សុខភាព

ខោក្នុងបោកមិនស្អាត នឹងបង្កគ្រោះថ្នាក់ដល់សុខភាពយ៉ាងធ្ងន់ធ្ងរ

បានផុស

២ years មុន

នៅ

ថ្ងៃចន្ទ ៣១ កក្កដា ២០២៣

ដោយ

ការរក្សាខោទ្រនាប់ឲ្យស្អាតគឺសំខាន់ដូចគ្នានឹងប្រដាប់ភេទដែរ ហើយបើសិនយើងសម្អាតវាដោយគ្មានអនាម័យ ឬកខ្វក់អាចនាំឲ្យមានគ្រោះថ្នាក់ដល់សុខភាពជាច្រើន។ ហេតុអ្វីបានជាការបោកខោក្នុងធម្មតាសោះ មានសារៈសំខាន់ខ្លាំង?

ប្រសិនបើអ្នកស្លៀកខោកខ្វក់ ឬមិនបានលាងសម្អាតឲ្យបានត្រឹមត្រូវ អ្នកអាចជួបប្រទះបញ្ហាជាមួយ៖

– ក្លិនអាក្រក់

– ការប្រមូលផ្តុំបាក់តេរី

– រមាស់និងកន្ទួល

– ការឆ្លងមេរោគ

– បញ្ហាមុន និងស្បែក

ទោះយ៉ាងណាក៏ដោយ យើងខ្ញុំនឹងបង្ហាញពីបៀបសម្អាតខោក្នុង២ប្រភេទដូចជាបោកដោយដៃ និងនិងប្រើម៉ាស៊ីនបោកខោសអាវ។

១ បោកខោអាវដោយដៃ ការបោកសម្អាតខោក្នុងដោយដៃ គឺជាវិធីដ៏ល្អបំផុតដើម្បីធ្វើឲ្យខោក្នុងកាន់តែប្រើបានយូរ។ ទោះបីជាការត្រូវចំណាយពេលក្នុងការបោកលគក់។ ប៉ុន្តែវាក៏បង្កើនអាយុនៃការប្រើប្រាស់ និងអាចសម្លាប់បាក់តេរីព្រមទាំងមេរោគផ្សេងៗ។

– ពណ៌ខោក្នុងខ្លះអាចចេញពណ៌ពេលបោកគក់។ ដូច្នេះងត្រូវលាងដោយឡែក។

– ប្រើទឹកក្តៅឧណ្ហៗដាក់ក្នុងអាង ឬធុងបោកខោអាវ។

– ដាក់សាប៊ូទន់ចូល។

– ដាក់ខោក្នុងត្រាំប្រហែល៣០នាទី។

– បោកខោអាវក្នុងរយៈពេលជាច្រើននាទី ហើយត្រូវប្រាកដថាសម្អាតបានយ៉ាងល្អ។
– ច្របាច់ទឹកចេញថ្នមៗ។ បន្ទាប់មកព្យួរឲ្យស្ងួត

២ បោកខោអាវជាមួយម៉ាស៊ីនបោកគក់

– ចៀសវាងការបោកខោជាមួយនឹងសំលៀកបំពាក់ផ្សេងទៀត។ ប្រសិនបើអ្នកធ្វើ ប្រើថង់បោកគក់

– ប្រសិនបើមានស្នាមប្រឡាក់កខ្វក់ ត្រូវដោះស្រាយភ្លាមៗ មុននឹងដាក់ខោក្នុងម៉ាស៊ីនបោកគក់។

– ប្រើម្សៅសាប៊ូស្រាល

– បង្វែរខោទ្រនាប់ខាងក្នុងចេញ

– ពូតទឹកចេញថ្នមៗ បន្ទាប់មកព្យួរឲ្យស្ងួតជាការស្រេច៕