សុខភាព

តើអ្នកមានជំងឺទឹកនោមផ្អែម អាចផឹកទឹកក្រូចបានទេ?

បានផុស

២ years មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

អ្នកកើតជំងឺទឹកនោមផ្អែម គួរចៀសវាងរាល់ផលិតផលអាហារដែលមានកូឡេស្តេរ៉ុល ខ្លាញ់ និងស្ករច្រើន។ ជំនួសមកវិញ អ្នកគួរតែបន្ថែមរបបអាហារជាមួយនឹងបន្លែ និងផ្លែឈើ។ ពួកវាផ្ទុកនូវបរិមាណដ៏ច្រើននៃជាតិសរសៃ សម្បូរទៅដោយវីតាមីន ជាតិខ្លាញ់ទាប និងផ្តល់អត្ថប្រយោជន៍ជាវិជ្ជមានដល់កម្រិតជាតិស្ករក្នុងឈាមរបស់អ្នក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគួរតែចៀសវាងទឹកកំប៉ុង ឬដប មានជាតិហ្គាសព្រោះវាមានផ្ទុកជាតិស្ករច្រើន។ ប្រភេទទឹកខ្ចប់ទាំងនេះបាត់បង់វីតាមីនមួយចំនួនធំ ហើយពួកវាមិនមានជាតិសរសៃទេ។

អ្នកជំងឺទឹកនោមផ្អែមគួរតែទទួលទានផ្លែឈើដោយផ្ទាល់ជាជាងផឹកទឹក ព្រោះអ្នកទទួលបានជាតិសរសៃច្រើនតាមវិធីនោះ។ ជាងនេះទៅទៀត ប្រសិនបើអ្នកផឹកទឹកផ្លែឈើនោះ អ្នកមិនគួរបន្ថែមស្ករ ឬទឹកឃ្មុំឡើយ។

នៅពេលទទួលទានផ្លែឈើ អ្នកគួរតែផ្តល់អាទិភាពដល់ផលិតផលក្រូចឆ្មារដូចជា ក្រូចឃ្វិច និងក្រូចថ្លុង ព្រោះវាមានផ្ទុកនូវវីតាមីនជាច្រើនប្រភេទ ជាពិសេសវីតាមីន C ដែលមានលក្ខណៈសម្បត្តិប្រឆាំងនឹងបាក់តេរី និងប្រឆាំងមេរោគ ក៏ដូចជាពង្រឹងប្រព័ន្ធការពាររាងកាយរបស់អ្នក។

ដូចនេះ អ្នកនៅតែអាចផឹកទឹកក្រូចបាន ប្រសិនបើអ្នកមានជំងឺទឹកនោមផ្អែម។ ប៉ុន្តែកុំផឹកច្រើនពេក យ៉ាងហោចណាស់ ១-២ ពែងក្នុងមួយថ្ងៃ ដោយមិនបន្ថែមស្ករ ឬទឹកឃ្មុំនោះទេ៕