សុខភាព
តែបៃតងផ្ដល់សុខភាព តែបើផឹក៤ពេលនេះ អាចបង្កជាគ្រោះថ្នាក់
យើងដឹងហើយថា ការញ៉ាំតែបៃតងផ្ដល់នូវអត្ថប្រយោជន៍ជាច្រើនដល់សុខភាពទាំងមូល មិនថាស្បែក ឬសក់របស់យើងនោះទេ ប៉ុន្តែការញ៉ាំតែបៃតងខុសពេលវេលា វាមិនត្រឹមតែមិនផ្ដល់ផលល្អដល់យើងប៉ុណ្ណោះទេ វាបែរជាបង្កគ្រោះថ្នាក់ដល់សុខភាពរបស់យើងទៅវិញ។ តើគ្នាយើងដឹងទេថា ពេលវេលាណាខ្លះដែលយើងមិនគួរញ៉ាំតែបៃតង?
១. មុនពេលចូលគេង
នៅក្នុងករណីដែលយើងមានបញ្ហាដំណេក ការញ៉ាំតែបៃតងកៀកម៉ោងគេង គឺមិនមែនជាជម្រើសត្រឹមត្រូវឡើយ។ ទោះបីជាតែបៃតង មានសារធាតុរំងាប់អារម្មណ៍បានល្អ ប៉ុន្តែវាមិនអាចធ្វើឲ្យយើងគេងលក់ស្រួលនោះទេ ដោយសារតែវាមានជាតិកាហ្វេអ៊ីន និងអាចបញ្ចេញអ័រម៉ូនមេឡាតូនីន (Melatonin) ដែលកត្តានេះគឺជាហេតុធ្វើឲ្យយើងមិនអាចគេងលក់ស្កប់ស្កល់ពេញមួយយប់ផងដែរ។

២. ញ៉ាំនៅពេលព្រឹកព្រលឹមមុនអាហារផ្សេងៗ
មានគ្នាយើងខ្លះជឿថា ការញ៉ាំតែបៃតងនៅពេលពោះទទេ នឹងអាចចាប់ផ្ដើមការធ្វើមេតាប៉ូលីសបានល្អ ប៉ុន្តែវាមិនដូចជាអ្វីដែលយើងគិតនោះទេ។ សារធាតុប្រឆាំងអុកស៊ីតកម្ម និងប៉ូលីហ្វេណុល ដែលមាននៅក្នុងតែបៃតង នឹងបង្កើនការផលិតអាស៊ីដក្រពះ ដែលអាចធ្វើឲ្យយើងកើតមានអាការៈឈឺពោះថែមទៀតផង។

៣. ក្រោយញ៉ាំថ្នាំភ្លាមៗ
ប្រសិនបើគ្នាយើងមួយចំនួនមានទម្លាប់លេបថ្នាំជាមួយនឹងតែបៃតង ចូរបញ្ឈប់ជាបន្ទាន់។ ការញ៉ាំតែបៃតងជាមួយ ឬក្រោយពេលញ៉ាំថ្នាំហើយភ្លាមៗ វាអាចបង្កគ្រោះថ្នាក់ដល់យើងបានផងដែរ។ សារធាតុគីមីដែលមាននៅក្នុងថ្នាំ អាចនឹងមានប្រតិកម្មជាមួយនឹងតែបៃតង ដែលអាចបង្កឲ្យមានជាតិអាស៊ីដនៅក្នុងរាងកាយរបស់យើងកាន់តែច្រើនឡើង។

៤. ញ៉ាំជាមួយអាហារ ឬក្រោយញ៉ាំអាហារភ្លាមៗ
ថ្វីត្បិតតែបៃតង ជួយបង្កើនការរំលាយអាហារក៏ពិតមែន ប៉ុន្តែប្រសិនបើយើងញ៉ាំតែបៃតងជាមួយ ឬក្រោយញ៉ាំអាហារហើយភ្លាមៗ វាអាចកាត់បន្ថយនូវការស្រូបយកសារធាតុចិញ្ចឹមពីអាហារ ដែលកត្តានេះ អាចបង្កើតជាកង្វះសារធាតុចិញ្ចឹមនៅក្នុងរយៈពេលវែងផងដែរ។ ហេតុនេះហើយ ចូរញ៉ាំតែបៃតងយ៉ាងហោចណាស់មួយម៉ោងក្រោយញ៉ាំអាហារ ទើបជាការប្រសើរ៕
អត្ថបទផ្ដល់សិទ្ធិដោយ៖ Hellokrupet

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ