សុខភាព
គន្លឹះទាំង ៥ ជួយឲ្យកុមារញ៉ាំបន្លែផ្លែឈើបានច្រើន
របបអាហារដែលពោរពេញដោយសារធាតុចិញ្ចឹម វីតាមីន និងសារធាតុរ៉ែ គឺជាផ្នែកមួយដ៏សំខាន់នៃ របៀបរស់នៅដែលមានសុខភាពល្អ ក៏ដូចជាការលូតលាស់ និងការអភិវឌ្ឍន៍របស់កុមារ ។ ទោះជា យ៉ាងណាក៏ដោយ បន្លែនៅតែជាមុខម្ហូបដែលមិនពេញនិយម នៅលើតុអាហារជុំគ្រួសារសម្រាប់កុមារ ។
ដូច្នេះ ឪពុកម្តាយទាំងឡាយសាកល្បងវិធីខាងក្រោមនេះដើម្បី ជួយឲ្យកូនកាន់ចូលចិត្តញ៉ាំបន្លែ៖
១. បន្លែឆ្អិនជាមួយទឹកជ្រលក់ឆ្ងាញ់
![](https://www.kampucheathmey.com/wp-content/uploads/2023/05/image-53.png)
តាមជីវសាស្រ្ត ទារកកើតមកមានសភាវគតិចូលចិត្តភាពផ្អែមល្ហែម ចំណង់ចំណូលចិត្តនេះនៅជាមួយកុមាររហូតដល់វ័យជំទង់ ។ ដូច្នេះហើយ ដើម្បីលើកទឹកចិត្តកូនឲ្យញ៉ាំបន្លែ សូមសាកល្បងឲ្យកូនជ្រើសរើសទឹកជ្រលក់ដូចជា ទឹកស៊ីអ៊ីវ ទឹកទឹកជ្រលក់ផ្សំចេញពីផ្លែឈើជាដើម ។
ទោះជាយ៉ាងណាក៏ដោយ ចូរចំណាំថា កុមារគួរជ្រលក់តែបន្លែជាមួយទឹកជ្រលក់ ក្នុងបរិមាណតិចតួចប៉ុណ្ណោះ ព្រោះទឹកជ្រលក់ច្រើនតែមានជាតិខ្លាញ់ និងកាឡូរីខ្ពស់ ។
២. ណែនាំកូនរបស់អ្នកឲ្យស្គាល់បន្លែ
![](https://www.kampucheathmey.com/wp-content/uploads/2023/05/image-54.png)
កុមារចូលចិត្តអភិវឌ្ឍឯករាជ្យ និងអនុវត្តជំនាញថ្មីៗ ដូច្នេះហើយអ្នកអាចនាំកូនរបស់អ្នកទៅផ្ទះបាយ ដែលជួយឲ្យពួកគេកាន់តែរំភើបជាមួយនឹងអាហារដែលពួកគេជួយឪពុកម្តាយធ្វើ ។ រឿងតូចតាចខ្លះដែលកូនអាចធ្វើបានដូចជា រើសបន្លែ លាងបន្លែ វាស់បរិមាណគ្រឿងផ្សំ ក្រៅពីសុំឲ្យពួកគេជួយរៀបចំអាហារ អ្នកក៏អាចជួយឲ្យពួកគេងាយស្រួលជ្រើសរើសបន្លែដែលពួកគេចង់ទទួលទានបានថែមផង ។
៣. ផ្លាស់ប្តូររបៀបចំអិន
![](https://www.kampucheathmey.com/wp-content/uploads/2023/05/image-55-1024x819.png)
កុមារខ្លះប្រហែលជាមិនស្រួលជាមួយនឹងការញាំបន្លែ ក៏ដូចជារសជាតិនៃម្ហូបនោះទេដើម្បីផ្លាស់ ប្តូររសជាតិនៃបន្លែ អ្នកអាចសាកល្បងវិធីផ្សេងៗនៃការរៀបចំបន្លែ ។ នេះធ្វើឲ្យពួកគេចាប់អារម្មណ៍ ដោយមិនដឹងថា ពួកគេកំពុងញ៉ាំបន្លែនោះទេ ហើយដអ្នកអាចសាកល្បងវិធីមួយចំនួនដូចជា ចៀនបន្លែ ស្ងោរបន្លែ កូរបន្លែជាមួយសាច់ ។
៤. ទឹកបន្លែក្រឡុក
![](https://www.kampucheathmey.com/wp-content/uploads/2023/05/image-56.png)
ខណៈពេលដែលការបន្ថែមបន្លែទៅក្នុងទឹកក្រឡុកមិនតែងតែជាវិធីសាស្រ្តដ៏ល្អបំផុតនោះទេ ពេលខ្លះអ្នកអាចធ្វើវាបាន ដើម្បីប្រាកដថាកូនរបស់អ្នកទទួលបានសារធាតុចិញ្ចឹមគ្រប់គ្រាន់ ។ ជាពិសេស បន្លែពណ៌បៃតងពិតជាស័ក្តិសមក្នុងការលាយបញ្ចូលគ្នាជាមួយផ្លែឈើផ្អែមៗ ។ ហើយនេះជារូបមន្តងាយៗ ដែលអ្នកអាចធ្វើនៅផ្ទះបានដូចជា ផ្លែឈើផ្អែម ១ ប្រភេទ (ចេក ស្ត្របឺរី) ទឹកដោះគោ ១ ពែង និងស្ពៃ spinach ១ ក្តាប់តូច លាយជាមួយនឹងប្រេងដូង ២ ស្លាបព្រាបាយ ។
៥. ធ្វើជាគំរូល្អសម្រាប់កូនអ្នក
![](https://www.kampucheathmey.com/wp-content/uploads/2023/05/image-57.png)
កុមារនឹងរៀនពីមនុស្សធំ ពីសុជីវធម៌ រហូតដល់ទម្លាប់ប្រចាំថ្ងៃ ប្រសិនបើអ្នកចង់ឲ្យកូនរបស់អ្នកញ៉ាំបន្លែ អ្នកគួរធ្វើជាគំរូដល់ពួកគេ ។ ការបំពេញអាហាររបស់អ្នកជាមួយបៃតង ហើយកុមារនឹងចង់ដឹង ចង់ឃើញអំពីម្ហូបនេះ ។ យោងតាមទម្លាប់ កុមារនឹងសម្របខ្លួនបន្តិចម្តងៗ និងរៀនញ៉ាំបន្លែដូចឪពុកម្តាយរបស់ពួកគេ ៕
ប្រែសម្រួល៖នាងតូច
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក