សុខភាព

អត្ថប្រយោជន៍ ៣ យ៉ាងនៃកាហ្វេ ជួយការពារជំងឺខ្លាញ់រុំថ្លើម

បានផុស

២ years មុន

នៅ

ថ្ងៃពុធ ១៧ ឧសភា ២០២៣

ដោយ

តាមការសិក្សាជាច្រើនបានបញ្ជាក់ថា កាហ្វេមានឥទ្ធិពលការពារលើជំងឺខ្លាញ់រុំថ្លើម និងកាត់បន្ថយភាពធ្ងន់ធ្ងរនៃជំងឺ steatohepatitis ។ ទិន្នន័យពីការស្ទង់មតិសុខភាព និងអាហារូបត្ថម្ភ របស់សហរដ្ឋអាមេរិកឆ្នាំ ២០០១ ដល់២០០៨ បង្ហាញថាកាហ្វេអាចកាត់បន្ថយការកើតជំងឺខ្លាញ់រុំថ្លើម ដែលអាចទាក់ទងនឹងកត្តាខាងក្រោម៖

១. កាហ្វេកាត់បន្ថយការរលាក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផឹកកាហ្វេអាចកាត់បន្ថយយ៉ាងខ្លាំងនូវការខូចខាតថ្លើម ហើយតាមការសិក្សាបានបង្ហាញថាបន្ទាប់ពីផឹកកាហ្វេនៅក្នុងកណ្តុរដែលមានថ្លើមខ្លាញ់ មុខងារ transaminase របស់ថ្លើមត្រូវបានកាត់បន្ថយ កត្តានេះហើយដែលធ្វើឲ្យសារធាតុខ្លាញ់ផ្សេងៗក៏ត្រូវបានកាត់បន្ថយផងដែរ។

២. កាហ្វេកាត់បន្ថយជំងឺថ្លើមផ្សេងៗ

តាមការសិក្សានៅអ៊ឺរ៉ុបនាពេលថ្មីៗនេះបានស៊ើបអង្កេតទិន្នន័យគ្លីនិកនៃអ្នកជំងឺធាត់ធ្ងន់ធ្ងរចំនួន១៩៥ នាក់ដែលកំពុងទទួលការវះកាត់ bariatric ។ លទ្ធផលនៃការធ្វើកោសល្យវិច័យថ្លើមបានបញ្ជាក់ ថា ៣៥ ភាគរយៈ នៃអ្នកជំងឺធាត់មានដុំសាច់នៅលើថ្លើម ហើយការវិភាគតំរែតំរង់បានបង្ហាញ ពីកម្រិតទាបនៃជំងឺ fibrosis ថ្លើមចំពោះអ្នកផឹកកាហ្វេ។

៣. កាហ្វេប៉ះពាល់ដល់ការរំលាយអាហាររបស់ថ្លើម

តាមការសិក្សារោគរាតត្បាតបានរកឃើញថាការផឹកកាហ្វេអាចបង្កើនកម្រិតសារធាតុ adiponectin យ៉ាងចម្រើន ប៉ុន្តែការសិក្សាក៏បានរកឃើញថាសារធាតុ polyphenols កាហ្វេអាចបង្កើនការរំលាយ អាហារទៅជាថាមពលរបស់ថ្លើម និងកាត់បន្ថយការផលិតជាតិខ្លាញ់ ៕

ប្រែសសម្រួល៖នាងតូច

ប្រភព៖laodong

ចុចអាន៖អាហារទាំង ៧ ប្រភេទ ល្អសម្រាប់សួតរបស់អ្នក