សុខភាព

៤ ឆ្នាំ អគារមន្ទីរពេទ្យគន្ធបុប្ផា សីហមុនី មុនិនាថ ទទួលព្យាបាលជំងឺកុមារ ផ្នែកសង្គ្រោះបន្ទាន់កម្រិតខ្ពស់ ជិត ៣ ពាន់នាក់

បានផុស

២ years មុន

នៅ

ថ្ងៃអង្គារ ១ សីហា ២០២៣

ដោយ

រយៈពេល ៤ ឆ្នាំ នៃប្រតិបត្តិការរបស់ខ្លួន អគារមន្ទីរពេទ្យគន្ធបុប្ផា សីហមុនី មុនិនាថ បានទទួលព្យាបាលជំងឺកុមារផ្នែកសង្គ្រោះបន្ទាន់កម្រិតខ្ពស់ ចំនួន ២,៨២៦ នាក់ ,វះកាត់ទូទៅ ៩,០៥៩ នាក់ និងវះកាត់បេះដូង ១,៥៥៥ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈផេកហ្វេសប៊ុក Dr.beat Richner បានបង្ហោះនៅថ្ងៃទី ១ ខែសីហា ឆ្នាំ ២០២៣ នេះឲ្យដឹងថា ក្នុងរយៈពេល ៤ ឆ្នាំ នៃប្រតិបត្តិការរបស់ខ្លួន “អគារគន្ធបុប្ផា សីហមុនី មុនិនាថ” បានទទួលព្យាបាលកុមារផ្នែកសង្គ្រោះបន្ទាន់កម្រិតខ្ពស់ ចំនួន ២,៨២៦ នាក់ វះកាត់ទូទៅ ៩,០៥៩ នាក់ និងវះកាត់បេះដូង ១,៥៥៥ នាក់។ បន្ថែមនោះ បើគ្មានអគារវះកាត់សង្គ្រោះបន្ទាន់នេះទេ កុមារទាំងនោះ ពុំមានសំណាងបានរស់រានមានជីវិតឡើយ។

មន្ទីរពេទ្យគន្ធបុប្ផា សីហមុនី មុនិនាថ បានអរគុណដល់បុគ្គលិកកម្ពុជាទាំងអស់ ដែលខិតខំបំពេញការងារយ៉ាងនឿយហត់ ទាំងយប់ថ្ងៃ ប្រកបដោយវិជ្ជាជីវៈ។

ជាមួយគ្នានេះ មន្ទីរពេទ្យគន្ធបុប្ផា សីហមុនី មុនិនាថ ក៏បានអរគុណមូលនិធិគន្ធបុប្ផាកម្ពុជា ដែលមាន សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាស្ថាបនិក និងជាប្រធានកិត្តិយស និងមូលនិធិគន្ធបុប្ផាស្វីស Dr.med ReatRichnerចំពោះការគាំទ្រ បរិច្ចាគថវិកាអំពីសប្បុរសជនគ្រប់លំដាប់ថ្នាក់។

សូមជម្រាបថា ថ្ងៃនេះ គឺជាខួបលើកទី ៤ ឆ្នាំ នៃអគារគន្ធបុប្ផា “សីហមុនី មុនិនាថ” នៃមន្ទីរពេទ្យគន្ធបុប្ផាទី ១ ដែលបានសម្ពោធដាក់ឲ្យដំណើរការ ក្រោមព្រះរាជអធិបតីភាពដ៏ខ្ពង់ខ្ពស់ នៃព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ កាលពីថ្ងៃទី ១ ខែសីហា ឆ្នាំ ២០១៩ កន្លងទៅ៕

អត្ថបទ ៖ ពិសី