ដឹងប្រយោជន៍គ្រាប់ជី ប្រាកដជារកមកទទួលទានមិនខាន

កន្លងមកមនុស្សជាច្រើនប្រហែលជាធ្លាប់បានដឹងហើយថា គ្រាប់ជី​មាន​លក្ខណៈសម្បត្តិជួយ​សម្រក​ទម្ងន់ ប៉ុន្តែតាមពិតទៅវាក៏មានអត្ថប្រយោជន៍ និងគុណតម្លៃ​លាក់កំបាំងមួយចំនួនដែលយើងមិនធ្លាប់ដឹងនោះទេ។

គ្រាប់ជីមានរសជាតិមិនសួវឆ្ងាញ់ ប៉ុន្តែបើនិយាយពីគុណប្រយោជន៍វិញគឺល្អខ្លាំងសឹងថាដឹងហើយនឹងរកទិញយកមកទទួលទានភ្លាមៗមិនខានទេ។

១ ជួយ​បណ្ដេញ​កូលេស្តេរ៉ុល​អាក្រក់​ចេញ​ពី​រាងកាយ

នៅក្នុងប្រភេទអាហារនីមួយៗ ទាំងកូលេស្តេរ៉ុលល្អ និងអាក្រក់ត្រូវបានប្រមូលផ្តុំ។ គ្រាប់ជីជួយ​បញ្ចេញ​កូលេស្តេរ៉ុលអាក្រក់ចេញពីរាងកាយ។ ដោយសារតែសរសៃគ្រាប់ជី អាចស្រូបយកជាតិ​ខ្លាញ់ នៅពេលដែលរាងកាយ​មិនអាច​រំលាយសរសៃ​ទាំងនេះបាន។ ខ្លាញ់អាក្រក់នឹងត្រូវ​បាន​បញ្ចេញ​រួម​ជាមួយ​សរសៃគ្រាប់ជី ប៉ុន្តែមិនមាន​ឥទ្ធិពល​លើ​ខ្លាញ់ល្អទេ។

២ វាគឺជា​ថ្នាំ​បញ្ចុះ​លាមក​ដ៏ល្ល្អ

គ្រាប់ជី​បន្ថែមជាតិសរសៃ និង​ជួយរំអិលធ្វើឲ្យលាមកមិនជាប់នឹងពោះវៀន ងាយស្រួល​បញ្ចេញ ព្រោះគ្រាប់ជី​នឹងជំរុញសរសៃប្រសាទជុំវិញពោះវៀនធំដែលបណ្ដាល​ឲ្យ​ឈឺពោះ​ធ្ងន់ធ្ងរ មនុស្សដែល​ទល់លាមក​ញឹកញាប់ត្រូវតែរកគ្រាប់ជីមកបរិភោគ។ វិធីប្រើគឺទទួលទាន ១-២ស្លាបព្រាបាយក្នុងមួយដង ត្រាំក្នុងទឹកឲ្យរីកសឹម​ផឹកមុនពេលចូលគេង។

៣ ស្លឹកគ្រាប់ជិ​គឺអាចបរិភោគបាន និង​មានប្រយោជន៍

បន្ថែមពីលើមានប្រយោជន៍ ស្លឹកគ្រាប់ជី​ក៏ជួយក្នុងការព្យាបាលជំងឺផ្តាសាយ​​ កាត់បន្ថយជំងឺ​រលាកទងសួត បែកញើស ឬសម្រាប់អ្នកម្ដាយថ្មីថ្មោងទើបសម្រាលកូនតែពុំមានទឹកដោះឲ្យកូន។ នៅពេលទទួលទានរួច ​រោគសញ្ញា​នឹងប្រសើរឡើង វិញជាធម្មតា។

ការប្រុងប្រយ័ត្ន

ត្បិតថាគ្រាប់ជីមានគុណប្រយោជន៍ច្រើនក៏ពិតមែន តែមុន​នឹង​ទទួល​ទាន​ត្រូវ​ត្រាំ​ក្នុង​ទឹក​រហូត​ដល់​រីកសិន។ ព្រោះបើញ៉ាំគ្រាប់ជីដែលមិនរីកល្អ នៅពេលវាស្ថិតក្នុងក្រពះនោះនឹងស្រូបយកទឹកនៅក្នុងបំពង់រំលាយអាហារធ្វើឲ្យគ្រាប់ជីទៅជារឹង និងការស្ទះពោះវៀន បណ្តាលឲ្យទល់លាមក និងហើមពោះទ្វេរដង៕

ប្រែសម្រួល៖ សាង ស្រីល័ក្ខ

ចុចអាន៖អាហារ ៧ មុខមិនប្រៃខ្លាំង តែមានជាតិសូដ្យូមខ្ពស់ ដែលអាចប៉ះពាល់ដល់រាងកាយមិនដឹងខ្លួន