សុខភាព

តើពិតឬអត់? ការទទួលទានស៊ុត បង្កឲ្យមានស្នាមលើរបួស?

បានផុស

២ years មុន

នៅ

ថ្ងៃពុធ ២១ ធ្នូ ២០២២

ដោយ

ប្រាដកជាមានមនុស្សជាច្រើនជឿនិងធ្លាប់បានឮវាពីមុនមកថា ការបរិភោគស៊ុតបន្ទាប់ពីរបួសឬថ្មីៗនេះបានធ្វើការវះកាត់នឹងបង្កឲ្យមានស្នាមឬរបួសកាន់តែប៉ោង មិនរលោងស្អាត តើជំនឿនេះជាការពិតទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតស៊ុតមានផ្ទុកប្រូតេអ៊ីនដែលជួយពង្រឹងសារពាង្គកាយក្នុងខ្លួនឲ្យកាន់តែរឹងមាំ ព្រមទាំងបង្កើតជាលិកា និងជាធាតុផ្សំនៃកោសិកាឈាមក្រហម នាំអុកស៊ីសែនទៅចិញ្ចឹមផ្នែកផ្សេងៗ នៃរាងកាយផងដែរ។ ដូច្នេះប្រសិនបើយើងរងរបួស ជាលិកាស្បែកត្រូវបានបំផ្លាញ។ អ្នកត្រូវញ៉ាំប្រូតេអ៊ីន ដើម្បីពង្រឹងជាលិកាឲ្យឆាប់ជាសះស្បើយ។

មានរបួសមិនញ៉ាំស៊ុត? ជំនឿនេះមិនពិតទាល់តែសោះ។ ការបរិភោគស៊ុតមិនបណ្ដាលឲ្យមានស្នាម ដំបៅ ឬខ្ទុះឡើយ ។ ប៉ុន្តែក៏នឹងធ្វើឲ្យមុខរបួសឆាប់ជាសះស្បើយផងដែរ

ស្នាមសង្វារបណ្តាលមកពីអ្វី? មូលហេតុដែលនាំឲ្យមានស្នាមមិនទាន់ត្រូវបានគេពន្យល់ច្បាស់លាស់នៅឡើយទេ។ ប៉ុន្តែមានការសន្មត់ថា វាអាចជារបួសដែលកើតឡើងនៅកន្លែងដែលស្បែកតឹងខ្លាំង។ សន្លាក់ដូចជាជង្គង់ កែងដៃ ស្មា ឬពាក់កណ្តាលទ្រូង វាក៏មានស្លាកស្នាមមួយប្រភេទទៀតដែលរីកធំហួសពីព្រំដែននៃស្លាកស្នាមដើម យើងហៅថាស្លាកស្នាម keloid ។ ជាធម្មតាវាកើតឡើងចំពោះអ្នកជំងឺដែលមានពណ៌ស្បែកខ្មៅ។ កើតឡើងនៅក្នុងទីតាំងនៃស្មា, ត្រចៀក, កណ្តាលនៃទ្រូង ឬតំណពូជជាដើម។

បន្ថែមពីលើការញ៉ាំស៊ុត ក៏គួរតែទទួលទានអាហារពីក្រុមអាហារទាំង ៥ ឲ្យបានទៀងទាត់ ដើម្បីឲ្យរាងកាយទទួលបានសារធាតុចិញ្ចឹមដែលជួយពង្រឹងរាងកាយគ្រប់ផ្នែក។ ប៉ុន្តែអាចផ្តោតលើប្រូតេអ៊ីនដូចជា ស៊ុត ទឹកដោះគោ គ្រាប់ និងផ្លែឈើ និងបន្លែដើម្បីឲយមុខរបួសឆាប់ជាសះស្បើយ៕

ប្រែសម្រួល៖ សាង ស្រីល័ក្ខ

ចុចអាន៖ទម្លាប់ញ៉ាំអាហារ ៣ ប្រភេទ អាចប៉ះពាល់ដល់សុខភាពផ្លូវចិត្តយ៉ាងធ្ងន់ធ្ងរ