អ្វីទៅជា​​ការបែកទឹកភ្លោះមុន​សម្រាល​នៅត្រីមាសទី១ និងទី៣

ការបែកទឹកភ្លោះមុនសម្រាល ជាការបែកទឹកភ្លោះមុនពេលដែលស្រ្តីឈឺពោះ។ ការបែកទឹក​ភ្លោះជា​បញ្ហា​ដែល​ជួប​ញឹកញាប់​ ​។

ក) មូលហេតុ អាចបណ្តាលមកពី៖
  – ការឆ្លងមេរោគពេលពពោះ
  – ទឹកភ្លោះច្រើន
  – កូនភ្លោះ ឬកូនច្រើន

ខ) ការបែកទឹកភ្លោះមានផលវិបាក ទៅតាមអាយុនៃគ៌ភ៖
  – ការបែកទឹកភ្លោះ មុនពេលគ៌ភគ្រប់ខែ(មុន ៣៧ អាទិត្យ)
  – ការបែកទឹកភ្លោះ ពេលគ៌ភគ្រប់ខែ(ក្រោយ ៣៧ អាទិត្យ)

គ) ការព្យាបាល៖
ការព្យាបាល និងការថែទាំ គឺប្រែប្រួលទៅតាមអាយុនៃគ៌ភនៅពេលបែកទឹកភ្លោះ។ ថ្ងៃនេះយើងនឹងធ្វើការបង្ហាញជូន វគ្គទី១ អំពីការបែកទឹកភ្លោះ មុនពេលគ៌ភគ្រប់ខែ(ចន្លោះ ២៤-៣៤អាទិត្យ)៖
  – ស្រ្តីត្រូវសម្រាកពេទ្យ និងត្រូវធ្វើការតាមដានដោយក្រុមគ្រូពេទ្យជំនាញ
  – ការប្រើប្រាស់ថ្នាំរយៈពេលខ្លី (គ្រប់ករណី និងភ្លាមៗ)ដើម្បីបន្ថយការចម្លងរោគទៅលើម្តាយនិងកូន
  – ការប្រើប្រាស់ថ្នាំដើម្បីជំនួយសួតកូន
  – ការប្រើប្រាស់ថ្នាំកុំឲ្យស្បូនកន្ត្រាត់ ទុកពេល​វេលា​ឲ្យថ្នាំជំនួយសួតកូនមាន​ប្រសិទ្ធិភាព​
ចំណាំ៖ ៥០% នៃស្រ្តីនឹងសម្រាលកូនក្នុងរយៈពេលយ៉ាងយូរ មួយអាទិត្យ។

ប្រសិនបើ បងប្អូនស្ត្រីៗ មានការបែកទឹកភ្លោះ និងមានការធ្លាក់ឈាម សូមអញ្ជើញមកពិគ្រោះជាមួយ​ក្រុម​គ្រូពេទ្យឯកទេសនៃមន្ទីរពេទ្យកាល់ម៉ែត ស្វែងរកមូលហេតុនិងព្យាបាលឲ្យបានត្រឹមត្រូវ៕

អត្ថបទ ៖ រស្មី