សុខភាព
មនុស្សទី១ ស្លាប់ដោយសារជំងឺផ្តាសាយបក្សី H3N8 នៅ ចិន
អង្គការសុខភាពពិភពលោក (WHO) ប្រកាសថា ស្ត្រីជនជាតិចិនម្នាក់ បានក្លាយជាមនុស្សដំបូងគេ ដែលបាត់បង់ជីវិត ដោយសារជំងឺផ្តាសាយបក្សីមួយប្រភេទ ដែលកម្រកើតមានចំពោះមនុស្ស ប៉ុន្តែជំងឺនេះហាក់ដូចជាមិនរីករាលដាលរវាងមនុស្សនិងមនុស្សទេ។
![](https://www.kampucheathmey.com/wp-content/uploads/2023/04/image-837.png)
នៅក្នុងសេចក្តីថ្លែងការណ៍មួយកាលពីល្ងាចថ្ងៃអង្គារទី១១ខែមេសា WHO និយាយថា ស្ត្រីអាយុ៥៦ឆ្នាំមកពីខេត្ត ក្វាងទុង ភាគខាងត្បូង គឺជាមនុស្សទីបីហើយ ដែលត្រូវបានគេដឹងថា ឆ្លងមេរោគផ្តាសាយបក្សីប្រភេទ H3N8។
ករណីទាំងអស់គឺស្ថិតនៅក្នុងប្រទេសចិន ប៉ុន្តែករណីពីរដំបូង គឺត្រូវបានរាយការណ៍កាលពីឆ្នាំមុន។
មជ្ឈមណ្ឌលគ្រប់គ្រង និងបង្ការជំងឺខេត្តក្វាងទុង បានរាយការណ៍ពីការឆ្លងករណីទី៣ កាលពីចុងខែមុន ប៉ុន្តែមិនបានផ្តល់ព័ត៌មានលម្អិតអំពីការស្លាប់របស់ស្ត្រីនោះទេ។
ទោះបីជាយ៉ាងណាក៏ដោយ WHO និយាយថា អ្នកជំងឺគឺឈឺច្រើនមុខ ហើយមានប្រវត្តិប៉ះពាល់ជាមួយសត្វបក្សីរស់។ WHO ថែមទាំងអះអាងថា មិនមានករណីផ្សេងទៀត ត្រូវបានរកឃើញក្នុងចំណោមមនុស្ស ដែលមានទំនាក់ទំនងជិតស្និទ្ធជាមួយស្ត្រី ឆ្លងមេរោគនោះទេ។
គួរបញ្ជាក់ថា ថ្វីត្បិតតែជំងឺនេះកម្រឆ្លងទៅមនុស្សក៏ដោយ ប៉ុន្តែ H3N8 កើតមានជាទូទៅចំពោះសត្វស្លាប ហើយវាក៏ឆ្លងដល់ថនិកសត្វដទៃទៀតដែរ៕
ប្រែសម្រួល៖ Vann Vann
ប្រភព៖ Reuters
ចុចអាន៖ មន្ត្រីជំនាញ៖ ជំងឺផ្ដាសាយបក្សី H5N1 មានថ្នាំព្យាបាល
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក