អេស្ប៉ាញ មានអ្នកស្លាប់ម្នាក់ទៀតហើយ ដោយសារ ជំងឺអុតស្វា (មានវីដេអូ)

ប្រទេសអេស្ប៉ាញ បានបញ្ជាក់ពីការស្លាប់ទីពីររបស់ខ្លួន ដោយសារជំងឺអុតស្វា ខណៈចំនួនករណីឆ្លងទូទាំងពិភពលោក នៅតែបន្តកើនឡើង និងមានរយៈពេលប៉ុន្មានថ្ងៃ បន្ទាប់ពីអង្គការសុខភាពពិភពលោក បានប្រកាសការរាតត្បាតនៃជំងឺនេះថាជា ភាពអាសន្នសុខភាពសកល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលអេស្ប៉ាញ បានបញ្ជាក់ពីអ្នកស្លាប់កាលពីថ្ងៃអាទិត្យទី៣១ខែកក្កដា ខណៈចំនួននៃករណីឆ្លង បានកើនឡើងដល់ ៤២៩៨ករណី ធ្វើឲ្យខ្លួនក្លាយជាប្រទេសមានការឆ្លងមេរោគអុតស្វាច្រើនលំដាប់ទី២លើពិភពលោក បន្ទាប់ពីសហរដ្ឋអាមេរិក។

ទីក្រុងចំនួន២របស់អេស្ប៉ាញ ដែលមានករណីឆ្លងច្រើនបំផុតគឺ Madrid មាន១៦៥៦ករណី និង Catalunya មាន ១៤០៦ករណី។

យ៉ាងតិចមានអ្នកផ្ទុកជំងឺ អុតស្វា ១២០នាក់ តម្រូវឲ្យសម្រាកព្យាបាលនៅមន្ទីរពេទ្យ ក្នុងប្រទេសអេស្ប៉ាញ ពោលគឺស្មើ ៣,២ភាគរយនៃករណីសរុប ខណៈអ្នកជំនាញម្នាក់បានព្រមានថា អាចមានការស្លាប់បន្ថែមទៀត។

គួរបញ្ជាក់ថា ព័ត៌មាននៃការស្លាប់នេះកើតឡើង បន្ទាប់ពីបុរសវ័យកណ្តាលម្នាក់មកពីទីក្រុង Alicante ក្នុងតំបន់ Valencia បានក្លាយជាអ្នកស្លាប់ដំបូងគេដោយសារជំងឺអុតស្វានៅអឺរ៉ុបកាលពីថ្ងៃសុក្រ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទីបំផុត អឺរ៉ុប មានអ្នកស្លាប់ទី១ ដោយសារជំងឺអុតស្វា