សហរដ្ឋអាមេរិក ក្លាយជាប្រទេសមានករណីឆ្លងជំងឺអុតស្វា ច្រើនជាងគេបំផុត លើពិភពលោក (មានវីដេអូ)

មជ្ឈមណ្ឌលគ្រប់គ្រង និងបង្ការជំងឺសហរដ្ឋអាមេរិក (CDC) បានរាយការណ៍អំពីការឆ្លងជំងឺអុតស្វាជាង ១០០០ករណី ក្នុងរយៈពេល ២៤ម៉ោងចុងក្រោយ ដោយធ្វើឲ្យសហរដ្ឋអាមេរិក បំណែកកំណត់ត្រា ជាប្រទេសមានការឆ្លងជំងឺអុតស្វប្រចាំថ្ងៃ ខ្ពស់ជាងគេបំផុតលើពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

CDC បានបញ្ជាក់ពីការឆ្លងថ្មីចំនួន ១០៤៨ករណីកាលពីថ្ងៃពុធទី២៧ខែកក្កដា ដែលនាំឲ្យចំនួនករណីឆ្លងសរុបទូទាំងប្រទេស កើនឡើងដល់ ៤៦៣៩ករណី។

រហូតមកដល់ពេលនេះ ការឆ្លងជំងឹអុតស្វាជាង ១៨ ០០០ករណីត្រូវបានគេប្រទះឃើញនៅទូទាំង ៧៥ប្រទេស ខណៈដែល អេស្ប៉ាញឥឡូវនេះ កំពុងឈរនៅលេខរៀងទី ២ ដោយមានការឆ្លង ៣៧៣៨ករណី។

ការរកឃើញជំងឺអុតស្វាដ៏ច្រើននៅសហរដ្ឋអាមេរិក គឺដោយសារការកើនឡើងនៃសមត្ថភាពធ្វើតេស្ត ដែលនាពេលថ្មីៗនេះ បានធ្វើតេស្តលើមនុស្សពី ១០ ០០០ ទៅ ៨០ ០០០នាក់ក្នុងមួយសប្តាហ៍។

ទោះបីជាយ៉ាងណាក៏ដោយ ថ្វីបើមានការរីករាលដាលខ្លាំងក៏ដោយ ប៉ុន្តែអត្រានៃការឆ្លងជំងឺអុតស្វារបស់សហរដ្ឋអាមេរិក នៅតែទាបជាងប្រទេសផ្សេងទៀតដែលកំពុងមានការផ្ទុះឡើង ពោលគឺនៅអាមេរិក មានការកើនឡើងប្រហែល ១ ក្នុង ១០០ ០០០ករណី។

ទន្ទឹមនឹងនេះដែរ ប្រទេសអេស្ប៉ាញបានរាយការណ៍អំពីអត្រាឆ្លង ៧ ក្នុង ១០០ ០០០ករណី ខណៈអាល្លឺម៉ង់ និងចក្រភពអង់គ្លេស មាន ៣ ក្នុង ១០០ ០០០ករណី។

បច្ចុប្បន្ន ញូវយ៉ក គឺជាចំណុចផ្ទុះខ្លាំងបំផុតរបស់សហរដ្ឋអាមេរិក ដោយមានករណីសរុប ១២២៨ បន្ទាប់គឺ កាលីហ្វ័រញ៉ា ដែលបានបញ្ជាក់ការឆ្លងចំនួន ៧៩៩ករណី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ជំងឺអុតស្វាកំពុងវាយលុកខ្លាំង WHO ណែនាំចំណុចសំខាន់ៗ ដើម្បីកាត់បន្ថយការឆ្លង