Connect with us

សុខភាព

ភេសជ្ជៈជំនួយសុខភាពបេះដូង ដែលមិនគួររំលងសោះឡើយ

បានផុស

នៅ

ក្រៅ​ពី​លំហាត់​ប្រាណ ការ​រក្សា​ទម្ងន់​ឲ្យ​បាន​សម​ល្មម និង​អាហារ​ជាក់លាក់​មួយ​ចំនួន​ ភេសជ្ជៈ​​ក៏​អាច​ជួយ​ឲ្យ​ចង្វាក់​បេះដូង​ចុះ​ទាប​ផង​ដែរ។ ជាក់ស្ដែង ការ​សិក្សា​បាន​បង្ហាញ​ថា ភេសជ្ជៈ​ខ្លះ​មិន​ត្រឹម​តែ​អាច​ជួយ​ឲ្យ​ចង្វាក់​បេះដូង​ចុះ​ទាប​ប៉ុណ្ណោះ​ទេ ​ថែម​ទាំង​អាច​ពង្រឹង​សុខភាព​បេះដូង បញ្ចុះ​សម្ពាធ​ឈាម​ និង​កូលេស្តេរូល​ថែម​ទៀត​ផង​។ ដូច្នេះ​ហើយ​ ដើម្បី​ជួយ​ឲ្យ​​មុខងារ​បេះដូង​ដំណើរការ​ប្រក្រតី យើង​មិន​គួរ​រំលង​ភេសជ្ជៈ​ទាំង​ប៉ុន្មាន​មុខ​នេះ​ឡើយ​។

១. តែ​

ពិត​ណាស់ តែ​សម្បូរ​ទៅ​ដោយ​សមាសធាតុ​​ជំនួយ​បេះដូង ដូចជា​Catechins និង Polyphenols ​ដែល​មាន​គុណប្រយោជន៍​ប្រឆាំង​នឹង​ការ​រលាក។ ការ​សិក្សា​មួយ​លើ​មនុស្ស​ចំនួន​៨០ ០០០​នាក់​ក្នុង​រយៈពេល​៦​ឆ្នាំ បាន​រក​ឃើញ​ថា អ្នក​ដែល​ផឹក​តែ​ច្រើន​ជាង​ម្ដង​ក្នុង​មួយ​ខែ​​មាន​ការ​ធ្លាក់​ចុះ​កម្រិត​កូលេស្តេរ៉ូល​​ល្អ ​១%​ប៉ុណ្ណោះ​ក្នុង​មួយ​ឆ្នាំ បើ​ប្រៀបធៀប​ជាមួយ​អ្នក​ដែល​មិន​ផឹក​តែ​សោះ។ អ្នក​ស្រាវជ្រាវ​បាន​សន្មត​ថា​ ការ​ផឹក​តែ​អាច​កាត់បន្ថយ​ហានិភ័យ​នៃ​ជំងឺ​សរសៃ​ឈាម​បេះដូង​បាន​​ដល់​ទៅ៨​%​ ប៉ុន្តែ​​ចាំបាច់​ត្រូវ​សិក្សា​បន្ថែម​ទៀត​អំពី​ផល​ប៉ះពាល់​នៃ​ការ​ផឹក​តែ​ចំពោះ​សុខភាព​បេះដូង។

២. តែ​Matcha

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តែ​ប្រភេទ​នេះ ជា​ម្សៅ​តែ​បៃតង​របស់​ជប៉ុន​ ដែល​អាច​ការពារ​ប្រឆាំង​នឹង​ជំងឺ​បេះដូង​បាន​។ ក្រុម​អ្នក​ស្រាវជ្រាវ​បាន​រក​ឃើញ​ថា តែ​បៃតង​​អាច​ជួយ​កាត់បន្ថយ​ហានិភ័យ​នៃ​ជំងឺ​សរសៃ​ឈាម​​ចំពោះ​បុរស​ ស្រប​ពេល​ដែល​ការ​ផឹក​តែ​បៃតង​ (ច្រើន​ជាង​៣​ពែង​ក្នុង​មួយ​ថ្ងៃ) អាច​កាត់បន្ថយ​ហានិភ័យ​ចំពោះ​ស្ត្រី។

៣. ទឹក​ប៉េងប៉ោះ​ស្រស់​

​​យោង​តាម​ការ​អង្កេត​លើ​អ្នក​ជំងឺ​ជប៉ុន​បាន​រក​ឃើញ​ថា ការ​ផឹក​ទឹក​ប៉េងប៉ោះ​ ដែល​គ្មាន​ជាតិ​អំបិល​​មួយ​ពែង អាច​ធ្វើ​ឲ្យ​សុខភាព​បេះដូង​ប្រសើរ​ឡើង​។ ការ​ស្រាវជ្រាវ​បាន​ណែនាំ​ថា ទឹក​ប៉េងប៉ោះ​អាច​ធ្វើ​ឲ្យ​សម្ពាធ​ឈាម​ Systolic និង​Diastolic ​ដំណើរការ​ល្អ​ ព្រម​ទាំង​ជួយ​បន្ថយ​​កូលេស្តេរ៉ូល lipoprotein ដែល​មាន​ដង់ស៊ីតេ​ទាប​ប្រហែល​៣%​។

៤. ទឹក​ក្រូច​ឆ្មារ​ស្រស់​

ទន្ទឹម​នឹង​នេះ​ដែរ ការ​ញ៉ាំ​ទឹក​ដោយ​បន្ថែម​ផ្លែ​ក្រូច ជា​វិធីសាស្ត្រ​ដ៏​អស្ចារ្យ​ក្នុង​ការ​​បង្កើន​​ការ​ញ៉ាំ​ទឹក ក៏​ដូចជា​ជួយ​ការពារ​បេះដូង​របស់​យើង​។ ផ្លែ​ក្រូច​ឆ្មារសម្បូរ​ទៅ​ដោយ​វីតាមីន​C ​ដែល​អាច​ជួយ​​បង្ការ​ជំងឺ​បេះដូង​ ជួយ​ឲ្យ​កូលេស្តេរ៉ូល​ចុះ​ទាប និង​ពង្រឹង​សម្ពាធ​ឈាម​បាន​យ៉ាង​ល្អ​។

ភេសជ្ជៈ​ដែល​គួរ​ជៀសវាង

ប្រសិនបើ​ចង្វាក់​បេះដូង​យើង​ចេះ​តែ​លោត​ញាប់​ យើង​គួរ​តែ​បញ្ឈប់ ឬ​ជៀសវាង​ផឹក​ភេសជ្ជៈ​ទាំង​នេះ៖

  • ភេសជ្ជៈ​បង្កើន​ថាមពល
  • គ្រឿង​ស្រវឹង
  • ភេសជ្ជៈ​ដែល​មាន​ជាតិ​កាហ្វេអ៊ីន​ច្រើន​ជ្រុល៕

អត្ថបទផ្ដល់ដោយ៖Hello Krupet

ចុចអាន៖ញ៉ាំអាហារហឹរ អាចប៉ះពាល់សុខភាពបេះដូងដែរទេ?

ចុចអាន៖របៀបជ្រើសរើស ប្រភេទអាហារប្រូតេអ៊ីន សម្រាប់សុខភាពបេះដូង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ភ្នំសំពៅ
សន្តិសុខសង្គម៥ ម៉ោង មុន

ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព

លោកវរសេនីយ៍ឯក សំ វិច្ចិកា
សន្តិសុខសង្គម២៣ ម៉ោង មុន

អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ

សេង សារី និង មុត ចន្ថា
នយោបាយ៣ ម៉ោង មុន

មនុស្សស្និទ្ធនឹង កឹម សុខា សង្ស័យលើការសារភាពរបស់លោក សេង សារី

ផ្សារក្រមួន
សន្តិសុខសង្គម៦ ម៉ោង មុន

ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា​ ពិបាកធ្វើដំណើរ

ព័ត៌មានជាតិ១៩ ម៉ោង មុន

អភិបាលរងរាជធានី ស្នើ​ឱ្យ​សមត្ថកិច្ច​ និង​ម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ

Sokha Hotels

ព័ត៌មានពេញនិយម