សុខភាព

WHO អំពាវនាវឲ្យចាត់វិធានការបន្ទាន់លើជំងឺអុតស្វានៅអឺរ៉ុប

បានផុស

៣ years មុន

នៅ

ថ្ងៃសៅរ៍ ២ កក្កដា ២០២២

ដោយ

អង្គការសុខភាពពិភពលោក (WHO) កាលពីថ្ងៃសុក្រ ទី១ ខែកក្កដាម្សិលមិញបានអំពាវនាវឲ្យចាត់វិធានការជាបន្ទាន់ដើម្បីទប់ស្កាត់ការរីករាលដាលជំងឺអុតស្វានៅអឺរ៉ុប ពីព្រោះកត់សំគាល់ឃើញថា ករណីឆ្លងបានកើនឡើង៣ដងក្នុងរយៈពេល២សប្តាហ៍ចុងក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Hans Henri Kluge នាយកប្រចាំតំបន់អឺរ៉ុបរបស់ WHO បាននិយាយថា ៖«ថ្ងៃនេះ ខ្ញុំសូមអំពាវនាវដល់រដ្ឋាភិបាល និងសង្គមស៊ីវិលត្រូវបង្កើនការយកចិត្តទុកដាក់ខ្លាំងមែនទែន…ដើម្បីទប់ស្កាត់ជំងឺអុតស្វា ពីការបង្កើតឲ្យមានការឆ្លងរាលដាលដោយខ្លួនវាទូទាំងតំបន់ភូមិសាស្ត្រ»។

លោកបានសង្កត់ធ្ងន់ថា ៖«ចំណាត់ការបន្ទាន់ និងសម្របសម្រួលគឺចាំបាច់ណាស់។ ប្រសិនបើយើងស្ថិតនៅកន្លែងមួយ អាចបណ្តាលឲ្យការរីករាលដាលកាន់តែខ្លាំង»។

ចាប់តាំងពីដើមខែឧសភាមក ការកើនឡើងនៃការឆ្លងជំងឺអុតស្វាត្រូវបានរកឃើញច្រើននៅខាងក្រៅតំបន់អាហ្វ្រិកខាងលិច និងអាហ្វ្រិកកណ្តាលដែលជាតំបន់កើតមានជំងឺនេះខ្លាំង។

លោក Kluge បានបញ្ជាក់ថា ៩០%នៃករណីឆ្លងជំងឺអុតស្វាត្រូវបានបញ្ជាក់នៅមន្ទីរពិសោធទាំងអស់ ឬស្មើនឹង៤៥០០ករណីនៅអឺរ៉ុប។ រហូតដល់ពេលនេះ ប្រទេស និងតំបន់ចំនួន៣១ត្រូវបានរាយការណ៍ពីករណីកើតមានជំងឺអុតស្វា៕

ប្រែសម្រួល៖ វីរបុត្រ
ប្រភព៖ AFP

Related Topics:ជំងឺអុតស្វា