វាក៏មានផ្ទុកជាតិដែក ដែលជួយការពារភាពស្លេកស្លាំងចំពោះស្ត្រីនិងជាតិសរសៃអាហារ បំបាត់ការទល់លាមក និងជួយកម្ចាត់កាកសំណល់ចេញពីរាងកាយ។
២ ល្ងខ្មៅ សម្បូរទៅដោយសារធាតុ Sesamin ដែលជាសារធាតុជំរុញការរំលាយអាហារថាមពលក្នុងរាងកាយ។ ជួយពន្យាភាពចាស់ និងជួយកាត់បន្ថយកម្រិតកូឡេស្តេរ៉ុលក្នុងឈាមផងដែរ។ លើសពីនេះទៅទៀត បើទទួលទានជាប្រចាំ វានឹងធ្វើឲ្យសុខភាពសក់ និងស្បែកកាន់តែប្រសើរឡើង។ វិធីញ៉ាំល្ងខ្មៅឲ្យរាងកាយទទួលបានល្ងល្អ គឺល្ងខ្មៅបុកហើយញ៉ាំប្រហែល ១-២ ស្លាបព្រាក្នុងមួយថ្ងៃ។
៣ សណ្តែកខ្មៅ សម្បូរទៅដោយប្រូតេអ៊ីនគុណភាពខ្ពស់ ដែលជួយពង្រឹងសាច់ដុំ Isoflavones មានរចនាសម្ព័ន្ធស្រដៀងគ្នាទៅនឹងអរម៉ូនភេទស្រី ហើយដើរតួក្នុងការការពារភាពមិនប្រក្រតីនៅក្នុងរាងកាយពីកង្វះ estrogen រួមទាំងជួយការពារជំងឺពុកឆ្អឹងចំពោះស្ត្រីក្នុងវ័យអស់រដូវ saponins ដែលធ្វើឲ្យឈាមរត់បានយ៉ាងប្រសើរឡើង ជួយកាត់បន្ថយកម្រិតកូឡេស្តេរ៉ុលក្នុងឈាម និងជួយពង្រឹងរាងកាយ។ សណ្តែកខ្មៅក៏សម្បូរទៅដោយជាតិសរសៃអាហារ ដែលជួយការពារ និងបំបាត់ការទល់លាមក។
៤ សារ៉ាយសមុទ្រ Kombu សម្បូរទៅដោយជាតិសរសៃនៃអាហាររលាយដូចជាអាស៊ីត Alginic និង Fucoidan ដែលជួយការពារការស្រូបជាតិស្ករ និងខ្លាញ់ចូលទៅក្នុងខ្លួន។ ជួយកាត់បន្ថយកម្រិតកូឡេស្តេរ៉ុលក្នុងឈាម Glutamic acid (អាស៊ីដ Glutamic) ដែលជារសជាតិនៃ umami ដែលធ្វើឲ្យអ្នកមានអារម្មណ៍ថាឆ្អែត។ ជួយកាត់បន្ថយបរិមាណអាហារបរិភោគ ជួយសម្រកទម្ងន់ និងគ្រប់គ្រងបានល្អ វាក៏មានផ្ទុកនូវអ៊ីយ៉ូត និងវីតាមីន B2 ដែលជួយឲ្យស្បែករបស់អ្នកស្រស់ស្អាត។ Kombu ក៏សម្បូរទៅដោយសារធាតុរ៉ែ ដែលជួយការពារសក់ស្កូវផងដែរ។
៥ ភេសជ្ជៈកាកាវ សម្បូរទៅដោយសារធាតុ polyphenols ដែលមានលក្ខណៈសម្បត្តិប្រឆាំងអុកស៊ីតកម្ម។ ជួយពន្យាភាពចាស់ ទោះជាយ៉ាងណាក៏ដោយ ប្រសិនបើប្រើស្ករ beet ឬទឹកឃ្មុំជាសារធាតុផ្អែមជំនួសស្ករ នោះវានឹងជួយបង្កើនសម្រស់របស់វាផងដែរ។
៦ កាហ្វេ ប្រសិនបើអ្នកផឹកកាហ្វេ ១ ឬ ២ ពែងក្នុងមួយថ្ងៃក្នុងបរិមាណត្រឹមត្រូវ ជាតិកាហ្វេអ៊ីននៅក្នុងកាហ្វេនឹងជួយឲ្យរាងកាយរបស់អ្នកដុតបំផ្លាញជាតិខ្លាញ់។ ប៉ុន្តែត្រូវប្រយ័ត្នកុំផឹកកាហ្វេច្រើនពេក ព្រោះវាអាចធ្វើឲ្យឈឺពោះ និងញ័របេះដូង ។
៧ ទឹកខ្មេះខ្មៅ សម្បូរទៅដោយអាស៊ីតអាមីណូពីធម្មជាតិពីដំណើរការ fermentation ដែលមានឥទ្ធិពលក្នុងការកាត់បន្ថយភាពតានតឹង និងជួយបន្ធូរអារម្មណ៍ ជួយការពារ និងបំបាត់ការទល់លាមក វាក៏ជួយគ្រប់គ្រងសម្ពាធឈាម និងកម្រិតកូឡេស្តេរ៉ុលផងដែរ។
៨ ប៊្លូបឺរី ជាផ្លែឈើដែលសម្បូរទៅដោយសារធាតុ anthocyanins ដែលល្អសម្រាប់សុខភាពភ្នែក ជួយប្រឆាំងអុកស៊ីតកម្ម ជួយពន្យាភាពចាស់ និងការពារជំងឺដែលបណ្តាលមកពីការរស់នៅប្រចាំថ្ងៃ។
ត្រូវចងចាំថា ជាមនុស្សស្រីកុំឈប់ស្អាតពីសម្រស់ខាងក្នុង និងសុខភាពល្អ គឺជាកត្តាសំខាន់ដែលនឹងធ្វើឲ្យយើងស្រស់ស្អាតទាំងផ្លូវកាយ និងផ្លូវចិត្តបានយូរអង្វែង។ សូមថែរក្សាសុខភាពសម្រស់ យើងចាប់ពីថ្ងៃនេះតទៅ៕
ប្រែសម្រួល៖ សាង ស្រីល័ក្ខ
ចុចអាន៖អាហារ ៥ ប្រភេទ ដុកទ័រហាមផ្ដាច់ កុំហូបពេលពោះទទេឲ្យសោះ
ចុចអាន៖អាហារ ៧ មុខ ធ្វើឲ្យមានអារម្មណ៍ល្អ បំបាត់ភាពតានតឹងចេញពីខាងក្នុង
-
ចរាចរណ៍២ ថ្ងៃ ago
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៥ ថ្ងៃ ago
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ ago
ករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ ago
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៤ ថ្ងៃ ago
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១២ ម៉ោង ago
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ ago
អ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ ago
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី