សុខៗសំឡេងប្រែជាស្អក អាចបង្កបញ្ហាធ្ងន់ធ្ងរដែររឺទេ?

សំឡេងស្អក គឺជាការផ្លាស់ប្ដូរសំឡេងខុសប្រក្រតីដែលបណ្ដាលមកពីលក្ខខណ្ឌផ្សេងៗ។ សំឡេងត្រូវបានផ្លាស់ប្ដូរទៅជាគ្រលរ លឺខ្សាវៗ រឺ ត្បៀត (in pitch and volume, ranging from a deep, harsh voice to a weak, raspy) ។

ក) មូលហេតុអ្វីខ្លះដែលបណ្តាលឲ្យសំឡេងស្អក?
សំឡេងស្អក អាចបណ្ដាលមកពីកត្តាមួយចំនួន ក្នុងនោះភាគច្រើនបណ្ដាលមកពីការរលាកបំពង់សំឡេងស្រួចស្រាវ (inflammatory of vocal cords) ការបង្ករោគដោយការរលាកផ្លូវដង្ហើមខាងលើ (upper respiratory tract infection) និង មួយចំនួនទៀតបណ្ដាលមកពីការប្រើប្រាស់សំឡេងច្រើន។

មូលហេតុផ្សេងៗទៀតមានដូចជា៖
   – ដុំពក រឺ គីស នៅនឹងបំពង់សំឡេង (benign vocal cord nodules, cysts or polyps)
   – ការច្រាលជាតិអាស៊ីតក្រពះ (gastroesophageal reflux GERD)
   – អាឡ័កហ្ស៊ី
   – ការហឺតចូលនូវសារជាតិគីមី
   – ការជក់បារី
   – ជំងឺពកក
   – ការគ្រោះថ្នាក់ចំបំពង់សំឡេង
   – វិបត្តប្រពន័្ធប្រសាទ (Parkinson’s disease and Stroke)
   – ដុំមហារីកបំពង់សំលេង (cancer of larynx)

ខ) ការធ្វើរោគវិនិច្ឆ័យ៖
ពិនិត្យបំពង់សំឡេងដោយប្រើកាម៉េរ៉ាដែលមានទំហំតូច ទន់ អាចបត់បែនបានមិនមានការឈឺចាប់។ ក្នុងករណីអ្នកជំងឺមានបញ្ហាសំឡេងស្អក លើសពី២ – ៣សប្ដាហ៍ ត្រូវប្រញាប់រូតរះមកពិគ្រោះនិងពិនិត្យជាមួយគ្រូពេទ្យឯកទេសត្រចៀក ច្រមុះ និងបំពង់ក ដើម្បីទទួលការព្យាបាលឲ្យទាន់ពេលវេលា។

គ) ការព្យាបាល៖
ការព្យាបាលត្រូវផ្អែកលើកត្តាបង្កដូចជា៖
   – ការរលាកបំពង់សំលេងស្រួចស្រាវដែលបណ្ដាលមកពីការរលាកផ្លូវដង្ហើមផ្នែកខាងលើត្រូវព្យាបាល
   – ហាមប្រើប្រាស់សំឡេងច្រើន
   – ថ្នាំផ្សះត្រូវហាមប្រើក្នុងករណីរលាកបំពង់សំឡេងស្រួចស្រាវបង្កដោយវីរុស
   – ហាមជក់បារី
   – ចំពោះអ្នកជំងឺមានអាជីពប្រើសំលេងត្រូវផ្អាកមួយរយៈ
   – បើមានបញ្ហារលាកក្រពះ រឺ ច្រាលជាតិអាស៊ីតត្រូវព្យាបាលភ្លាម
   – ក្នុងករណីខ្លះត្រូវធ្វើការព្យាលដោយវះកាត់

ឃ) វិធីការពារ៖
   – ហាមប្រើសំឡេងខ្លាំងៗ បើចាំបាច់ត្រូវប្រើមីក្រូហ្វូនជំនួយ
   – ហាមជក់បារី
   – ការព្យាបាលដោយសំឡេង និងលំហាត់សំឡេង ដោយគ្រូពេទ្យផ្នែកសំឡេងជាការចាំបាច់ចំពោះអ្នកជំងឺមួយចំនួន
   – អ្នកជំងឺស្អកបណ្ដាលមកពីការច្រាលជាតិអាស៊ីតអាចព្យាបាលដោយថ្នាំនិងការតមអាហារមួយចំនួនដូចជា ការពិសារជាតិអាល់កុល កាហ្វេ និងអាហារមានជាតិហឹរ។
“ ដូច្នេះបើលោកអ្នកមានបញ្ហាទាក់ទងនឹងសំលេង សូមអញ្ជើញមកទទូលការពិនិត្យ ពិគ្រោះ និងព្យាបាលឲ្យបានទាន់ពេលវេលា ជាមួយវេជ្ជបណ្ឌិតឯកទេសផ្នែកត្រចៀក ច្រមុះ បំពង់ក នៃមន្ទីរពេទ្យកាល់ម៉ែត ដែលមានបំពាក់នូវឧបករណ៍ថតឆ្លុះបំពង់សំឡេងយ៉ាងទំនើបនិងមិនមានការឈឺចាប់៕

អត្ថបទ៖ រស្មី

ចុចអាន៖ សារៈសំខាន់​នៃ​ការថែទាំព្យាបាល​មាត់​ធ្មេញ​ សម្រាប់​អ្នកជំងឺ​ទទួល​ការ​ព្យាបាល​ជំងឺ​មហារីក

ចុចអាន៖ ប្រុសៗ​ខ្លះជួប​បញ្ហា​​ដោះរីកធំ តើមកពីមូលហេតុអ្វី?​