ជំងឺរលាកសួតដ៏អាថ៌កំបាំង កំពុងផ្ទុះឡើងគួរឲ្យព្រួយបារម្ភ នៅ អាហ្សង់ទីន

មនុស្សចំនួន៣នាក់បានស្លាប់ ដោយសារជំងឺរលាកសួតដ៏អាថ៌កំបាំង នៅក្នុងប្រទេសអាហ្សង់ទីន ដែលនាំឲ្យមានការភ័យខ្លាចកាន់តែខ្លាំងអំពីការផ្ទុះឡើងនៃមេរោគថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសុខាភិបាលក្នុងប្រទេសអាមេរិកខាងត្បូងមួយនេះ បាននិយាយថា មនុស្សចំនួន៦នាក់ផ្សេងទៀត​ បានឆ្លងមេរោគរលាកសួត ដែលគេមិនស្គាល់ប្រភព។

ករណីទាំងនេះ គឺស្ថិតក្នុងចំណោមបុគ្គលិកសុខាភិបាល៨នាក់ និងអ្នកជំងឺ ICU ម្នាក់ ដែលកំពុងព្យាបាលនៅមន្ទីរពេទ្យឯកជនមួយក្នុងទីក្រុង Tucumán។

អ្នកជំងឺ៦នាក់ដំបូង ចាប់ផ្តើមចេញរោគសញ្ញានៅចន្លោះថ្ងៃទី១៨ ដល់ថ្ងៃទី២២ខែសីហា។

លោក Luis Medina Ruiz រដ្ឋមន្រ្តីក្រសួងសុខាភិបាលទីក្រុង Tucumán បានប្រាប់ប្រព័ន្ធផ្សព្វផ្សាយក្នុងស្រុកថា “អ្វីដែលអ្នកជំងឺទាំងនេះជួបប្រទះដូចគ្នាគឺ ស្ថានភាពផ្លូវដង្ហើមធ្ងន់ធ្ងរ ហើយសួតត្រូវរលាកដូចជាជំងឺកូវីដ១៩ដែរ”។ លោក​បន្ត​ថា អ្នកជំងឺ​ត្រូវ​បាន​គេ​ធ្វើ​តេស្ដ​រក​មេរោគ​ជាង៣០ ដែល​រួម​មានទាំងកូវីដ ផ្តាសាយ គ្រុន​ផ្តាសាយ​ទាំង​ប្រភេទ A និង B ផងដែរ ប៉ុន្តែលទ្ធផលចេញមកសុទ្ធតែ​អវិជ្ជមាន។

ទោះបីជាយ៉ាងណាក៏ដោយ សំណាកត្រូវបានបញ្ជូនទៅមន្ទីរពិសោធន៍ និងវិទ្យាស្ថានសុខភាពជាតិរបស់ប្រទេសអាហ្សង់ទីន ដើម្បីធ្វើការវិភាគបន្ថែម។

មន្ទីរពេទ្យ​ត្រូវ​បាន​បិទ​ទ្វារ ហើយ​ទំនាក់ទំនង​អ្នក​ជំងឺ ​កំពុង​ត្រូវ​បាន​គេ​តាម​ដាន និង​នៅ​ដាច់​ដោយ​ឡែក៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ក្មេងប្រុសអាយុ ៥ ខែម្នាក់ មានជំងឺរលាកសួត និងមេរោគជ្រាបចូលក្នុងឈាម