សុខភាព

ជំងឺថប់បារម្ភដែលឧស្សាហ៍ជួបប្រទះ អាចព្យាបាលបាន

បានផុស

៥ years មុន

នៅ

ថ្ងៃអាទិត្យ ២ សីហា ២០២០

ដោយ

សាង ស្រីល័ក្ខ

១) អ្វីជាជំងឺថប់បារម្ភ?
ពាក្យថា “ថប់បារម្ភ” មានន័យថាមានអារម្មណ៍ធុញថប់ ព្រួយបារម្ភ ឬភ័យខ្លាច។

អាការៈថប់បារម្ភ អាចស្ដែងចេញដូចជា ឧស្សាហ៍ញ័រទ្រូង ញ័រដៃ អួលដើមក បែកញើស ទន់ដៃទន់ជើង អស់កម្លាំង តឹងក្បាល តឹងកញ្ចឹងក ចុករោយសាច់ដុំ ស្ងួតមាត់ ចេះតែចង់បត់ជើង មានអារម្មណ៍មិនស្រួលក្នុងខ្លួន ខ្លាចថាគាំងបេះដូង ខ្លាចទៅជាឆ្កួត ជាដើម។ ជំងឺថប់បារម្ភ ជាចង្កោម នៃជំងឺជាច្រើនដូចជា ជំងឺស្រឺត ជំងឺអាកូរ៉ាហ្វូបៀ ជំងឺថប់បារម្ភសង្គម និងជំងឺថប់បារម្ភទូទៅជាដើម។

២) ការវិវត្តន៍ និង ផលវិបាក ៖
ជំងឺថប់បារម្ភ ច្រើនមានលក្ខណៈរ៉ាំរ៉ៃ បើមិនព្យាបាល គឺវាអាចនៅបន្តដល់រាប់ឆ្នាំ ឬ សឹងមួយជីវិតក៏មាន ដែលរំខានជាខ្លាំងដល់កិច្ចការប្រចាំថ្ងៃ ហើយក្នុងករណីខ្លះ អ្នកជំងឺអាចទៅជាឧស្សាហ៍ធ្វើទុក្ខក្នុងខ្លួន ទៅជាអស់សង្ឃឹមលែងចង់រស់ ឬទៅប្រើប្រាស់ថ្នាំងងុយគេង ស្រា និងគ្រឿងញៀន នាំឲ្យកាន់តែប៉ះពាល់ដល់សុខភាពថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣) ការព្យាបាល ៖
យ៉ាងណាក៏ដោយ ជំងឺថប់បារម្ភអាចព្យាបាលជាសះស្បើយដោយប្រើប្រាស់ឱសថ និងការព្យាបាលចិត្តសាស្ត្រពីសំណាក់ក្រុមវេជ្ជបណ្ឌិតឯកទេស។

សារផ្ដាំផ្ញើ ៖
សូមចងចាំថា ការមានជំងឺថប់បារម្ភ មិនមែនបានន័យថាអ្នកទន់ខ្សោយ មិនចេះគ្រប់គ្រងចិត្តខ្លួនឯង ឬចរិតមានបញ្ហានោះទេ។ វាជាជំងឺដែលគេឧស្សាហ៍ជួបប្រទះ ដូចគ្នានឹងជំងឺលើសឈាម ទឹកនោមផ្អែម ឬរលាកសន្លាក់ដែរ។ អ្វីដែលល្អ គឺមានការព្យាបាលប្រកបដោយប្រសិទ្ធភាពសម្រាប់ជំងឺថប់បារម្ភ។

ប្រសិនបើ លោក លោកស្រី សង្ស័យថា លោក លោកស្រី ឬមនុស្សដែលលោក លោកស្រីស្គាល់ មានជំងឺថប់បារម្ភ សូមអញ្ជើញមកទទួលការពិគ្រោះ និងព្យាបាល ដោយក្រុមវេជ្ជបណ្ឌិតឯកទេសនៅមន្ទីរពេទ្យកាល់ម៉ែត៕
អត្ថបទ ៖ រស្មី

ចុចអាន៖ធ្លាក់ឈាមក្រោយសម្រាល អាចនាំឲ្យស្ត្រីបាត់បង់ជីវិតឬគ្មានកូននៅពេលក្រោយ

ចុចអាន៖ឧស្សាហ៍គេងភ្ញាក់ទាំងកណ្ដាលយប់ មកពីមូលហេតុទាំង ៦ នេះ