សុខភាព

សូមស្វែងយល់អំពីជំងឺ“ ម៉េឡូអ៊ីតដូស” ទាំងអស់គ្នា!

បានផុស

៥ years មុន

នៅ

ថ្ងៃអង្គារ ២២ ធ្នូ ២០២០

ដោយ

ជំងឺម៉េឡូអ៊ីតដូស គឺជាជំងឺឆ្លងដែលបណ្តាលមកពីបាក់តេរីម្យ៉ាងដែលរស់នៅក្នុងដី និងទឹក ឈ្មោះ បើកខូលដេរ្យ៉ា ផ្សឺដូម៉ាឡី ។ ការចំលងរោគកើតឡើងតាមរយៈការជ្រាតចូលនៃមេរោគនៅតាមកន្លែងដែលស្បែកមានការដាច់រលាត់ តាមរយៈផ្លូវដង្ហើម ឬតាមរយៈផ្លូវអាហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសក្នុងតំបន់អាស៊ី ផ្នែកភាគខាងត្បូងនៃប្រទេសអូស្ត្រាលី ជាតំបន់ដែលមានការប៉ះពាល់ រីឯការយល់ដឹងទាក់ទងនិងជំងឺនេះហាក់នៅមានកំរិតនៅឡើយ។

ក) កត្តាប្រឈម៖ កត្តាប្រឈមមានដូចជាកត្តាវេជ្ជសាស្ត្រ កត្តាមុខរបរ និង របៀបរបបរស់នៅ។

– កត្តាវេជ្ជសាស្ត្រមានដូចជា ជំងឺទឹកនោមផ្អែម ជំងឺតំរង់នោម ជំងឺសួត និង ជំងឺថ្លើមរាំរៃ ការពិសារស្រាច្រើន ដល់់កំរិតស្រវឺង ការព្យាបាលដោយថ្នាំផ្សេងៗ ធ្វើអោយប្រពន្ធ័ការពាររាងកាយចុះខ្សោយ ជំងឺមហារីក ។

– កតា្តមុខរបរ និង របៀបរបបរស់នៅដូចជាការរស់នៅប៉ះពាល់ដី និងទឹក(កសិករ អ្នកធ្វើចំការ អ្នកនេសាទ អ្នកធ្វើការងារសំណង់ ) អ្នកលេងកីឡាបាល់ទាត់ អ្នកបរិភោគទឹកមិនស្អាត។

ខ) រោគសញ្ញា៖

– ទំរង់សំងំ: មេរោគអាចនៅសំងំក្នុងខ្លួនយើងរយៈពេលយូរដោយមិនមានរោគសញ្ញា

– ទំរង់ស្រួចស្រាវ (រយៈពេលតិចជាងពីរខែ): រលាកសួតស្រួចស្រាវ បូសសរីរាង្គ( អណ្តើត ថ្លើមតម្រងនោម ប្រូស្តាត បូសក្បាលឬក ដំបៅរលួយនៅលើស្បែក រលាកសន្លាក់ និងឆ្អឹង។

– ទំរង់រាំរៃ(រយៈពេលលើសពីរខែ): រោគសញ្ញាស្រដៀងនឹងជំងឺរបេង មានដូចជាហើមកូនកណ្តុរនៅក ដំបៅរលួយ បូសនៅសរីរាង្គរាំរៃ។

គ) ការធ្វើរោគវិនិច្ឆ័យ៖ រោគវិនិច្ឆ័យត្រូវបានបញ្ជាក់ដោយការបណ្តុះមេរោគ ដែលមាននៅក្នុងឈាម ខ្ទុះ ទឺកនោម និងសំនាកផ្សេងៗ ។

ឃ)ការព្យាបាល៖ ជំងឺនេះអាចព្យាបាលអោយជាដាច់បាន ដោយចែកជាពីរដំណាក់កាល

– ដំណាក់កាលសំរុក(រយៈពេលយ៉ាងហោចណាស់១៤ថ្ងៃ) និង

– ដំណាក់កាលព្យាបាលបន្តអោយជាដាច់(យ៉ាងហោចណាស់ ៣ខែ)។

អត្រាស្លាប់នៅមានកំរិតខ្ពស់នៅឡើយ (ប្រហែលជា៤០% នៅប្រទេសថៃ)។ ជំងឺនេះទាមទារអោយមានការព្យាបាលនិងយកចិត្តទុកដាក់ខ្ពស់ដើម្បីកាត់បន្ថយអត្រាស្លាប់។ សូមមកទទួលការព្យាបាលនៅតាមមន្ទីរពេទ្យជាមួយក្រុមគ្រួពេទ្យដែលមានជំនាញច្បាស់លាស់។