សុខភាព

តើពិតទេ? ញ៉ាំស្ករច្រើនពេក ប្រឈមនឹងភាពចាស់លឿន

បានផុស

២ years មុន

នៅ

ថ្ងៃអង្គារ ១ វិច្ឆិកា ២០២២

ដោយ

ក្រៅពីស្ករច្រើនពេក វាគឺជាសត្រូវរបស់រាងកាយក្នុងការបន្ថែមខ្លាញ់ក្រាស់នៅជុំវិញចង្កេះ ភ្លៅ ត្រគាក និងបង្កើន ហានិភ័យនៃជំងឺទឹកនោមផ្អែម និងជំងឺដ៏គ្រោះថ្នាក់ផ្សេងៗ ក៏ដូចជាសម្រស់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យពីរដ្ឋបាលចំណីអាហារ និងឱសថ (FDA) បង្ហាញថា ស្ករគឺជាសារធាតុដ៏ពេញនិយម ដែលប្រើក្នុងអាហារ និងភេសជ្ជៈ។ វាមិនត្រឹមតែបង្កើនហានិភ័យនៃជំងឺរ៉ាំរ៉ៃដូចជាជំងឺធាត់ ជំងឺទឹកនោមផ្អែម និងជំងឺសរសៃឈាមបេះដូង ប៉ុន្តែវាក៏ត្រូវបានផ្សារភ្ជាប់ជាមួយនឹងភាពចាស់ មុនអាយុដូចគ្នា។

ស្ករដែលប្រើប្រាស់ នឹងត្រូវបំបែកទៅជាឯកតាតូចៗ និងស្រូបចូលទៅក្នុងចរន្តឈាមយ៉ាងឆាប់រហ័ស ជាតិស្ករក្នុងឈាមទាំងនេះអាចភ្ជាប់ទៅនឹងប្រូតេអ៊ីន elastin និង collagen ។ ការបង្កើតសមាសធាតុដែលហៅថា Advanced glycation end products ឬ AGEs ដែលនាំឲ្យមានការថយចុះនៃប្រូតេអ៊ីន elastin និង collagen កាត់បន្ថយការបត់បែននៃស្បែក ការយារធ្លាក់ចុះលឿន។

ជាទូទៅ នៅពេលដែលយើងកាន់តែចាស់ ការប្រមូលផ្តុំ AGEs នៅក្នុងស្បែកក៏កើនឡើងផងដែរ។ ប៉ុន្តែការទទួលទានអាហារដែលមានជាតិស្ករខ្ពស់ អាចជំរុញដំណើរការបែបនេះឲ្យកើតឡើងលឿន និងច្រើនទៀត បណ្តាលឲ្យមានស្នាមជ្រីវជ្រួញ និងភាពចាស់មុនអាយុ។ ដូច្នេះគួរទទួលទានស្ករក្នុងបរិមាណត្រឹមត្រូវ ខណៈអង្គការសុខភាពពិភពលោកបានណែនាំថា បរិមាណស្ករដែលអ្នកគួរទទួលទានគឺមិនលើសពី ៦ ស្លាបព្រាក្នុងមួយថ្ងៃ។

វិធីងាយៗដើម្បីកាត់បន្ថយការប្រើប្រាស់ស្ករ

-កាត់បន្ថយការទទួលទានភេសជ្ជៈដែលមានជាតិស្ករច្រើន ជាគ្រឿងផ្សំ ដូចជាតែ កាហ្វេដែលមានជាតិស្ករ សូកូឡា កាកាវ ទឹកដោះគោក្រឡុក តែទឹកដោះគោ តែពពុះ ភេសជ្ជៈផ្អែមផ្សេងៗ រួមទាំងទឹកផ្លែឈើផងដែរ និងភេសជ្ជៈ។

-កាត់បន្ថយការទទួលទានអាហារសម្រន់ នំប៊ីសស្ទីន ដែលមានជាតិស្ករខ្ពស់។

-ទទួលទានផ្លែឈើ និងបន្លែឲ្យបានច្រើន។ ប៉ុន្តែត្រូវប្រយ័ត្នចំពោះផ្លែឈើ ដែលមានជាតិ ស្ករខ្ពស់។ មិនគួរទទួលទានច្រើនពេកទេ ដូចជា ស្វាយទុំ ធុរេន សាវម៉ាវ ខ្នុរ ផ្លែខ្នុរ ល្ង៕

ប្រែសម្រួល៖ សាង ស្រីល័ក្ខ

ចុចអាន៖ដុកទ័រថា អាហារ ៤ មុខនេះ នឹងបញ្ឈប់ប្រព័ន្ធដុតបំផ្លាញជាតិខ្លាញ់ភ្លាមៗ

ចុចអាន៖៨ យ៉ាងពីការផឹកកាហ្វេ បានទាំងអត្ថប្រយោជន៍ និងមិនប៉ះពាល់ដល់រាងកាយ