សុខភាព

សញ្ញាព្រមានទាំង ៥ នៃជំងឺជើងធំដូចដំរី គ្រប់គ្នាគួរដឹង

បានផុស

៣ years មុន

នៅ

ថ្ងៃព្រហស្បតិ៍ ៧ កក្កដា ២០២២

ដោយ

ជំងឺជើងធំដូចដំរី (Elephantiasis) បង្កឡើងដោយព្រូនប៉ារ៉ាស៊ីតដែលចម្លងដោយមូសញី ហើយភាគច្រើន រោគសញ្ញានៃជំងឺនេះមិនលេចឡើងនោះទេ រហូតដល់ជំងឺឈានដល់ដំណាក់កាលធ្ងន់ធ្ងរ។

យ៉ាងណាមិញ លោកវេជ្ជបណ្ឌិត Krishnakant Debri ជាវេជ្ជបណ្ឌិតជាន់ខ្ពស់នៃទីក្រុងMumbai ប្រទេសឥណ្ឌាបានបង្ហាញថា មានសញ្ញាព្រមានមួយចំនួននៃជំងឺជើងធំដូចដំរីនេះ ដើម្បីឲ្យយើងបានយល់ដឹងធ្វើរោគវិនិច្ឆ័យ និងទទួលបានការព្យាបាលទាន់ពេលវេលា។

១. ហើមជើង

រោគសញ្ញាចម្បងមួយនៃជំងឺជើងធំដូចដំរី គឺហើមដៃ និងជើងដោយសារតែការប្រមូលផ្ដុំសារធាតុរាវ។ ជើង ឬដៃម្ខាង អាចហើមធំខុសពីទំហំធម្មតាច្រើនដង ដែលមើលទៅដូចជាជើងដំរី ទើបជំងឺនេះមានឈ្មោះថា ជំងឺជើងធំដូចដំរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. ស្បែកស្ងួត

ក្នុងករណីភាគច្រើន បរិវេណស្បែកដែលរងគ្រោះ អាចមានសភាពស្ងួត និងក្រាស់។ បន្ថែមពីនេះ អ្នកជំងឺអាចកើតមានដំបៅ ស្បែកប្រេះ និងខ្មៅ ដោយសារតែកង្វះលំហូរឈាមទៅកាន់ស្បែកបរិវេណនោះ។

៣. ល្ហិតល្ហៃ

ទន្ទឹមនឹងនេះដែរ អ្នកជំងឺអាចមានអារម្មណ៍មិនស្រួលខ្លួន ព្រមទាំងមានរោគសញ្ញាផ្សេងទៀត ដូចជាគ្រុនក្ដៅ និងគ្រុនរងាធ្ងន់ធ្ងរ ដោយសារតែមានកម្ដៅត្រង់កន្លែងរងគ្រោះ ដែលបណ្ដាលមកពីការឆ្លងមេរោគ និងការរលាក។

៤. ពងស្វាសរីកធំ

នៅដំណាក់កាលក្រោយនៃជំងឺនេះ យើងអាចនឹងសង្កេតឃើញការលូតលាស់នៃពងស្វាស។ បន្ថែមពីនេះ ស្បែកខាងក្រោមលិង្គអាចលឹបចូលក្នុង ដែលធ្វើឲ្យយើងមានអារម្មណ៍ឈឺចាប់ និងក្រហាយ ពីព្រោះព្រូនប៉ារ៉ាស៊ីត (Filaria) បំផ្លាញប្រព័ន្ធទឹករងៃនិងបណ្ដាលឲ្យហើមនៅផ្នែកផ្សេងៗនៃរាងកាយ។

៥. ដើមទ្រូងរីកធំ

ដូចគ្នាទៅនឹងបុរសដែរ ជំងឺជើងធំដូចដំរីអាចប៉ះពាល់ដល់ប្រដាប់បន្តពូជខាងក្រៅចំពោះស្ត្រី និងអាចបណ្ដាលឲ្យមានដំបៅស្បែកនៅចន្លោះភ្លៅ ក៏ដូចជាធ្វើឲ្យសុដន់រីកធំ។ លើសពីនេះ ជំងឺដែលឆ្លងពីសត្វមូសមួយនេះ ក៏អាចបង្កឲ្យមានការលូតលាស់នៃកូនកណ្ដុរ ដោយសារតែការស្ទះលំហូរឈាមនៅក្នុងកូនកណ្ដុរ និងសុដន់ដូចគ្នា៕

អត្ថបទផ្ដល់ដោយ ៖Hello Krupet

ចុចអាន៖គន្លឹះញ៉ាំទុរេនមិនឲ្យឡើងទម្ងន់ ទោះហូបច្រើនកម្រិតណាក៏ដោយ

ចុចអាន៖អង្គុយមុខកុំព្យូទ័រយូរម៉ោងរាល់ថ្ងៃ ធ្វើម៉េចអាច បង្ការបញ្ហារួយកបាន?

Related Topics:ការថែទាំសុខភាព