សុខភាព

គ្រោះថ្នាក់បណ្ដាលពីការប្រើប្រាស់សារធាតុញៀន!

បានផុស

៤ years មុន

នៅ

ថ្ងៃសៅរ៍ ៩ មករា ២០២១

ដោយ

សារធាតុញៀនមានច្រើនប្រភេទ ក្នុងនោះមានសារធាតុមួយចំនួនដែល យើងជួបប្រទះជាញឹកញាប់ និងបង្កផលវិបាកដល់អ្នកប្រើប្រាស់ ដូចជា មេតំហ្វេតាមីន(Méthamphétamine) អំហ្វេតាមីន(Amphétamine) កញ្ឆា(Cannabis) កូកាអ៊ីន(Cocaïne) និងEctasy ជាដើម ល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាទូទៅសារធាតុទាំងនេះ អាចបង្កបញ្ហាដល់អ្នកប្រើប្រាស់ ឲ្យបាត់បង់នូវភាពជាម្ចាស់ការក្រោយពីការប្រើប្រាស់លើសកម្រិត ឬប្រើជាប្រចាំ។ ផលវិបាកទាំង នោះរួមមាន ការរំខានក្នុងការបំពេញភារកិច្ច ការសិក្សា ជីវភាពរស់នៅ និងសង្គម។ រោគសញ្ញា នៃការបង្កឡើងដោយសារធាតុញៀន ចំពោះអ្នកប្រើប្រាស់សារធាតុញៀន ប្រភេទ៖

១) មេតំហ្វេតាមីន និង អំហ្វេតាមីន

មិនឃ្លានអាហារ ចុះស្គម រីកប្រសីភ្នែក ឆាប់ផ្អើល ធ្លាក់ទឹកចិត្ត បាត់បង់វិចារណញ្ញាណ បែកញើសជោគខ្លួន ញ័រ ឆេវឆាវ ថប់បារម្ភ កាច ស្រវាំងភ្នែក វង្វេង ឡេះឡះ។

២) Ectasy

រមួលក្រពើ ឡើងកម្ដៅខ្លួន អាចបណ្ដាលដល់ស្លាប់ កើនឡើងចំណង់ផ្លូវភេទ

៣) កូកាអ៊ីន

ពិបាកផ្តោតអារម្មណ៍ វង្វេង ថប់បារម្ភ ធ្លាក់ទឹកចិត្ត ឆាប់ផ្អើល រីកប្រសីភ្នែក វិបត្តិដំណេក មិនឃ្លាន ថយចំណង់ ផ្លូវភេទ និយាយច្រើន ឆេវឆាវ។

៤) កញ្ឆា

ភ្នែកក្រហម ស្ងួតមាត់ សើចម្នាក់ឯងមិនឈប់ ភ្លេចភ្លាំង គ្មានកម្លាំង ល្វើយ ផ្លាស់ប្ដូរឥរិយាបថភ្លាមៗ។ការធើ្វការវិភាគរោគវិនិច្ឆ័យ រកវត្តមាន សារធាតុញៀន ត្រូវពឹងផ្អែកលើការពិនិត្យទឹកនោម។

ដើម្បីជៀសផុតពីផលវិបាកទាំងនេះ សូមនៅឆ្ងាយពីអ្នកប្រើប្រាស់ គ្រឿងញៀន និងបើមានបញ្ហាសុខភាពសូមពិនិត្យពិគ្រោះជាមួយ គ្រូពេទ្យជំនាញមន្ទីរពេទ្យកាល់ម៉ែត ដើម្បីទទួលបានការព្យាបាលទាន់ពេលវេលា៕