សុខភាព

រដូវភ្លៀងធ្លាក់ ប្រយ័ត្នជំងឺ ៥ នេះ អាចកើតមានញឹកញាប់លើរាងកាយ

បានផុស

៣ years មុន

នៅ

ថ្ងៃពុធ ១៤ កញ្ញា ២០២២

ដោយ

ពេលភ្លៀងធ្លាក់ខ្លាំងរាល់ថ្ងៃបែបនេះ អាចនឹងមានជំងឺខ្លះៗមកជាមួយទឹកភ្លៀង។ ជាពិសេសអ្នកគួរប្រុងប្រយ័ត្នឲ្យមែនហើយត្រូវចេះការពារខ្លួនផងដែរ។ ជាពិសេសសម្រាប់ក្រុមគ្រួសារ ឬកូនតូចៗ អ្នកមិនគួរធ្វេសប្រហែសនាំឲ្យពួកគេទៅជាឈឺក្នុងរដូវវស្សាមានភ្លៀងធ្លាក់ជោគជាំបែបនេះនេះទេ។

ខាងក្រោមនេះ ជាជំងឺដែលត្រូវតែសង្គេតនិងមើលឲ្យបានល្អិតល្អន់បំផុត ចៀសវាងនាំឈឺធ្ងន់ខាតលុយកាក់។

១ គ្រុនផ្ដាសាយ

វាជាជំងឺទូទៅក្នុងរដូវវស្សាបណ្តាលមកពីការឆ្លងមេរោគដែលអាចកើតមានច្រើនប្រភេទ។ ជាធម្មតា អ្នកជំងឺមានគ្រុនក្តៅទាប ហៀរសំបោរ ក្អក និងឈឺបំពង់ក។ រោគសញ្ញាភាគច្រើននឹងប្រសើរឡើងដោយខ្លួនឯង ក្នុងរយៈពេល ២-៣ ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ គ្រុនឈាម

បង្កឡើងដោយការឆ្លងមេរោគ Influenza ដែលមានច្រើនប្រភេទ។ ជារឿយៗមានគ្រុនក្ដៅខ្លាំង ឈឺខ្លួន អស់កម្លាំង ក្អក និងហៀរសំបោរ ឈឺក្បាលជាដើម។

៣ គ្រុនចាញ់

វាជាជំងឺដែលដឹកនាំដោយមូស Aedes។ អ្នកជំងឺនឹងមានគ្រុនក្តៅខ្លាំងរយៈពេល ២-៧ ថ្ងៃ ឈឺខ្លួន ឈឺក្បាល ជាំលើស្បែក និងក្រពះថែមទៀតផង។ បើទុកមិនព្យាបាល អាចនាំឲ្យឈឺធ្ងន់ឈានដល់ស្លាប់មិនខាន។

៤ ជំងឺ leptospirosis

កើតឡើងនៅតំបន់ទឹកជំនន់ នឹងឈឺក្បាល ក្តៅខ្លួនខ្លាំង ភ្នែកក្រហម ចង្អោរ និងក្អួត ឈឺរាងកាយ ជាពិសេសខ្នង កំភួនជើង និងក។ ជៀសវាងការដើរនៅកន្លែងដែលមានទឹកច្រើន ឬមានឧបករណ៍ការពារសមរម្យ។

៥ ជំងឺភ្នែកក្រហម

បណ្ដាលមកពីមេរោគដែលមាននៅក្នុងទឹកកខ្វក់។ ប៉ះភ្នែកពីការត្រដុសភ្នែក ឬការហៀរទឹកបណ្តាលឲ្យរមាស់ឬក្រហម។

វិធីការពារជំងឺក្នុងរដូវវស្សា

-ព្យាយាមមិនឲ្យត្រូវភ្លៀង
-ប្រសិនបើត្រូវទឹកភ្លៀងឬសើមខ្លួន កុំទុករាងកាយឲ្យសើមរយៈពេលយូរ កុំទៅកន្លែងដែលមានខ្យល់ត្រជាក់ខ្លាំង ដូចជាបន្ទប់ម៉ាស៊ីនត្រជាក់ ព្រោះវាអាចធ្វើឲ្យត្រជាក់កាន់តែងាយស្រួល។

-មិនចាំបាច់ប្រើថ្នាំប៉ារ៉ាសេតាមុលទេ ឬថ្នាំប្រឆាំងនឹងអ៊ីស្តាមីនណាមួយប្រសិនបើមិនមានរោគសញ្ញា

-នៅពេលដែលរាងកាយសើម គួរប្រញាប់ផ្លាស់ប្តូរសម្លៀកបំពាក់ ងូតទឹកកក់សក់ ទុកឲ្យយសក់ស្ងួតភ្លាមៗពេលមកដល់ផ្ទះ។

-ចាក់វ៉ាក់សាំងការពារជំងឺគ្រុនផ្តាសាយជារៀងរាល់ឆ្នាំ៕

ប្រែសម្រួល៖ សាង ស្រីល័ក្ខ

ចុចអាន៖គន្លឹះ៥ យ៉ាង បញ្ចៀសបញ្ហាអាឡ័កស៊ី កើតលើ កុមារ

ចុចអាន៖៤ វិធី ការពារទឹកហូរចូលផ្ទះ ក្នុងរដូវវស្សានេះ