ជំងឺអុតស្វា ត្រូវបានរកឃើញក្នុងប្រទេសចំនួន៣ ទៀតហើយ (មានវីដេអូ)

ប្រទេស អារ៉ាប់រួម បានក្លាយជារដ្ឋឈូងសមុទ្រពែក្សដំបូងគេ ដែលកត់ត្រាករណីជំងឺអុតស្វា (Monkeypox)។

សាធារណរដ្ឋឆែក និងស្លូវេនី ក៏បានរាយការណ៍ករណីដំបូងនៃជំងឺអុតស្វាផងដែរ កាលពីថ្ងៃអង្គារទី២៤ខែឧសភា ដោយបូករួមជាមួយប្រទេសចំនួន ១៨ ផ្សេងទៀត ដែលរកឃើញមេរោគនេះនៅខាងក្រៅទ្វីបអាហ្វ្រិក។

ថ្វីបើចំនួន​នោះ​ត្រូវ​បាន​គេ​រំពឹង​ថា​នឹងបន្ត​កើន​ឡើង​បន្ថែម​ទៀតក៏ដោយ ប៉ុន្តែ​ក្រុម​អ្នក​ជំនាញ​និយាយ​ថា​ ហានិភ័យ​ជា​រួម​ចំពោះ​ប្រជាជន​ទូទៅ ​នៅ​មាន​កម្រិត​ទាបនៅឡើយ។

នៅប្រទេសអារ៉ាប់រួម មន្ត្រីសុខាភិបាលបានប្រកាសថា ករណីមួយត្រូវបានរកឃើញនៅក្នុងអ្នកដំណើរម្នាក់ ដែលទើបតែទៅលេងតំបន់អាហ្វ្រិកខាងលិច ហើយឥឡូវនេះកំពុងទទួលការព្យាបាល។

អាជ្ញាធរនៅទីនោះនិយាយថា ពួកគេបានរៀបចំខ្លួនយ៉ាងល្អ ដើម្បីដោះស្រាយការផ្ទុះឡើងណាមួយ។

យោងតាមអង្គការសុខភាពពិភពលោក (WHO), មេរោគនេះអាចទប់ទល់បាន ជាមួយនឹងការឆ្លើយតបត្រឹមត្រូវនៅក្នុងបណ្តាប្រទេស ខាងក្រៅទ្វីបអាហ្រ្វិក។

នៅខាងក្រៅទ្វីបអាហ្រ្វិក ឥឡូវនេះមានករណីដែលត្រូវបានបញ្ជាក់ និងសង្ស័យថាផ្ទុកជំងឺអុតស្វាចំនួន ២៣៧ករណី ហើយអាជ្ញាធរសុខាភិបាលជុំវិញពិភពលោក បានប្រកាសផែនការដើម្បីទប់ស្កាត់វីរុសនេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ WHO រកឃើញជំងឺអុតស្វានៅក្នុងប្រទេស បន្ថែមទៀតហើយ