សុខភាព
ជំងឺសាហាវបំផុតមួយ សម្លាប់មនុស្ស ៩នាក់ ក្នុងប្រទេសនៅទ្វីបអាហ្វ្រិក (មានវីដេអូ)
អង្គការសុខភាពពិភពលោក (WHO) បាននិយាយកាលពីថ្ងៃអង្គារទី១៤ខែកុម្ភៈថា ប្រទេស ហ្គីណេអេក្វាទ័រ បានបញ្ជាក់ពីការផ្ទុះឡើងដំបូងនៃមេរោគសាហាវបំផុតមួយគឺ Marburg ដែលជាវីរុសឆ្លងខ្លាំង និងសម្លាប់មនុស្សសាហាវស្រដៀង អេបូឡា។

សេចក្តីរាយការណ៍របស់ WHO ធ្វើឡើង បន្ទាប់ពីមនុស្សចំនួន៩នាក់ បានស្លាប់នៅទីនោះ។
ប្រទេសអាហ្រ្វិកកណ្តាលដ៏តូចមួយនេះ បានដាក់មនុស្សជាង២០០នាក់ឲ្យធ្វើចត្តាឡីស័ក ហើយបានរឹតបន្តឹងចលនាកាលពីសប្តាហ៍មុន នៅក្នុងខេត្ត Kie-Ntem បន្ទាប់ពីរកឃើញជំងឺដ៏សាហាវនេះ។

ស្របពេលជាមួយគ្នានោះ ប្រទេសជិតខាងកាមេរូន ក៏បានដាក់កម្រិតការធ្វើចលនា នៅតាមព្រំដែនរបស់ខ្លួនផងដែរ ជុំវិញក្តីព្រួយបារម្ភអំពីករណីឆ្លង។
WHO និយាយថា ក្រៅពីការស្លាប់មនុស្សទាំង៩នាក់ ប្រទេសហ្គីណេអេក្វាទ័រ បានរាយការណ៍ករណីសង្ស័យមេរោគ Marburg ចំនួន ១៦ករណី ដែលមានរោគសញ្ញាដូចជាគ្រុនក្តៅ អស់កម្លាំង ក្អួតឈាម និងរាគ។

យោងតាម WHO, មេរោគ Marburg មានអត្រាស្លាប់រហូតដល់ទៅ៩០%ឯណោះ ហើយមិនមានវ៉ាក់សាំង ឬថ្នាំប្រឆាំងមេរោគ ត្រូវបានអនុម័តដើម្បីព្យាបាលជំងឺនេះទេ។
រដ្ឋមន្ត្រីសុខាភិបាលហ្គីណេអេក្វាទ័រ លោក Mitoha Ondo’o Ayekaba បានបញ្ជាក់ថា ការស្លាប់ទាំងនេះ ត្រូវបានផ្សារភ្ជាប់ជាមួយនឹងពិធីបុណ្យសពមួយនៅក្នុងស្រុក Nsok-Nsomo នៃខេត្ត Kie-Ntem៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera, Daily Mail
ចុចអាន៖ ហ្គាណា បញ្ជាក់ពីករណីមេរោគ Marburg ដ៏សាហាវ ជាលើកដំបូង

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៧ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៦ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២៤ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់