សុខភាព
១១ វិធី ជួយគ្រប់គ្រងជំងឺទឹកនោមផ្អែមមិនឲ្យបង្កផលវិបាក ដោយកែប្រែទម្លាប់នៃការញ៉ាំ
វិទ្យាស្ថាននិងនាយកដ្ឋានវេជ្ជសាស្ត្រនៅឯប្រទេសថៃ បានបង្ហាញថា ការគ្រប់គ្រងជំងឺទឹកនោមផ្អែមត្រូវតែស្ថិតក្រោមការគ្រប់គ្រង គឺត្រូវកាត់បន្ថយជាតិផ្អែម ខ្លាញ់ ប្រៃ និងហាត់ប្រាណឲ្យបានទៀងទាត់។ ចំណែកឯការការកែប្រែទម្លាប់នៃការញ៉ាំ ពិតជាមានសារៈសំខាន់សម្រាប់ការថែទាំសុខភាពប្រកបដោយនិរន្តរភាព។
អាហារនិងជំងឺទឹកនោមផ្អែម លោកវេជ្ជបណ្ឌិត Nattapong Wongwiwat អគ្គនាយករងនៃនាយកដ្ឋានសេវាវេជ្ជសាស្ត្របានបង្ហើបថា អាហារមានតួនាទីសំខាន់ក្នុងការព្យាបាលជំងឺទឹកនោមផ្អែម ដែលអ្នកជំងឺមានទំនោរមិនអើពើចំពោះអាហារ ដែលអាចគិតថានៅពេលដែលថ្នាំត្រូវបានផ្តល់ឲ្យ នឹងត្រូវបានព្យាបាលដូចជាជំងឺទូទៅ ដែលជាការយល់ច្រឡំ ដោយសារតែជំងឺទឹកនោមផ្អែមគឺជាជំងឺរ៉ាំរ៉ៃដែលមិនអាចព្យាបាលបាន។ ការព្យាបាលដោយថ្នាំតែម្នាក់ឯង នឹងមិនអាចគ្រប់គ្រងជំងឺទឹកនោមផ្អែមបានទេ ដូច្នេះការតមអាហារ និងដឹងពីរបៀបជ្រើសរើសអាហារត្រឹមត្រូវ ក្នុងបរិមាណដែលសមាមាត្រទៅនឹងតម្រូវការរបស់រាងកាយ វាត្រូវបានគេចាត់ទុកថាជាមធ្យោបាយមួយក្នុងការព្យាបាល និងការពារជំងឺទឹកនោមផ្អែមបានផងដែរ។
អ្នកជំងឺទឹកនោមផ្អែម តើគួរញ៉ាំយ៉ាងដូចម្តេច? គោលការណ៍របបអាហារសម្រាប់អ្នកជំងឺទឹកនោមផ្អែម វាមិនខុសពីគោលការណ៍នៃការញ៉ាំអាហារដែលផ្តល់សុខភាពសម្រាប់មនុស្សទូទៅនោះទេ។ ប៉ុន្តែវាគឺជារបបអាហារពេញលេញ ក្នុងសមាមាត្រត្រឹមត្រូវ ក្នុងបរិមាណត្រឹមត្រូវ និងចម្រុះ។
ទោះយ៉ាងណា ជំងឺទឹកនោមផ្អែមវាជាជំងឺដែលបណ្ដាលមកពីការបញ្ចេញអ័រម៉ូនអាំងស៊ុយលីនខុសប្រក្រតី ឬសកម្មភាពរបស់អរម៉ូនអាំងស៊ុយលីន ឬទាំងពីររួមគ្នា ធ្វើឲ្យរាងកាយមិនអាចបំប្លែងជាតិស្ករដែលទទួលបានពីអាហារទៅជាថាមពល។ ជាលទ្ធផល កម្រិតជាតិស្ករក្នុងឈាមគឺខ្ពស់ជាងធម្មតា។ ប្រសិនបើមានជាតិស្ករក្នុងឈាមឡើងខ្ពស់ក្នុងរយៈពេលយូរដោយមិនបានគ្រប់គ្រង វាអាចបណ្តាលឲ្យមានផលវិបាកផ្សេងទៀតដូចជា ស្ពឹកចុងដៃជើង ជំងឺខ្សោយតម្រងនោម រួមទាំងជំងឺសរសៃឈាមបេះដូង។
វិធីគ្រប់គ្រងជំងឺទឹកនោមផ្អែម ត្បិតថាជំងឺទឹកនោមផ្អែមមិនអាចព្យាបាលបាន ប៉ុន្តែអាចគ្រប់គ្រងកម្រិតជាតិស្ករក្នុងឈាមឲ្យជិតដល់កម្រិតធម្មតាតាមដែលអាចធ្វើទៅបានដូចខាងក្រោម។
១ ញ៉ាំអង្ករឬម្សៅដែលមានជាតិសរសៃខ្ពស់ ដូចជាអង្ករសំរូប ១ក្តាប់ដៃក្នុងមួយអាហារ។
២ បរិភោគសាច់ដែលមានជាតិខ្លាញ់ទាប គ្មានខ្លាញ់ និងស្បែកដូចជា សាច់ត្រី ស៊ុតស តៅហ៊ូ ។
៣ ក្នុងអាហារនីមួយៗ អ្នកគួរញ៉ាំបន្លែស្ងោរប្រហែល២បាតដៃ ដោយសង្កត់ធ្ងន់លើបន្លែស្លឹកបៃតង។
៤ ចៀសវាងពោត ដំឡូងបារាំង ល្ពៅ ដោយសារបរិមាណម្សៅខ្ពស់។
៥ ផ្លែឈើអាចញ៉ាំបានក្នុងមួយថ្ងៃដោយញ៉ាំ២ទៅ៣ក្តាប់ក្នុងមួយថ្ងៃដោយមិនចាំបាច់ជ្រលក់អំបិល និងម្រេចឡើយ។
៦ ចៀសវាងផ្លែឈើកែច្នៃគ្រប់ប្រភេទ។
៧ ផឹកទឹកដោះគោធម្មតា ១-២ កែវក្នុងមួយថ្ងៃ បើជាទឹកដោះគោសណ្តែកសៀង ឬទឹកសណ្តែក ចូរជ្រើសរើសប្រភេទផ្អែមតិចក្នុងមួយថ្ងៃ។
៨ ចៀសវាងបង្អែម តែ និងកាហ្វេ។
៩ ធ្វើលំហាត់ប្រាណឲ្យបានទៀងទាត់
១០ គ្រប់គ្រងទម្ងន់ខ្លួនក្នុងកម្រិតធម្មតា។
១១ ជាចុងក្រោយ ថ្នាំតាមវេជ្ជបញ្ជាគួរតែត្រូវបានប្រើដើម្បីកាត់បន្ថយភាពធ្ងន់ធ្ងរនៃជំងឺ និងការពារផលវិបាកពីជំងឺទឹកនោមផ្អែមដែលនឹងកើតឡើងនាពេលអនាគត៕
ប្រែសម្រួល៖ សាង ស្រីល័ក្ខ
ចុចអាន៖ហេតុអ្វីបានជាអ្នកមិនគួរផឹកទឹកដូង លើសពីបីផ្លែក្នុងមួយសប្ដាហ៍?
មេទ័ពជើងគោក បញ្ជាឱ្យកងទ័ព ត្រៀមសង្គ្រោះពលរដ្ឋករណីមានគ្រោះមហន្តរាយកើតឡើង
ដើមអង្កាញ់ដាំក្នុងរបងផ្ទះ ជួយឲ្យស្ត្រីចំណាស់ម្នាក់រកចំណូលមិនក្រោម ៥ ម៉ឺនរៀលជាប្រចាំរាល់ថ្ងៃ
ងិន ម៉ារ៉ាឌី ៖ បើចង់ក្លាយជាបវរកញ្ញាកុំឆេវឆាវ រឿងសំខាន់ត្រូវពង្រឹងសមត្ថភាព
ពន្ធ ត្រាំ លើវៀតណាម អាចបង្កើនបញ្ហាសម្រាប់ Nike និង Adidas
ក្រុមហ៊ុន Kim Soo Hyun បដិសេធបង្ខំ Sulli ឲ្យសម្ដែងក្នុងឈុតអាក្រាតកាយ
-
ព័ត៌មានជាតិ២ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២៣ ម៉ោង agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល